Zyeremii 22:3 - Cebaara Bible 2010

³ Yawe wi syɛ́ɛnri naa joo níì jo: Yaa táanri kányɛɛgi, ní sínni na. Wee na be fǎngi gbàn lè, ye wi yirige wi wɔʔɔfɔw kɔ́yɔ ni. Yele a kɔ́ ra nibɔnw ní círiw, ní lɔgucew náari ní fungbanga ní í. Yele a kɔ́ ra peemɛ kpéʔele í, yele a kɔ́ ra tɛɛlɛ fun sìsyaanw ŋuu tɛ́ɛgi naa ni í.

Zyeremii 22:3 Iomraidhean Croise

2 Samyɛli 23:3

Isirayɛli ye Kolocɔlɔw n syɛɛnrɛ joo, Isirayɛli ye fálagi n mii pye: ‹Wee wi ga ni fǎngi kpéʔele syɛ́ɛnbèle na ní sínnɛ ní lè, wee wi fǎngi kpéʔele ní Kolocɔlɔɔ yɛ́ɛgi fyáara ní lè,

2 Fànʔafɔbèle 24:4

Ní tɛɛlɛ fun sìsyaanw kéele na wɔ́ɔgēle, wee Manase da wo lè, tɛɛlɛ fun sìsyaanw wi da tɛ́ʔɛ n Zyerusalɛmi nyìn lè. Yawe ga fɔ̀lɔ n kùsulugi syɔɔ í.

Zyɔbi 22:9

Mɔ maa ni lɔgucebèle lúrugu ni tórogi ní kɔwaayi ní, ní i círibèle kɔ́yɔ kabagi.

Zyɔbi 24:9

Pe i círiw kíle ni láari ní fungbanga ní, ní i yarira syoo foomɔfɔlɔ ma ni téeri fwɔɔlɔ nyɔ́ɔ ni.

Ŋúnuyi 68:5

Yaa ŋúu Kolocɔlɔɔ yɛ́ʔɛ ma, yaa ŋúu wi mɛ́ɛgi kpɔ̀ʔɔrɔlɔ kéele na! Yaa kólogi sámagi wee má wi maa fàfaanyi ni, syɔnʔɔ na lè! Woro mɛ́ɛgi gi nyɛ Yawe, yaa fundaanra kpéʔele wi yɛʔɛ̀ ma!

Ŋúnuyi 82:4

Ye fànʔafunvɔw ní fɔ̀ngɔfɔw syɔɔ, ye be yirige syɛɛnpeebèle kɔ́yɔ ni.

Ŋúnuyi 94:21

Pe i peyɛɛ gbóʔoro syɛɛnsinw sìi kánma na, ní i kolomɔ kaangi tɛɛlɛ fun sìsyaanw ma.

Ŋúnuyi 94:6

Pe i lɔgucaa ní nibɔɔn kɔɔn, pe i círibèle kúu.

Yirile 22:21

Yele a kɔ́ wɔʔɔgɔ taʔa lɔgucaa, wàlá círio na í.

Yirile 22:22

Mɔ ga ni be wɔʔɔ, á be yákpogèle wáa mii kurugo, mii a tɔ̀nɔ́ be yákpowáari lóʔo.

Kàseegèle 23:10

Mɔ a kɔ́ láʔago-lɛ́ɛgi kàriga í, mɔ si a kɔ́ jée círibèle séʔe ni í.

Kàseegèle 6:17

Nɛ̀ɛnyɛnɛgɛ nyapiigèle, ní nyínni li finɛ lè, ní kɔ́yee yi tɛɛlɛ fun sìsyaan ŋuu lè,

Ezayi 1:23

Mɔ kundigibèle i nyɛ niceebéle, ní kàyuubēle pínɛnyɛ̀nnɛ, námara kpɔ́ʔɔri kéele n pe myɛ dɛ́nɛ, a be i fé tɔ̀nɔw kurugo. Pe o tànʔa kaangi círio ma í, pe o nyɔɔ cáan lɔgucaa kútii kéele ni í.

Ezayi 58:6

Súnleganmee bi mii dɛ́nɛ lè, poro bi nyɛ bee naa: Bi péemi nyɔ̀ʔɔdiriye cɛnɛ, bi zúuw yapwɔɔrɔ sánʔana, bele na wɔʔɔgi gbàn lè, bi bele bee yirige yaʔa wɔ́rɔbéle, bi zúubèle féleye myɛ cɛnɛ.

Ezayi 58:7

Mɔ liilaa kaan kateèjaaw ma, máā foomɔfɔbèle tìrigí maa légi mɔ kpáagi ni, bele be nyɛ lè tɛɛkòrogo fun ni. Mí burogo le wee na mɔ ga nyaa lè cepyá, mɔ si a kɔ́ kàdoʔo wáa wee ma wi nyɛ lè mɔ tiimaa céri tɛ́ɛgaa í.

