Zyeremii 21:7 - Cebaara Bible 2010

⁷ Koro kàdoʔo ma Zyuda fànʔafɔw wi lè Sedesyasi, ní wi falipyebèle, ní syɛ́ɛnbèle bele pe ga kòro kěgi naa ni lè káfalagi yáama, ní ŋɔséew, ní kateekpɔɔgi kàdoʔo ma, mii a be le Babilɔni fànʔafɔw Nebukadinezari kɔ́yi ni, ní be nigoobèle kɔ́yɔ ni, ní bele kɔ́yɔ ni pe be sìikwɔɔri caa lè. Wi a be kpúmɔn kpóo ní ŋɔséew nyɔ́ɔ ní, nyinimɛ fun, ní cɔɔnrimɔ fun, ní tɔʔɔlɔmɔ fun,› Yawe wi jo nya.

Zyeremii 21:7 Iomraidhean Croise

Ezayi 27:11

Káganbiiri ga waʔa lǎli ni lè, pe n di kabagi. Càbala n baa naà le di na. Sícilimɛ fun syɛ̀ɛnnɛ bɛɛ, koro na wee wi be faan lè, wi ga nyinimɛ taa be na í, wee wi be sámaga lè, wi ga nyɔɔ be na í.

Ezayi 47:6

Mii fúngi maa tanʔa gbanʔama mii syɛ́ɛnbèle kurugo, mii maa mii kɔ́rigi córo yanɔnʔɔgɔ, níì be le mɔ kɔ́gi ni, kàjáa mɔ ga fɔ̀lɔ n nyinimɛ taa be na í. Mɔ n mɔ zúulibegi taʔa wolɛɛw na.

Zyeremii 13:14

Mii a be kpúmɔn tɔ́nʔɔnɔ peyɛɛ na, tofɔbèle, ní pìíbèle, pínɛmɛ, Yawe wi jo nya. Mii a tée wàa yaʔa í, mii a pye nyinimɛ fun, mii a tée nyinimɛ taa be na í. Yafyɛn a mii yérige be kálagili na í.› »

Zyeremii 14:12

Alí pe ga ni súnw nii, mii a be supiiwáari lóʔo í. Pe ga sáriga-sórigoo, ní míimɛ sáriga wòlo, mii a fɔ̀lɔ be na í. Níì cán mii i caa bi be kwɔ́ɔ ní ŋɔséew, ní kateekpɔɔgi, ní káfalagi yáama ní.»

Zyeremii 15:5

«Koro na wìí wi a nyinimɛ taa mɔ na, Zyerusalɛmi? Wìí wi a mɔ kéeli yáa? Wìí wi a yére si mɔ yíbe si jo mɛ̀ɛ́ mɔ nyɛ?

Zyeremii 15:9

Céwee wi da nànbiigéle kɔrɔsiin see lè, wi bárigaw n kwɔ́ɔ, wi i nyɛ kúkoliw na. Wi cángi n too n cángi yaʔa sìngwɔɔ ni. Fɛ̀ɛrɛ n wi tɔ́n, faʔara n too wi na. Bele be kòro lè mii a be le ŋɔséew kɔ́yɔ ni pe nigoobèle yɛ́ʔɛ ma,» Yawe wi jo nya.

Zyeremii 19:7

Tɛ́ɛgi bee ni mii a Zyuda ye ní Zyerusalɛmi ye katimanani kálagi. Mii a gi yaʔa ŋɔséew í be kpóo cáan pe nigoobèle yɛ́ʔɛ ma, ní bele pe be sìikwɔɔri caa lè, bele bee kɔ́yɔ í be kpóo. Mii a be kúceri kaan nyɛ̀ʔɛni féjɛɛnrɛ, ní tári yaweere ma ti lìile.

Zyeremii 20:4

Níì cán syɛ́ɛnri naa Yawe joo níì jo: ‹Wéle, mii a fyáakpɔɔrɔ cáan mɔ ní mɔ taannyɛnbèle myɛ na. Pe nigoobèle ŋɔsée a be cáan, mɔ nyapiigèle a gi nyaa. Mii a wɔ́ɔ Zyuda ye myɛw le Babilɔni fànʔafɔw kɔ́yɔ ni, wi a be cò bi kári Babilɔni ma, si pèle kpóo ní ŋɔséew ní.

Zyeremii 22:25

Mii a mɔ le bele kɔ́yɔ ni pe mɔ siikwɔɔri caa lè, bele kɔ́yɔ ni, bele yɛ́ʔɛ ma mɔ cɛ̀lɛ́ lè, Nebukadinezari kɔ́yi ni, wi lè Babilɔni fànʔafɔw, ní Kalide ye kɔ́yi ni.

Zyeremii 27:6

Tɔ́ɔliw ni, mii a tátɛɛyi bee myɛ le Nebukadinezari kɔ́yi ni, wi lè Babilɔni fànʔafɔw, ní i nyɛ mii falipyeo. Mii n wɔ́ɔ̀ sìnbirigi yaweere kaan wi ma jàngó taa báara wi ma.

