Zyeremii 22:8 - Cebaara Bible 2010

⁸ Syɛɛnfele-nɛʔɛyɛ a ra sɔ̀lɔ́ kěgi naa taana sáā gi nyuu peyɛɛ ma si jo: ‹Nyàʔá na Yawe gee naa kpéʔele kèkpɔɔgi naa na?›

Zyeremii 22:8 Iomraidhean Croise

Zyeremii 16:10

Lǎli ni mɔ ga syɛ́ɛnri naa myɛ joo n kwɔ́ɔ lè syɛ́ɛnbèle naa ma, á be mɔ pye: ‹Nyàʔá na Yawe wɔʔɔgboloyi naa myɛ kéele nyuu ni taari wolo na? Kolomìí félege wolo kpéʔele? Kapeelìí félege wolo kpéʔele Yawe wolo Kolocɔlɔw na?›

Zyeremii 40:2

A gáridibèle kùndigi Zyeremii yeri yaà, ní baa wi pye: «Yawe mɔ Kolocɔlɔw maa kapeegi naa kéele joo tɛ́ɛgi naa kánma na.

Zyeremii 40:3

Yawe n gi yaʔa a gi baa pye. Wi n gi kpéʔele n foro, gee wi da joo lè, níì cán yele n kapeele pye Yawe na. Yele ga wi jóomi lóʔo í, koro na gee wi da joo lè, ki n nan yele na.

Kayaagi Nyɛnigɛ 4:12

Tári fànʔafɔɔlɔ ní dulunyanw syɛɛnsanbèlē myɛ a dée tága gi na í bi cán kàsiitun-nyɛ́nw ní nigoow a dée jée Zyerusalɛmi kpàánweegèle ni í.

Ezekyɛli 12:16

Kàjáa mii a nǎnbèle pèle yaʔa be ni, bele pe a syɔɔ lè ŋɔséew, ní kateekpɔɔgi, ní káfalagi yáama ma, koro ga pye syɛɛnfeleyee nínge ni pe a sa pye lè paa be yanɔnʔɔyi myɛ kéele nyuu bàā tèé yaà beè, si wɔ́ɔ gi cán bi cán mii wi nyɛ Yawe.»

Ezekyɛli 14:23

Pe a yele kpɛʔɛlɛ lǎli ni yele ga be tánʔaganmi ní be kapyegèle nyaa lè. Yele a gi cán bi cán gee myɛ mii kpéʔele wi na lè, mii ga gi kpéʔele wi na nyùngo fun í.» Kàfɔw Yawe wi jo nya.

Ezekyɛli 39:23

« ‹Syɛɛnfeleyi a gi cán bi cán Isirayɛli kpáagi wòolo kolomɔ kele kéele na pe da be cò n kári, pe sìnzinmi kèlē kéele na pe kpéʔele mii na lè. A mii si wɔ́ɔ̀ mii yɛ́ɛgi làriga be na, níì be le pe kàsiitun-nyɛ́nbèle kɔ́yɔ ni, koro ga pye ŋɔséew í pe myɛ kpóo cáan.

Ezekyɛli 5:15

Lǎli ni mii ga mii kútiiw kèlē kpéʔele n foro mɔ na lè ní fundanʔara, ní fundanʔagbɔɔrɔ ní, ní fundanʔagbɔɔrɔ kpúmɔnrɔ ní, mɔ a pye faʔara yála, ní tɛʔɛlɛgɛ yála, ní sàmina yála, ní fyáara yáriga syɛɛnfeleyi ma yi mɔ màʔa lè, mii Yawe wi jo nya.

Danyɛli 9:7

Ee Kàfɔw, mɔ wi nyɛ sínni fɔ́lɔ, wolo wóri si i nyɛ fɛ̀ɛ́ri, àmɛɛ gi nyɛ lè níjanʔa Zyuda syɛ́ɛnbèle, ní Zyerusalɛmi ye, ní Isirayɛli ye myɛ na, poro bele be nùuni lè, ní bele tɛ́ʔɛ gi léeli lè tátɛɛyi myɛ ni, beè mɔ be nɛnɛ n tórigo lè pe sìnzinmi kapyere kéele na, dee be tɛ́ʔɛ n peyɛɛ kolo mɔ ma lè.