Zyeremii 19:4

Níì cán pe n mii yaʔa, pe n tɛ́ɛgi naa kàriga tɛɛgaa gee ni syɔɔn pùuní lè. Pe i nùndaanni yáriga kaangi kolocɔlɔbèle pèle nikwɔɔlɔ ma gi ni, bele be lè pe tiimaw, ní be toolɛɛbèle, ní Zyuda fànʔafɔbèle da be cán í. Pe n tɛɛlɛ fun syɛ́ɛnbèle sìsyaan tɛ́ʔɛ n tɛ́ɛgi naa nyìn.

Zyeremii 21:12

Davidi kpáagi wòolo! Yawe wi syɛ́ɛnri naa joo níì jo: Yaa kútiiw nyuu ní sínnɛ ní bi séli nyǐngi nyɔ́ɔ na, wee na be fǎngi gbàn lè, ye wi yirige wi wɔʔɔfɔw kɔ́yɔ ni, koro ga pye mii fundanʔari a kɔ́ folo cò àmɛɛ naà nyɛ lè bàā có bi pye syɔɔn a ní gbǎn di fígi í, yele nàʔabeemi kéele na.

Zyeremii 22:17

«Kàjáa mɔ nyapiigèle ní mɔ fúngi o nyɛ yafyɛn na mɔ tɔnɔtaari kàdoʔo na í, mɔ i tɛɛlɛ fun sìsyaanw ŋuu, ní wɔ́ɔ i fǎngi gbàngí peemɛ ni.»

Zyeremii 26:16

Lǎli bee ni a syɛɛnkpolobèle, ní syɛ́ɛnbèle myɛ binɛw gi joo sáriga-wòlobèle ní kanyaajoobèle ma níì jo: «Nǎnw naa ga tɔ̀nɔ n yɛlɛ ní kpóolo ní í! Níì cán wi n joo wolo ma Yawe wolo Kolocɔlɔw mɛ́ʔɛ na.»

Zyeremii 5:28

Pe n sìnmɛ le, pe yɛ́ɛyi i daragi, pe kapeeyi n sɔ̀lɔ gi tɛɛ̀yéregi na. Pe o kútii nyuu kányɛɛgi na í, pe o círio kútii nyuu kányɛɛgi na jàngó wi tànʔa taa í. Pe o foomɔfɔbèle kútii nyuu kányɛɛgi na í.

Zyeremii 7:23

Kàjáa syɛ́ɛnree mii joo n gbàn be ma lè toro di nyɛ dee naa, mii n jo: Ye mii jóomi lóʔo, koro ga pye mii í pye yele Kolocɔlɔw, yele si pye mii syɛ́ɛnbèle. Kóloyee ni mii jo yele í da táanri lè, yaa táanri yee bee myɛ ni, jàngó yele í pye dùba pìibēle.

Zyeremii 9:24

«Wéle, canyaa i maa,» Yawe wi jo nya, «yee ni mii a keele tɛ́ʔɛ kɛ́nɛkpeʔelebèle na, bele be lè kɛ́nɛkpeʔelebéle céri na yagana,

Kayaagi Nyɛnigɛ 3:36

lǎli ni pe ga kolo syɔɔn ma wi kútiiw ni lè Kàfɔw i nyɛ lé wi o gee bee nyaagi í?

Ezekyɛli 18:12

ní i fɔrɔgɔfɔlɔ, ní foomɔfɔlɔ nɔ̀ʔɔrɔ́ ni líi, ní i yúu, wi si o yárigi lúrugu ni kaangi, gee wi syɔɔ fwɔɔlɔ nyɔ́ɔ ni lè í, ní i wi yɛ́ɛgi yìrigí ni wéle yasunyi kàbaan na, ní i kapeeyi kpéʔele,

Ezekyɛli 18:7

wi si o syɔɔn nɔ̀ʔɔrɔ́ ni líi í, ní i gi lúrugu ni kaangi, gee wi syɔɔ fwɔɔlɔ fɔ́lɔ ma fwɔɔlɔ nyɔ́ɔ ni lè, wi si o yúu í, ní si i wi lìilaa kaangi kateèjaaɔ ma, ní i burogo nii wee na wi nyɛ lè cepyá,

Ezekyɛli 22:7

Pe i tofɔbèle ní nafɔbèle faari mɔ ni. Pe i nibɔɔn wɔʔɔ ní fungbanga ní mɔ níngi ni. Pe i círio, ní lɔgucaa nɔ̀ʔɔrɔ́ ni líi mɔ ni.

Ezekyɛli 45:9

«Kàfɔw Yawe wi syɛ́ɛnri naa joo níì jo: ‹Wobyegwɔɔgi n yɛlɛ nya, Isirayɛli fànʔafɔbiigèle! Ye yele péemi ní yele yanɛnɛ-mí-syɔɔri kéele yérige nya, yáā táanri kányɛɛgi ní sínni na, ye láʔa nya mii syɛ́ɛnbèle nɔ̀ʔɔrɔlɔ na. Kàfɔw Yawe wi jo nya.