Zyeremii 32:4

Zyuda fànʔafɔw Sedesyasi a syɔɔ Kalide ye fǎngi ma í, kàjáa wi a tɔ̀nɔ́ le Babilɔni fànʔafɔw kɔ́yɔ ni, wi a joo ní wi ní pe yɛɛcɔɔgèle le peyɛɛ ni.

Zyeremii 34:3

Mɔ si na, mɔ a syɔɔ wi kɔ́gi ma í, pe a mɔ cò peemɛ ni bi le wi kɔ́gi ni, mɔ nyapiigèle a le Babilɔni fànʔafɔw wòʔolo ni, yele a yɛ́ɛyi le yeyɛɛ ni wáā nyuu ní mɔ ní, mɔ si kári Babilɔni ma.

Zyeremii 36:29

Ki n yɛlɛ mi syɛ́ɛnri naa joo Zyuda fànʔafɔw Yehoyakimi kánmi na, mí jo: ‹Yawe wi syɛ́ɛnri naa joo níì jo: Mɔ wi sɛ́bɛmigiw naa sórigo, níì jo: Nyàʔá na mɔ syɛ́ɛnri naa sɛ́bɛ wi ni níì jo: Babilɔni fànʔafɔw a tɔ̀nɔ́ pan, wi a ba tári naa kálagi, si nǎnbèle ní yaweeri kwɔ́ɔ yirige di ni?

Zyeremii 37:17

A fànʔafɔw Sedesyasi tun a be sáà wi yeri. A fànʔafɔw baa wi yíbe làrama ni wi fànʔafɔ-gbaagi ni, níì jo: «A Yawe syɛ́ɛnraa i yaà lé?» A Zyeremii wi yari: «Ɛɛn!» Ní níì jo: «Mɔ a le Babilɔni fànʔafɔw kɔ́yɔ ni.»

Zyeremii 50:17

Isirayɛli i nyɛ bàpuunio, wee càarabèle nɛnɛ lè. Asirii fànʔafɔw wi wí káa wozeliw. Wee si wi pye lè wozanw n wi kaceleyi kabagi, woro wi nyɛ Babilɔni fànʔafɔw Nebukadinezari.»

Kayaagi Nyɛnigɛ 2:20

Ki nyaa, Yawe, ki wéle, wee mɔ cò kánmi bee félege na lè! A ki da yɛlɛ lé cébèle í da gi káa, gee gi yiri be láayi ni lè, pìipiigèle gele kéele li da be sámaga n dɛ́nɛ lè? A ki da yɛlɛ lé pe sáriga-wòlobèle ní kanyaajoobèle kpóo Kàfɔw tɛɛcànga ni?

Kayaagi Nyɛnigɛ 2:22

Mɔ n fyáakpɔɔri yeri kàbanyi myɛ na n wáa mii na àmɛɛ kpóʔorojànna canʔa nyɛ lè. Yawe fundanʔari canʔa na wozyɔɔɔ, wàlá woweeo ga kòro í. Bele kéele li da mii sámaga n dɛ́nɛ lè cama, a mii be gbóo, mii nigoow n be lìi mɛnɛ mɛnɛ.

Ezekyɛli 23:28

Níì cán Kàfɔw Yawe wi syɛ́ɛnri naa joo níì jo: Wéle, mii a mɔ le bele kɔ́yɔ ni, bele kéele li mɔ bɛɛn lè, bele kɔ́yɔ ni, poro bele na mɔ fúngi láʔa lè.

Ezekyɛli 7:9

Mii a tée nyinimɛ nyaa í, mii a canmi-cɔɔnrigɔ kpéʔele í. Mii a wɔʔɔgi taʔa mɔ na bi yɛlɛ ní mɔ tánʔaganmi ní, mɔ yanɔnʔɔyi a kòro mɔ níngi ni. Yele a gi cán bi cán mii wi nyɛ Yawe, wee wi kpumɔnrɔ kpéʔele lè.

Ezekyɛli 8:18

Mii wɔ́ɔgēle, mii fundanʔagbɔɔrɔtɔw a yarigaa pye. Mii a tée nyinimɛ nyaa í, mii a canmi-cɔɔnrigɔ kpéʔele í. Pe ga ni fúlo ni yákpogèle wáa mii líiweegèle taana, mii a lóʔo be ma í.»

Ezekyɛli 9:10

Mii wɔ́ɔgēle, mii a pye nyinimɛ fun, mii a canmi-cɔɔnrigɔ kpéʔele í. Mii a be kapyegèle lúrugo cáan pe nyúnyi ni.»

Làlwaw Kaanziin 28:50

Syɛɛnfelegaa gii, gee yɛ́ʔɛ gi waʔa lè, ki a ba ra wolɛɛɔ córo í, ki a ra nyinimɛ taagi pyà na í.