Zyeremii 21:9 - Cebaara Bible 2010

⁹ Wee wi ga kòro kěgi naa ni lè, ŋɔséew, ní kateekpɔɔgi, ní káfalagi yáama a wi kpóo. Kàjáa, wee wi ga yiri n sáà wiyɛɛ gaan lè Kalide ye ma pe baa tɛ́ɛn yele taana lè kapɛɛnni kánma na, wi sìíw a pye wi ma yataʔa.

Zyeremii 21:9 Iomraidhean Croise

Zyeremii 14:12

Alí pe ga ni súnw nii, mii a be supiiwáari lóʔo í. Pe ga sáriga-sórigoo, ní míimɛ sáriga wòlo, mii a fɔ̀lɔ be na í. Níì cán mii i caa bi be kwɔ́ɔ ní ŋɔséew, ní kateekpɔɔgi, ní káfalagi yáama ní.»

Zyeremii 21:7

Koro kàdoʔo ma Zyuda fànʔafɔw wi lè Sedesyasi, ní wi falipyebèle, ní syɛ́ɛnbèle bele pe ga kòro kěgi naa ni lè káfalagi yáama, ní ŋɔséew, ní kateekpɔɔgi kàdoʔo ma, mii a be le Babilɔni fànʔafɔw Nebukadinezari kɔ́yi ni, ní be nigoobèle kɔ́yɔ ni, ní bele kɔ́yɔ ni pe be sìikwɔɔri caa lè. Wi a be kpúmɔn kpóo ní ŋɔséew nyɔ́ɔ ní, nyinimɛ fun, ní cɔɔnrimɔ fun, ní tɔʔɔlɔmɔ fun,› Yawe wi jo nya.

Zyeremii 24:10

Mii a ŋɔséew, ní kateekpɔɔgi, ní káfalagi yáama lége be níngi ni, bi taa be kwɔ́ɔ bi yiri tásaligi ni, gee mii da kaan be ma, ní be toolɛɛbèle ma lè.› »

Zyeremii 27:11

Syɛɛnfelegee si ga gi yátiigi kaan Babilɔni fànʔafɔw zúu ma, ni báara wi ma lè, mii a gi yaʔa gi tiimaa tári ni, koro ga pye kaa di fála si tɛ́ɛn di ni,› » Yawe wi jo nya.

Zyeremii 27:12

A mii syɛ́ɛnri naa wonijanra joo kélemi Zyuda fànʔafɔw Sedesyasi ma kánmi naa na, níì jo: «Ye yele yátiiyi kaan Babilɔni fànʔafɔw zúu ma, yaa báara wi ma, woro ní wi syɛ́ɛnbèle, yele a kòro sìi na.

Zyeremii 27:13

Nyàʔá na gi yɛlɛ yele í kɔ́ kùu, mɔ ní mɔ syɛ́ɛnbèle, ŋɔséew, ní kateekpɔɔgi, ní káfalagi yáama báriga ni, àmɛɛ Yawe gi joo lè syɛɛnfelegi kéele na, gee ki ga pye lè ki ga kiyɛɛ gaan Babilɔni fànʔafɔw ma í?

Zyeremii 38:2

«Yawe wi syɛ́ɛnri naa joo níì jo: ‹Syɔ́ɔnwee wi ga kòro kěgi naa ni lè, ŋɔséew, ní kateekpɔɔgi, wàlá káfalagi yáama a wee bee kpóo. Wee si ga yiri n sáà wiyɛɛ gaan Kalide ye ma lè wee bee a wi sìi kɔn, wi sìíw a pye wi yataagi, wi a kòro sìi na.›

Zyeremii 38:3

Yawe wi syɛ́ɛnri naa joo níì jo: ‹Kěgi naa a tɔ̀nɔ́ le Babilɔni fànʔafɔw kapɛɛnkpumɔnbéle kɔ́yɔ ni, wi a gi syɔɔ taa.› »

Zyeremii 39:18

Mii a mɔ yaʔa mɔ í syɔɔ, ŋɔséew a tée mɔ kpúmɔn cáan í. Mɔ siiw wi a pye mɔ yataagi, níì cán mɔ n tága mii na,› » Yawe wi jo nya.

Zyeremii 45:5

Yakpoloyo lé mɔ caa? Mɔ a kɔ́ ra yi caa í! Níì cán wéle, mii a wɔʔɔgɔ yaʔa gi too cere yáriri myɛ na, Yawe wi jo nya. Mii si a mɔ siiw kaan mɔ ma wi pye yataʔa tɛ́ɛyi myɛ ni, beè mɔ ga kári lè.› »

Ezekyɛli 5:12

Káfalagi yáama, ní kateekpɔɔgi a mɔ syɛ́ɛnbèle tílataanri wógaa kpóo mɔ níngi ni, ŋɔséew si tílagee kpóo cáan bi mɔ màʔa, mii si gee cariga bi tórigo káfalagi kàbanya myɛ na, si ŋɔséew kɔ́n bi taʔa be na.