Levii ye sáriga-wòlori 19:15

Yele a kɔ́ ra sìnzinmɛ kpéʔele kútiiw kèlē ni í. Mɔ a kɔ́ syɔɔnwaa córo si pwɔɔ wi fɔ̌ngi kéele na í. Mɔ a wɔ́ɔ kɔ́ syɔɔnwaa kpɔ́ʔɔ wi kpɔ́ɔmi kéele na í. Kàjáa ki n yɛlɛ maa mɔ felegefɔ-nyɛ́nw kútii nyuu ní sínnɛ ní.

Amɔsi 5:15

Ye kapeeyi yaʔa yi yele bɛɛn, kacànbyeri si yele dɛ́nɛ. Yaa kútiisiɔn kúunri kpàánweeli na, dɔ̀ʔɔ́ Yawe Kolocɔlɔɔ wi lè Nyɛ̀ʔɛni Sùlasiibéle Kafɔlɔ, woro a nyinimɛ taa Zyozɛfu wóbèle na be kòro lè.

Amɔsi 5:24

Kàjáa kányɛɛgi n yɛlɛ kaa fóo àmɛɛ lɔ̀ʔɔ nyɛ lè, sínni si pye àmɛɛ lòcoologo nyɛ, gee gi lè ki o kwóo í.

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Misye 6:8

Ee Syɔɔn, gee gi nyɔɔ lè, pe n gi tɛ̀ɛn mɔ na. Gee si Yawe caa mɔ ma lè koro gi nyɛ mɔ í da táanri kányɛɛgi na, mɔ í tàmaga le ní funjǎngi ní, mɔ í da táanri ní nɛ̀ɛjɛrɛgɛ ní ní mɔ Kolocɔlɔw ní.

Malasyii 3:5

«Mii a nùuni yele na kútiiw kéele na, mii a séera kpéʔele kelekele dɛ̀ɛ́bèle ní kanɔnʔɔbyebèle kánma na, ní bele be jànvaaw kàliya kɛ̀ɛ́ lè, ní bele be fǎngi gbàngí sàra-na-falipyeo, ní lɔgucaa ní círio na lè, ní wɔ́ɔ i kolomɔ kútiiw nyuu nibɔɔn na, pe si o fɛ̀ɛgí mii na í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 23:23

Wɔʔɔli a pye yele na, làlwaw sɛ́bɛwelebéle, ní Farisibèle, yele bele ye nyɛ lè syɛɛnjóotɛɛyi siin joofɔɔlɔ! Níì cán yele i mantiw, ní anisiw, ní kumɛniw yáʔa wóo ni kaangi Kolocɔlɔɔ ma, níì kasingèle, ní nyínimi, ní tágali kapyegèlē yaʔa gele ge nyɛ lè Mowizi làlwaw kakpologéle. Yele maa yɛlɛ bi dée ra gele bee kpéʔele bi fàra toro na.

Làlwaw Kaanziin 10:18

Wi i tànʔa kaangi círio ní lɔgucaa ma, nibɔnw kéele n wi dɛ́nɛ, a wi i yaliiri, ní yaleri kaangi wi ma.

Làlwaw Kaanziin 24:17

«Mɔ a kɔ́ nibɔɔn wàlá círio kútii kálagi í. Mɔ a kɔ́ lɔgucaa búrogo syɔɔ wi ma bi tɛ́ʔɛ fwɔɔlɔ lariga ni í.

Làlwaw Kaanziin 24:7

«Nànwaa ga nyaa, wee wi wi senyɛnnɛ̀ yùu lè Isirayɛli ye ni n wi pye puloo wàlá n wi pára, pe a kàyuuw bee kpóo. Kánmi bee na mɔ a kapeegi kwɔ́ɔ bi yirige yele níngi ni.

Làlwaw Kaanziin 25:1

«Lǎli ni kútii kéele ga pye nǎnbèle pèle ma lè, a be pan n baa yére jàngó poro kútiiw í joo, tàángi a kaan tàángi fɔ́lɔ ma, kolomi si kaan kolomi fɔ́lɔ ma.

Làlwaw Kaanziin 27:19

‹Wee wi ga nibɔɔn wàlá círio, wàlá lɔgucaa kútii kálagi lè, ki n yɛlɛ wi dánga!› Syɛ́ɛnbèle myɛ a gi joo si jo: Amiina!

Zyaki 1:27

Wee wi Kolocɔlɔɔ kólogi táanri ni síngi lè kolomɔ fun wolo Tóow Kolocɔlɔɔ ma, woro wi nyɛ wee wi syée lè n sa ni círibèle ní lɔgucebèle wéle ní i be dɛ̀ɛmɛ́ pe fɔ̀rɔyi kèlē na, ní wɔ́ɔ i wiyɛɛ kɔ̀rɔsíi péemi kèlē na ge nyɛ lè dulunyanw ni.