Biblia Todo Logo
Bìoball air-loidhne

- Sanasan -




Zyeremii 21:4 - Cebaara Bible 2010

4 ‹Yawe wi lè Isirayɛli Kolocɔlɔw, woro wi syɛ́ɛnri naa joo níì jo: Wéle, mii a kapɛɛnkpumɔn-yáriri kolo lúrugo, dee di nyɛ yele kɔ́yi ni lè, ní dee ní yele kapɛɛnni kpúmɔn ní Babilɔni fànʔafɔw, ní Kalide ye ní lè, poro bele be tɛ́ɛn tǒw kàdoʔo ma n yele màʔa lè, mii a be kpóʔoro kěgi naa nínge ni.

Faic an caibideil Dèan lethbhreac




Zyeremii 21:4
23 Iomraidhean Croise  

Yafyɛn a ní kòro í, kapye bi yeyɛɛ kùru ní wojobèle ní ban í, ní kapye bi too ní wogboobèle ní ban í. Alí koro ní gi myɛ ní, wi fundanʔari ga láʔa í, wi kɔ́gi sèʔé i nyɛ wozánʔaga ní.


Syɛɛnnɛʔɛmɛ kafulogo i yirigi nyanbeleyi na n syɛɛnfelegaa wóʔo wíri, gee gi nɛʔɛ lè. Fànyaa syɛɛnfeleye yi kpóʔoro lè, yoro kàfulogo. Yawe wi lè Nyɛ̀ʔɛni Sùlasiibéle Kafɔlɔ, wi i kapɛɛnkɔyi sɛʔɛ kapɛɛnni kánma na.


Koro na, gee mii a kpéʔele mii ɛrɛzɛn ségi na lè, mii a gi tɛ̀ɛn yele na tɔ́ɔliw ni. Mii a gi jásaaw láʔa gi na, yaweeri si gi káa. Mii a gi kàkɔlɔgi wálagi cáan, jàngó pe gi tánʔana ní tɔ́lɔyi ní.


Níì cán syɛ́ɛnri naa Yawe joo níì jo: ‹Wéle, mii a fyáakpɔɔrɔ cáan mɔ ní mɔ taannyɛnbèle myɛ na. Pe nigoobèle ŋɔsée a be cáan, mɔ nyapiigèle a gi nyaa. Mii a wɔ́ɔ Zyuda ye myɛw le Babilɔni fànʔafɔw kɔ́yɔ ni, wi a be cò bi kári Babilɔni ma, si pèle kpóo ní ŋɔséew ní.


A Zyeremii be pye: «Ye sa gi joo Sedesyasi ma yé wi pye:


Wéle, yalúguyi n yérige n kwɔ́ɔ kěgi taana bi gi syɔɔ taa. Kěgi n le Kalide ye kɔ́yi ni, poro bele be túngu ní gi ní lè, pe n gi jáa ŋɔséew, ní kateekpɔɔgi, ní káfalagi yáama báriga ni. Syɛ́ɛnri mɔ joo lè toro di nan dee, a mɔ i gi nyaagi.


Zyuda fànʔafɔw Sedesyasi maa be pye a pe wi cò n tɔ́n níì jo: «Nyàʔá na mɔ kérigèle nyaagi ni nyuu kánmi naa na níì jo: ‹Yawe wi syɛ́ɛnri naa joo níì jo: Wéle, mii a kěgi naa le Babilɔni fànʔafɔw kɔ́yɔ ni, wi a gi syɔɔ taa.


Wi a Sedesyasi cò bi kári Babilɔni ma, wi a sa kòro yaà beè fwɔɔ bi taa mii í kɔ́ pan ba wi wéle,› Yawe wi jo nya. Yele ga kapɛɛnni kpúmɔn ní Kalide ye ní yele a fànʔa taa í.› »


pe ga yiri bi sa too Kalide ye na lǎli ni lè, yee yi a nyìn nǎnbèle kúcere na, bele mii fundanʔaratɔw, ní mii fundanʔagbɔɔrɔtɔw a kpúmɔn lè, mii a mii yɛ́ɛgi làriga kěgi naa syɛ̀ɛnnɛ na, pe péemi kéele na.


Koro na, Yawe wi lè Kolocɔlɔw, wi nyɛ lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyee myɛ kéele mii joo lè Zyuda ye, ní Zyerusalɛmi ye myɛ kánmi na lè, mii a yi yaʔa yi too be na. Níì cán mii n joo ní be ní, pe ga lóʔo í, mii n be yeri, pe ga syɔɔ í.› »


Lǎli bee ni a Babilɔni fànʔafɔw syɛɛnkpolobéle myɛ fala n kári n sáà tɛ́ɛn Níngi Kpàánweele na, poro be pye: Nɛrigali-Saresɛɛri, ní Samigari-Nebu, ní Sarisekimi, nǎnbèle be wòlo lè poro kùndigiw, Nɛrigali-Saresɛɛri wi pye sícilibèle kùndigi, ní Babilɔni fànʔafɔw syɛɛnkpolobéle wozanbèlē myɛw.


A be nɛ̀ʔɛdaʔayi, ní cɔ́ɔngi yakoliyo ní ŋɔ́gèle, ní nyari-nyarili pɛ́ɛgéle ní yagbaagèle láa n fàra kanyɛɛnri yárira myɛ na dee ní pe da ni fáliw kpéʔele lè.


Wi fundanʔari káfugbanga n Isirayɛli fǎngi myɛ kpúmɔn n cáan. Wi n cée bi dɛ̀ɛmɛnɛ kpéʔele lǎli ni nigoow pan lè. Wi n naakpɔʔɔ le Zyakɔbi ni, gee gi sórigolo kpéʔele kàbanyi myɛ na lè.


Kàfɔw n baa pye àmɛɛ nigoò nyɛ lè. Wi n Isirayɛli jɔ́ɔ, wi n wi kpaacanyi myɛ jɔ́ɔ. Wi n wi tɛɛniriyi kálagi. Wi n funbɛɛnri kèlē, ní cɛ́ɛnmi nɛʔɛ calipili Zyuda tɛ́ɛgi ni.


Kàfɔw n wi sáriga-wòlo-yafaangi yaʔa, wi n wi sáriga-wòlo-tɛ́ɛgi córo yanɔnʔɔgɔ, wi n Siyɔn kpaacanyi gúnyo le nigoobèle kɔ́yɔ ni. Yákpowáara i yirigi yaà Yawe kpáagi ni móō fɛ́tii canʔa gii.


Mii a mɔ sedegi kpúmɔn cáan ki nyɛ lè mɔ kamɔnɔ kɔ́gi ni, si mɔ ŋáayi yaʔa yi too, yi lè mɔ kaliige kɔ́gi ni.


Alí pe ga ni be pìíbèle gbóo, mii a be bɔ̀nɔ be ni sáni pe lɛɛ bi nìri lè, mii ga kàdoʔo wáa be ma lǎli ni lè, wɔʔɔli a pye be na.


Mii a syɛɛnfeleyi myɛ kpóʔoro Zyerusalɛmi na, kapɛɛnni kánma na. Kěgi a syɔɔ taa, páā kpáayi fuguri, sáā tuun cébèle na. Kěgi tíla a cò bi kári, kàjáa syɛ́ɛnbèle wozanbèlē a kwɔ́ɔ yirige kěgi ni í.


A fànʔafɔw ga gee bee lóʔo, a wi fúngi fala n tanʔa. A wi wi sùlasiibèle tun a be sáà syɛɛnkpoobèle bee kpóo, níì be kěgi sórigo.


Lean sinn:

Sanasan


Sanasan