Zyeremii 24:1 - Cebaara Bible 2010

¹ A Yawe děsyanʔa sɛʔɛgéle siin tɛ̀ɛn mii na, gele ge pye lè wodɛʔɛgéle ní Yawe kpɔ̀ʔɔrɔli kpaʔa yɛ́ʔɛ ma. Koro n gi taa Babilɔni fànʔafɔw Nebukadinezari maa baa Yehoyakimi jáaw Yekonyahu cò Zyerusalɛmi ni, wi pye lè Zyuda fànʔafɔw n kári Babilɔni ma n fàra Zyuda syɛɛnkpolobèle na, ní minizyebèle, ní fɔ̀nɔbèle.

Zyeremii 24:1 Iomraidhean Croise

2 Fànʔafɔbèle 24:10

Lǎli bee ni a Babilɔni fànʔafɔw Nebukadinezari falipyebèle pan Zyerusalɛmi kánmi na n baa tɛ́ɛn kěgi taana kapɛɛnni kánma na.

2 Cányi kèlē 36:10

A ki ga pye yɛɛgbaraw na, a fànʔafɔw Nebukadinezari tun a be baa wi cò n kári Babilɔni ma n fàra Yawe kpáagi yacanra na, níì wi senyɛnw Sedesyasi télege a wi pye Zyuda, ní Zyerusalɛmi fànʔafɔw.

Ezayi 13:1

Joogbanna Babilɔni kéeli na, yanyaagee Amɔsi jáaw Ezayi nyaa lè.

Zyeremii 13:19

Wòrogulo kàbangi kèye n tɔ́n, syɔɔn faala o yaà bi yi múgu í. Zyuda myɛw n cò n kári, wi wobow myɛ n cò n kári.

Zyeremii 27:20

dee di lè Babilɔni fànʔafɔw Nebukadinezari da di láa n kári í, lǎli ni wi Zyuda fànʔafɔw Yekonya cò Zyerusalɛmi ni wi pye lè Yehoyakimi jáaw n kári Babilɔni ma, n fàra Zyuda, ní Zyerusalɛmi mɛ́ɛkpoloyi fɔ̀ɔlɔ myɛ na.

Zyeremii 28:4

Zyuda fànʔafɔw Yekonya wi lè Yehoyakimi jáaw, mii a ní wi lúrugo wi pan tɛ́ɛgi naa ma, woro ní Zyuda wóbèle bele myɛ be cò n kári Babilɔni ma lè. Níì cán mii a Babilɔni fànʔafɔw zúu kabi,› Yawe wi jo nya.»

Zyeremii 29:1

N Zyeremii yaʔa Zyerusalɛmi ni, a wi sɛ́bɛw naa tórigo wolɛɛsanbèle ma pe da cò n kári lè, ní sáriga-wòlobèle, ní kanyaajoobèle, ní syɛ́ɛnbèle myɛ ma, bele Nebukadinezari da cò Zyerusalɛmi ni n kári Babilɔni ma lè.

Zyeremii 29:2

Koro n pye fànʔafɔw Yekonya ní wi nɔ́ɔw wi pye lè fànʔafɔjew, woro ní nǎnbèle be wòlo lè, ní Zyuda, ní Zyerusalɛmi syɛɛnkpolobèle, ní minizyebèle, ní fɔ̀nɔbèle yirile kadoʔo ma Zyerusalɛmi ni.

Zyeremii 37:1

Sedesyasi wi lè Zyozyasi jáaw, a woro tɛ́ɛn fǎngi na Konyahu sìndɛɛgi ni wi lè Yehoyakimi jáaw. Nebukadinezari wi lè Babilɔni fànʔafɔw, woro wi da wi télege fǎngi na Zyuda tári nyúngo na.

Ezekyɛli 17:4

Wi n gi káganyi myɛ wodɔnɔgɔ láʔa yaà, níì kári ní gi ní yapárabéle tára ma, ní sáà gi tɛ́ʔɛ jàgiwáabéle kaʔa ni.

Ezekyɛli 19:9

Yi n kajinnɛ le wi fínaani na níì wi le gòdege ni n cò n kári Babilɔni fànʔafɔw ma. Yi n kári ní wi ní kènirige ma, jàngó pe a ní kɔ́ wi yákpoli lóʔo Isirayɛli nyanbeleyi na í.

Amɔsi 3:7

Kánmi bee na Kàfɔw Yawe o yafyɛn kpéʔele kapye wi ga wi kalarali tɛ̀ɛn wi falipyebèle na í, pe lè kanyaajoobèle.

Amɔsi 7:1

Gee Kàfɔw Yawe mii yaʔa a mii nyaa lè, koro gi nyɛ gee naa, mii maa gi nyaa a wi kúdo sámaga lǎli ni nyàákɔnigwɔɔgi nyàányunro séli ni fún lè, gee fànʔafɔw da kɔni lè.

Amɔsi 7:4

Gee Kàfɔw Yawe mii yaʔa a mii nyaa lè mii maa gi nyaa a Kàfɔw Yawe naà tɛ́ʔɛ n kútiiw joo, a náagi weekpɔɔ-cùrugi sórigo, ní i tári sórogi.

Amɔsi 7:7

Gee Kàfɔw tɛ̀ɛn mii na lè koro gi nyɛ gee naa, mii maa wi nyaa a wi yére gungo ǹjoʔo ni, gee ki da tímana n pye kiyɛɛ nyɔ́ɔ na lè, gûnzin-túnmɔnyinɛ si i nyɛ wi kɔ́gi ni.

Zakarii 3:1

A wi Zyozuwe tɛ̀ɛn mii na wi lè sáriga-wòlobèle kàfɔlɔ, wi n pye woyéreo ní Yawe nyɛ̀ʔɛni tunduɔn yɛ́ʔɛ ma, á Sutanaw si i nyɛ woyéreo ní wi kàliige ma bàā sɔ́ɔn wi na.