Zyeremii 22:9 - Cebaara Bible 2010

⁹ Pe a be yari: ‹Koro n taa ncan pe n Yawe joogaanni yaʔa, wi lè be Kolocɔlɔw, ncan pe maa ni tíri ni tuun kolocɔlɔbèle pèle nikwɔɔlɔ yɛ́ʔɛ ma, ni be kpɔ̀ʔɔrɔ́.› »

Zyeremii 22:9 Iomraidhean Croise

1 Fànʔafɔbèle 9:8

Kpáagi naa gi sámaga n pye lè gee ǹjoʔo ma, bele pe a ba ra sɔ̀lɔ́ gi taana lè, pe a ra káama sáā féfeegèle wíi, sáā gi nyuu si jo: ‹Nyàʔá na Yawe gee naa kpéʔele tári naa, ní kpáagi naa na?›

2 Fànʔafɔbèle 22:17

Níì cán pe n mii yaʔa ní i nùndaanni yárira sórogi kolocɔlɔbèle pèle nikwɔɔlɔ ma bi mii fúngi tanʔa gbanʔama ní be kɔ́yi kapyegèlē myɛ ní. Mii fundanʔagbɔɔri n cò naà tɛ́ɛgi naa kánma na, ti a fígi í.

2 Cányi kèlē 34:25

Níì cán pe n mii yaʔa ní i nùndaanni yárira sórogi kolocɔlɔbèle pèle nikwɔɔlɔ ma bi mii fúngi tanʔa gbanʔama ní be kɔ́yi kapyegèlē myɛ ni. Mii fundanʔagbɔɔri n too n tɛ́ɛgi naa tɔ́n, ti a tée kwɔ́ɔ í.›

Zyeremii 11:10

Pe n lúru ni be booma tofɔlɛɛyi kakoloyo kpéʔele, poro bele be cée pe ga fɔ̀lɔ ni mii syɛ́ɛnri lúro lè í, níì peyɛɛ bwɔɔ kolocɔlɔbèle pèle na, ni poro kpɔ̀ʔɔrɔ́. Isirayɛli kpáagi wòolo ní Zyuda kpáagi wòolo n mii joogaanni kálagi, loro lee mii da kpéʔele ní be toolɛɛbèle ní lè.

Zyeremii 11:3

Mɔ a be pye: Yawe wi lè Isirayɛli Kolocɔlɔw, wi n jo: ‹Syɔ́ɔnwee wi lè wi ga fɔ̀lɔ ni joogaanni naa syɛ́ɛnrɛ lúro í, ki n yɛlɛ wee bee í dánga,

Zyeremii 16:11

Lǎli bee ni mɔ a be yari: ‹Gee bee n taa ncan yele tóolɛɛbèle n mii yaʔa níì taʔa kolocɔlɔbèle pèle nikwɔɔlɔ na, pe n kpɔ̀ʔɔrɔli kpéʔele be ma, pe n tìgi n too be yɛʔɛ̀ ma. Kàjáa mii na, pe n mii yaʔa, pe ga mii làlwaw cò í,› Yawe wi jo nya.

Zyeremii 50:7

Bele myɛ pe da ni be nyaagi lè, pe maa ni be káa, pe kàsiitun-nyɛnbèle si i gi nyuu níì jo: ‹Wolo ga kolo í. Ncan pe n kapeele pye Yawe na, wi lè sínni tɛɛkòrogo, Yawe na wi lè pe toolɛɛbèle sɔ̀ngumɔ tɛɛtaʔaga.›

Zyeremii 9:13

Fwɔɔ a be taʔa be fungbanyi kasɔngurɔ na, ní Baalibèle na wɔ́ɔgēle, bele be toolɛɛbèle da tɛ̀ɛn be na lè.»

Ezekyɛli 12:16

Kàjáa mii a nǎnbèle pèle yaʔa be ni, bele pe a syɔɔ lè ŋɔséew, ní kateekpɔɔgi, ní káfalagi yáama ma, koro ga pye syɛɛnfeleyee nínge ni pe a sa pye lè paa be yanɔnʔɔyi myɛ kéele nyuu bàā tèé yaà beè, si wɔ́ɔ gi cán bi cán mii wi nyɛ Yawe.»

Ezekyɛli 14:23

Pe a yele kpɛʔɛlɛ lǎli ni yele ga be tánʔaganmi ní be kapyegèle nyaa lè. Yele a gi cán bi cán gee myɛ mii kpéʔele wi na lè, mii ga gi kpéʔele wi na nyùngo fun í.» Kàfɔw Yawe wi jo nya.

Ezekyɛli 39:23

« ‹Syɛɛnfeleyi a gi cán bi cán Isirayɛli kpáagi wòolo kolomɔ kele kéele na pe da be cò n kári, pe sìnzinmi kèlē kéele na pe kpéʔele mii na lè. A mii si wɔ́ɔ̀ mii yɛ́ɛgi làriga be na, níì be le pe kàsiitun-nyɛ́nbèle kɔ́yɔ ni, koro ga pye ŋɔséew í pe myɛ kpóo cáan.

Ezekyɛli 5:15

Lǎli ni mii ga mii kútiiw kèlē kpéʔele n foro mɔ na lè ní fundanʔara, ní fundanʔagbɔɔrɔ ní, ní fundanʔagbɔɔrɔ kpúmɔnrɔ ní, mɔ a pye faʔara yála, ní tɛʔɛlɛgɛ yála, ní sàmina yála, ní fyáara yáriga syɛɛnfeleyi ma yi mɔ màʔa lè, mii Yawe wi jo nya.

Làlwaw Kaanziin 29:24

Pe a ra gi nyuu si jo: ‹Gee bee n pye níì cán joogaanni Yawe be tofɔlɛɛyi Kolocɔlɔɔ kpéʔele be ma lè, lǎli ni wi be yirige Ezyipiti tári ni lè, pe n lee bee yaʔa,