Zyeremii 23:2 - Cebaara Bible 2010

² Gee bee na Yawe syɛ́ɛnri naa joo, wi lè Isirayɛli Kolocɔlɔw, bànaʔabèle kéele na, poro bele be mii syɛ́ɛnbèle náari lè, wi n jo: «Yele n mii bǎbèle cariga, yele n be nɛnɛ, yele ga be kɔ̀rɔsíi í. Wéle, mii a keele tɛ́ʔɛ yele na, yele péemi nàʔabeemɛ kéele na,» Yawe wi jo nya.

Zyeremii 23:2 Iomraidhean Croise

Yirile 32:34

Da syée tɔ́ɔliw ni mi sa syɛ́ɛnbèle kɔ́ri maa syée tɛ́ɛgee ma mii tɛ̀ɛn mɔ na lè. Wéle, mii nyɛ̀ʔɛni tunduɔn a ra táanri mɔ yɛ́ɛgi na. Gee si mii a ba kpéʔele lè, koro gi nyɛ cangaa mii a keele tɛ́ʔɛ be na be kapeeli kéele na.»

Zyeremii 10:21

Níì cán bànaʔabèle be pye nidoliyo, pe ga Yawe caa í. Koro na pe ga gbàn ni kérigèle cángi ni láʔala í, á be yaweeri gboogéle myɛ cariga n màʔa.

Zyeremii 11:22

Koro na Yawe wi lè Nyɛ̀ʔɛni Sùlasiibéle Kafɔlɔ wi n syɛ́ɛnri naa joo níì jo: ‹Wéle! Mii a keele tɛ́ʔɛ be na, ŋɔséew a nìgɔcaribèle kpóo, kateekpɔɔgi a be nànbiigèle ní be calipiigèle kpóo.

Zyeremii 13:17

Yele ga pye ye ga lóʔo í, mii a ra nyaan yele nɛ̀ɛnyɛnɛgi kéele na làrama ni. Mii a ra nyatinmɛ ŋuu, mii nyapiigèle a ra nyatinmɛ ŋuu, níì cán Yawe yaweeri gboolo a cò bi kári.

Zyeremii 13:20

Nyapiigèle yìrige mi be wéle, bele be yìri solomɔkulo ma ni maa lè, sán yaweeri gboolo nyɛ, lee pe da kàlifáa mɔ ma lè, yaweeyiligèle ke da pye lè mɔ fereri?

Zyeremii 13:21

Nyàʔá mɔ a joo, lǎli ni pe ga pan ba keele tɛ́ʔɛ mɔ na lè, bele mɔ tiimaa da tama lè? A káagali a kòro lé li a too mɔ na í àmɛɛ cɔlɔɔ nyɛ wee wi nyɛ seeli na lè?

Zyeremii 17:10

«Mii Yawe, mii i kasɔ̀ngugèle ní fúngi kèlē sɛʔɛ ni cángi, jàngó bàā syɛ́ɛnbèle myɛ nibin nibin sàrá da yɛlɛgi ní be kóloyi ní, bàā yɛlɛgi ní be kapyegèle yasanra ní.»

Zyeremii 21:12

Davidi kpáagi wòolo! Yawe wi syɛ́ɛnri naa joo níì jo: Yaa kútiiw nyuu ní sínnɛ ní bi séli nyǐngi nyɔ́ɔ na, wee na be fǎngi gbàn lè, ye wi yirige wi wɔʔɔfɔw kɔ́yɔ ni, koro ga pye mii fundanʔari a kɔ́ folo cò àmɛɛ naà nyɛ lè bàā có bi pye syɔɔn a ní gbǎn di fígi í, yele nàʔabeemi kéele na.

Zyeremii 23:34

Kanyaajoowee, wàlá sáriga-wòlowee, wàlá syɛ́ɛnbèle ni, wee wi ga joo lè: ‹Yawe túgori,› mii a keele tɛ́ʔɛ syɔ́ɔnw bee ní wi kpáagi wòolo na.

