Zyeremii 23:3 - Cebaara Bible 2010

³ «Mii si mii bàsanbèle kpóʔoro bi yirige tátɛɛyi myɛ ni, yee má mii be cariga n tórigo lè. Mii a be lúrugo pan ba lége pe bàkpogi ni. Pe a ba ra sii bàā nɛʔɛgi.

Zyeremii 23:3 Iomraidhean Croise

Ŋúnuyi 106:47

Wolo syɔɔ, Yawe mɔ wi lè wolo Kolocɔlɔw! Wolo kpóʔoro mi yirige syɛɛnfeleyi nínge ni, koro ga pye wolo í ba ra mɔ mɛ́ɛcǎngi kpɔ̀ʔɔrɔ́, wolo si wolo nìjanri le mɔ soololi ni.

Zyeremii 16:15

Kàjáa pe a ra gi nyuu si jo: ‹Yawe woweew mɛ́ʔɛ na, woro wee wi Isirayɛli ye yirige yaà solomɔkulo kàbangi tára ni lè, ní tátɛɛyi myɛ ni, yee má wi da be nɛnɛ n tórigo lè.› Níì cán mii a be lúrugo be pan be tári ma, dee mii da kaan be toolɛɛbèle ma lè.

Zyeremii 29:14

Mii a niyɛɛ yaʔa yele í mii nyaa,› Yawe wi jo nya, ‹mii si ní yele púlobèle lúrugo pan nɛɛ naa, mii a yele yirige syɛɛnfeleyi myɛ, ní tɛ́ɛyi myɛ ni, beè mii yele nɛnɛ n tórigo lè bi yele kpóʔoro,› Yawe wi jo nya. ‹Mii a ní yele lúrugo pan tɛ́ɛgi ma, gee ni mii da yele cò n yirige n tórigo lè.›

Zyeremii 30:10

Mɔ si na, mii falipyew Zyakɔbi, mɔ a kɔ́ ra fɛ̀ɛgí í,› Yawe wi jo nya. ‹Mɔ a kɔ́ ra cɛ̀lɛ́ í, Isirayɛli! Níì cán wéle, mii a mɔ syɔɔ bi yirige yaà táleelire ni, ní mɔ yodaʔayi, bi yi yirige yaà táree ni yi nyɛ lè púlori ni. Zyakɔbi a ní lúru pan, wi a ba pye ŋɔ́ndaala na, si wɔ́ɔ tɛ́ɛn sági, syɔɔn faala a ní pye yaà bàā be tɔ́ɔrɔ í.

Zyeremii 30:3

Wéle, canyaa i maa,› Yawe wi jo nya, ‹yee ni mii a mii syɛ́ɛnbèle yaʔa pe lúru pan lè, bele be cò n kári lè, pe lè Isirayɛli ní Zyuda wóbèle,› Yawe wi jo nya. ‹Mii a be lúrugo ba lége tári ni, dee mii kaan be toolɛɛbèle ma lè, pe a ba di taa di pye be worò.› »

Zyeremii 31:7

Níì cán Yawe wi syɛ́ɛnri naa joo níì jo: ‹Yaa ŋúu gbanʔama Zyakɔbi kéeli na ní fundaanra ní. Yaa mugurumɔ yákpogéle wáa gbanʔama syɛɛnfeleyi wogbɔɔɔ kéele na! Ye yele yákpogèle yaʔa kaa lúro, yaa sòololi kpéʔele, ye jo: Yawe, mɔ syɛ́ɛnbèle syɔɔ, pe lè Isirayɛli wogorobèle!

Zyeremii 31:8

Wéle, mii n be yìrige yaà solomɔkulo tári ma a be lúru n pan, mii n be láa yaà tári láʔagéle ma n kpóʔoro. Fúunbèle ní tɔyaayi fɔ̀ɔlɔ i nyɛ be níngi ni n fàra cébèle bele na be nyɛ lè fícarigèle fɔ̀ɔlɔ, ní bele be nyɛ seeli na lè, poro myɛ bìnɛw. Syɛɛnnɛʔɛmɛ pi lúru ni maa nɛɛ naa.

