Zyeremii 21:5 - Cebaara Bible 2010

⁵ Mii tiimaa si kapɛɛnni kpúmɔn yele kánmi na, ní kɔzánʔaga, ní séekɔlɔ, ní fundanʔara, ní fundanʔagbɔɔrɔ ní, ní àmɛɛ mii fúngi tɔ̀nɔ n yìri lè gbanʔama.

Zyeremii 21:5 Iomraidhean Croise

Yirile 6:6

Koro na ki n yɛlɛ mi gi joo Isirayɛli ye ma, mí be pye: ‹Mii wi nyɛ Yawe, mii a yele syɔɔ faligbanw ma, woro wee Ezyipiti ye taʔa yele na lè. Mii a yele yirige púlori fáli ni woro wee be taʔa yele na lè. Mii a yele syɔɔ mii kɔ́gi fànʔa báriga ni ní kútiiw kakpologéle báriga ni.

Yirile 9:15

Tɔ́ɔliw ni kapye mii maa mii kɔ́gi sánʔa n mɔ ní mɔ tári syɛ̀ɛnnɛ kpúmɔn ní káfalagi yáama ní, mɔ a dée kwɔ́ɔ bi yiri yaà tári ni.

Ezayi 10:4

Yafyɛn a ní kòro í, kapye bi yeyɛɛ kùru ní wojobèle ní ban í, ní kapye bi too ní wogboobèle ní ban í. Alí koro ní gi myɛ ní, wi fundanʔari ga láʔa í, wi kɔ́gi sèʔé i nyɛ wozánʔaga ní.

Ezayi 5:25

Koro na Yawe fundanʔari cò naà wi syɛ́ɛnbèle kánma na, a wi kɔ́gi sánʔa be kánmi na n be kpúmɔn. Nyanbeleyi i cɛ̀lɛ́, kúbèle si i nyɛ àmɛɛ kànyaʔara nyɛ lè kàlari-kóloyi ni. Koro ní gi myɛ ní, wi fundanʔari ga láʔa í, wi kɔ́gi sèʔé i nyɛ wozánʔaga ní.

Ezayi 63:10

Kàjáa pe n céemɛ kpéʔele, pe n wi Pìicǎnni fúngo tanʔa, a wi kàri n pye pe nigoo, woro wi kapɛɛnni kpúmɔn ní be ní.

Ezayi 9:12

Syɛ́ɛnbèle a lúru pan, wee má wi be kpúmɔn lè í, pe a ra Nyɛ̀ʔɛni Sùlasiibéle Kafɔlɔ Yawe caa í.

Ezayi 9:17

Péemi tɔ̀nɔ́ i sórigolo kpéʔele àmɛɛ naà nyɛ lè, gee gi wúuro tiipiiye, ní wúuro tírire sórogi lè. Ki i có kɔ́ligi tiipiire na, a di wíritɔnɔgi i yìrigí ni syée ǹjogi ni.

Zyeremii 32:17

‹Ee Kàfɔw Yawe, mɔ wi nyɛ̀ʔɛgèle ní tári sámaga mɔ séekpɔɔw, ní mɔ kɔ́gi sánʔana báriga ni, yarigaa faala ga mɔ jáa í.

Zyeremii 32:37

wéle, mii a be yirige yaà tátɛɛyi myɛ ni bi ba kpóʔoro peyɛɛ na, beè mii be nɛnɛ n tórigo lè n mii yaʔa mii fundanʔari, ní mii fundanʔagbɔɔri, ní mii fúngi yìrile ni. Mii a ní be lúrugo pan ba lége tɛ́ɛgi naa ni si be yaʔa be tɛ́ɛn gi ni yɛɛ̀nyinge na.

Zyeremii 36:7

Dɔ̀ʔɔ́ pe nyɛ́ɛrigbɔɔgi a nan Yawe na, pe myɛ nibin nibin si be kobeeyi yaʔa si lúru pan. Níì cán Yawe fundanʔari ní wi fúngi yìrile kéele li joo syɛ́ɛnbèle naa kánma na lè, ti n kpɔ́ʔɔ.»

Zyeremii 37:10

Alí yele ga Kalide ye kapɛɛnkpumɔnbèle myɛ kpúmɔn n cáan, poro bele be kapɛɛnni kpúmɔn ní yele ní lè, wàa ga pye wi ga níì kòro be ni, kapye nǎnbèle be kpàli lè poro ban í, pe a ní yìri pe myɛ nibin nibin bi yére be fànikpaayi ni bi kěgi naa sórigo ní naà ní.»

Zyeremii 6:12

Pe kpáayi a kaan pèle nikwɔɔlɔ ma, n fàra séyi, ní cébèle na wɔ́ɔgēle, lǎli ni mii ga mii kɔ́gi sánʔa n taʔa tári syɛ̀ɛnnɛ na lè,» Yawe wi jo nya.

Kayaagi Nyɛnigɛ 2:3

Wi fundanʔari káfugbanga n Isirayɛli fǎngi myɛ kpúmɔn n cáan. Wi n cée bi dɛ̀ɛmɛnɛ kpéʔele lǎli ni nigoow pan lè. Wi n naakpɔʔɔ le Zyakɔbi ni, gee gi sórigolo kpéʔele kàbanyi myɛ na lè.

Ezekyɛli 39:3

Mii a mɔ sedegi kpúmɔn cáan ki nyɛ lè mɔ kamɔnɔ kɔ́gi ni, si mɔ ŋáayi yaʔa yi too, yi lè mɔ kaliige kɔ́gi ni.

Ezekyɛli 5:8

Gee bee na Kàfɔw Yawe jo: ‹Mii wɔ́ɔgēle! Ní mɔ ní mii cáan. Mii a mii kútiiw kèlē kpéʔele foro mɔ níngi ni tári syɛɛnfeleye nyɛ́nɛ na.

Làlwaw Kaanziin 4:23

Ki si n yɛlɛ yaa yeyɛɛ kɔ̀rɔsíi koro ga pye joogaanni Yawe yele Kolocɔlɔw kpéʔele ní yele ní lè, yele a kɔ́ fɛ̀ʔɛ li na, si yatanga tan, gee gi yarigaa wíri lè bi yaʔa yeyɛɛ ma í. Ncan Yawe mɔ Kolocɔlɔw n gi joo n gbàn níì jo mɔ a kɔ́ gee bee kpéʔele í.

Làlwaw Kaanziin 4:34

A kolocɔlɔwaa caa kɔ́ɔ̀ gi pye lé n wéle bi pan ba syɛɛnfelegaa láa bi yirige kàa ni bi yaʔa wiyɛɛ ma kagbangēle, ní fɛ̀ɛbēle, ní kakpoloyo, ní kapɛɛnnɛ, ní sée kɔ́lɔ, ní kɔ̂zánʔaga, ní fyáakpɔɔrɔ kele báriga ni n yɛlɛ ní gee myɛ ní Yawe yele Kolocɔlɔw kpéʔele yele kéeli na lè Ezyipiti ni yele nyɛ́nɛ na?