Zyeremii 44:22

Yawe ga níì pye bi gbǎn gi kpàraco í, yele péemi nàʔabeemɛ kéele na, ní yanɔnʔɔri kéele na yele kpéʔele lè, a yele tári si kàri gurubɛɛrɛ, ní funwɔɔrɔ yáriga, ní dánga yáriga, syɛ̀ɛnnɛ fun ni àmɛɛ gi nyɛ lè níjanʔa.

Zyeremii 5:29

Mii si kòro lé kàa sìnbye ni kérigèle bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Zyeremii 5:9

Mii si kòro lé kàa sìnbye ni kapyeri bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Zyeremii 8:12

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too, Yawe wi jo nya.

Ezekyɛli 34:5

Pe n cariga bànaʔaɔ fɔ̀ngɔ báriga ni. Pe n baa pye sìnbirigi yaweere myɛ kaacòro. Pe n cariga.

Oze sɛ́bɛw 2:13

Mii a wi fundaanri myɛ kwɔ́ɔ, ní wi fɛ́tiibèle, ní wi yevɔnyi, ní wi cândɛnɛyi, ní wi kpóʔorojǎngèle myɛ ní.

Misye 7:4

Wee wi nyɛ lè be ni wobɔrɔw, wi i nyɛ àmɛɛ wúuro tírire nyɛ lè, wee wi sín be ni lè, woro n pee n sɔ̀lɔ wúuro tiipiige na. Cángi kéele mɔ kɔrɔsiifɔbèle da joo n tɛ̀ɛn lè koro gii, lǎli n nan keele í tɛ́ʔɛ mɔ na. Pe n curugo tɔ́ɔliw ni.

Zakarii 10:3

«Mii fúngi n tanʔa gbanʔama bànaʔabèle kurugo, mii a keele tɛ́ʔɛ sikepɔbèle na. Ncan Yawe wi lè Nyɛ̀ʔɛni Sùlasiibéle Kafɔlɔ, wi a pan ba kacànna kpéʔele wi yaweeri gboolo na, pe lè Zyuda kpáagi wòolo, wi a be pye àmɛɛ wiyɛɛ kpɔ́ɔmɔ syɔ́nʔɔ nyɛ lè kapɛɛnnɛ na,

Zakarii 11:16

Níì cán wéle, mii tiimaa a bànaʔawaa yìrige tári ni, bǎbèle be kwɔ́ɔ gi ni lè, pe kéeli a tée wári wi na í. Bǎwee wi cɛ́rɛ n sɔ̀lɔ lè wi a tée kári sa wee bee caa í, wi a tée wogbaliw pɔʔɔ í, wi a wɔ́ɔ lìile kaan wee má wi cólogo lè í. Kàjáa wi a ra sǐnmi wòolo káara káa fwɔɔ bàā be fèriyi sulugu.

Matye 25:36

Mii maa pye cepyá, a yele buroyo le mii na. Mii maa ni yáa, a yele pan n baa mii wéle. Mii maa pye kàsow ni, a yele pan mii ma.›

Matye 25:43

Mii maa pye nibɔɔn, yele si ga mii nibɔnri pye í. Mii maa pye cepyá yele ga buroyo le mii na í. Mii maa ni yáa ní wɔ́ɔ̀ pye kàsow ni, yele si ga pan n baa mii wéle í.›

Zyaki 1:27

Wee wi Kolocɔlɔɔ kólogi táanri ni síngi lè kolomɔ fun wolo Tóow Kolocɔlɔɔ ma, woro wi nyɛ wee wi syée lè n sa ni círibèle ní lɔgucebèle wéle ní i be dɛ̀ɛmɛ́ pe fɔ̀rɔyi kèlē na, ní wɔ́ɔ i wiyɛɛ kɔ̀rɔsíi péemi kèlē na ge nyɛ lè dulunyanw ni.