Zyeremii 32:37

wéle, mii a be yirige yaà tátɛɛyi myɛ ni bi ba kpóʔoro peyɛɛ na, beè mii be nɛnɛ n tórigo lè n mii yaʔa mii fundanʔari, ní mii fundanʔagbɔɔri, ní mii fúngi yìrile ni. Mii a ní be lúrugo pan ba lége tɛ́ɛgi naa ni si be yaʔa be tɛ́ɛn gi ni yɛɛ̀nyinge na.

Zyeremii 46:27

«Mɔ si na mii falipyew Zyakɔbi, mɔ a kɔ́ ra fɛ̀ɛgí í. Mɔ a kɔ́ ra cɛ̀lɛ́ í, Isirayɛli! Níì cán wéle, mii a mɔ syɔɔ bi yirige yaà táleelire ni, ní mɔ yodaʔayi, bi yi yirige yaà táree ni yi nyɛ lè púlori ni. Zyakɔbi a ní lúru pan, wi a ba pye ŋɔ́ndaala na, si wɔ́ɔ tɛ́ɛn sági, syɔɔn faala a ní pye yaà bàā wi tɔ́ɔrɔ í.

Zyeremii 50:19

Mii a Isirayɛli lúrugo pan wi tɛɛnaʔagi ma, wi a ba ra líi Karimɛli nyanbeleyi na, ní Basyan ni, wi a ra tíngi Efirayimi nyanbeleyi, ní Galaadi ni.

Zyeremii 8:3

Kùúw a pɔ́rɔ sìíw na bele myɛ má pe ga kòro woweebèlē ní syɛɛnfelepeegi naa wozanbèlē ni lè, tɛ́ɛyi myɛ ni, beè mii a be nɛnɛ tórigo lè.» Nyɛ̀ʔɛni Sùlasiibéle Kafɔlɔ Yawe wi jo nya.

Ezekyɛli 11:17

Koro na ki joo mí jo: ‹Kàfɔw Yawe wi syɛ́ɛnri naa joo níì jo: Mii a ní yele kpóʔoro yirige yaà syɛɛnfeleyi nínge ni. Mii a ní yele kíle yirige yaà tátɛɛyi ni, yee má yele cariga n kári lè. Mii a ní Isirayɛli tásaligi kaan yele ma.

Ezekyɛli 36:11

Mii a syɔɔn ye ní yaweeri nɛʔɛ yele ǹjoyi ni, pe a nɛʔɛ sáā sii saʔa. Mii a yele kpéʔele syɛɛnnɛʔɛmɛ àmɛɛ gi pye yele sélimi na lè, mii a kacànya saʔa kpéʔele yele na bi sɔ̀lɔ booma lali na. Yele a gi cán bi cán mii wi nyɛ Yawe.

Ezekyɛli 36:24

Mii a yele kíle bi yirige syɛɛnfeleyi nínge ni, mii a yele kpóʔoro bi yirige tátɛɛyi myɛ ni, mii a yele lúrugo pan yele tiimaa tásaligi ma.

Ezekyɛli 36:37

Kàfɔw Yawe wi syɛ́ɛnri naa joo níì jo: «Mii a ní gi yaʔa Isirayɛli kpáagi wòolo í da mii nyɛ́ɛri gbanʔama mii í poro dɛ̀ɛmɛ, mii a lóʔo be ma si be kpéʔele be nɛʔɛ àmɛɛ yaweere kurugo nyɛ lè.

Levii ye sáriga-wòlori 26:9

Mii a fíige yele ma bi gi yaʔa yele í da sii saʔa, si wɔ́ɔ yele nɛʔɛ, si mii joogaanni yaʔa li kòro mii ní yele níngi ni.

Misye 2:12

Ee Zyakɔbi, mii a tɔ̀nɔ́ mɔ wobow myɛ kpóʔoro! Mii a Isirayɛli wogorobèle kpóʔoro, mii a be kpóʔoro àmɛɛ bàkpaʔa baala nyɛ lè, ní àmɛɛ yaweere gboolo nyɛ lè yaweenaʔa-tɛ́ʔɛ ni. Syɔɔn ye kàfulogo a pye yaà.

Misye 7:12

Cángi bee na pe a ra yìrigí Asirii, ní Ezyipiti kěyi ma bàā maa mɔ ma, bàā yìrigí bi séli Ezyipiti ma fwɔɔ bi sa nan cábigi na, bàā yìrigí sólomi lǒgee ma bi sa nan gee na, ní nyanbelegee ma bi sa nan gee na, bàā maa mɔ ma.