Zyeremii 20:8 - Cebaara Bible 2010

⁸ Mii ga ni nyuu lǎlee faala ni lè, fwɔɔ mii í da yákpoli wáa, fwɔɔ mii í da gi nyuu si jo: «Tanʔara ní kálagila!» Pe i mii faari ní i mii kpàná canbogi myɛ ni Yawe syɛ́ɛnri kéele na.

Zyeremii 20:8 Iomraidhean Croise

2 Fànʔafɔbèle 2:23

A Elize yiri nɛɛ bee ni syée Betɛli ma. N wi yaʔa kólogi na wi i lúru, a nìgɔcaripiire yiri kěgi ni n ba ni tiyɛɛ nyɛ́nɛ wi na. Ti maa ni gi nyuu wi ma níì jo: «Da lúru nyùngbofologo fɔ́lɔ! Da lúru, nyùngbofologo fɔ́lɔ!»

2 Cányi kèlē 36:16

Kàjáa a be i peyɛɛ nyɛ́nɛ Kolocɔlɔɔ tundunbèle na pe da ni wi syɛ́ɛnri córo í, a be i wi kanyaajoobèle kpàná fwɔɔ n taa a Yawe fundanʔagbɔɔri baa yìri be kurugo, tiinmɛ ga níì pye gi na í.

Ezayi 57:4

Wìí na yele yeyɛɛ nyɛ́nɛ? Wìí na yele ye nyɔ́ɔyi múru fáa, ní i yele nyíngèle yirigi? Sìnloʔomɔ piibéle ban yele nyɛ ì, ní jànvaaw yòdaʔaya ì?

Zyeremii 15:10

Wɔʔɔlɔ i mii na, mii nɔ́ɔ, níì cán mɔ n mii see nànwaa, wee wi nyɛ lè kàkabaga fɔ́lɔ, ní kàsiikuuɔn tári myɛ ma! Mii o fwɔɔlɔ kúunri wàlá ni fwɔɔlɔ nii í bi gi taa pe myɛ i mii dángi.

Zyeremii 15:15

Ee Yawe, mɔ n ki myɛ cán, sɔ̀ngi mi taa mii na, pan mi ba mii dɛ̀ɛmɛ, gɔ̀lɔ́w wòlo mii wɔʔɔfɔbèle na! Mɔ a kɔ́ mii kíle kári í, mɔ wee fúngo gi lè ki o taanri kelekele í! Ki n yɛlɛ mi gi cán mii i faʔari kpàracó mɔ kéeli na.

Zyeremii 17:27

Kàjáa yele ga pye yele o lúro mii ma níì cândɛnɛgi canʔa sámaga n yaʔa yacanga í, níì túgori tugolo yaʔa gi ni í, ní i jǐn Zyerusalɛmi kpàánweegèle ni ní di ní cândɛnɛgi canʔa ni, lǎli bee ni mii a naà le kěgi kɔ̀riyɔ na, ki a Zyerusalɛmi kpaakpoloyi sórigo, ki si a ní fígi í.› »

Zyeremii 20:7

Yawe, mɔ n mii lɛ́ɛlɛ n pùuni, a mii niyɛɛ yaʔa a mɔ lɛ́ɛlɛ n pùuni. Mɔ n mii cò, a mɔ fànʔa taa. Mii n pye kataanra yála canʔa o canʔa, pe myɛ i peyɛɛ nyɛ́nɛ mii na.

Zyeremii 28:8

Kanyaajoobèle bele be pye naa mii ní mɔ yɛ́ʔɛ ma lè, nlaa yaà canʔa o canʔa, pe n kérigèle nyaa n joo tátɛɛyɛ saʔa, ní fàngboloyo saʔa kánma na, kapɛɛnni, ní wɔʔɔgi, ní káfalagi yáama kéele na.

Zyeremii 5:1

«Ye fàn ye màʔa Zyerusalɛmi kàlari-kóloyi ni ye gi wéle, ye yíbege kpéʔele, ye caa ye wéle kadàlayi na, kapye nàɔn nibin i yaà yi ni, kapye wàa nibin i yaà, wee wi kasinnɛ kpéʔele lè, wee wi kányɛɛgi caa lè, mii a Zyerusalɛmi kùsulugi syɔɔ.

Zyeremii 5:6

Koro na kɔligi càaraɔ tuun be na, tɛɛfiiyi gbàʔā i be sulugu sulugu. Sèdew i làrá be kěyi taana ni be sigi, bele myɛ pe ga ni yirigi yi ni lè, pe a sulugu sulugu. Níì cán be céemi kèlē n nɛʔɛ. Kàa n fàra pe námara kérigèle na.

Zyeremii 6:10

Wìí ní mii a joo? Wìí mii a pye séera jàngó be lóʔo? Wéle, pe líiweegèle ga kɛ́nɛ í, pe fanʔa o nyɛ bi gbǎn lóʔo í. Wéle, Yawe syɛ́ɛnri n pye yafaʔala be ma, pe ga kanidaanna faala nyaa di ni í.

Zyeremii 7:9

Nyàʔá! Yele i yúu ní wɔ́ɔ i syɛ́ɛnbèle kúu, ní i nyɛ kanɔnʔɔbyebèlē, ní i jànvaa kàliyi kɛ̀ɛ́, ní i nùndaanni yáriga sórogi Baali ma, níì yeyɛɛ daʔa kolocɔlɔbèle pèle nikwɔɔlɔ na, bele be lè yele ga be cán í!

Habakuki 1:3

Nyàʔá na mɔ mii yaʔa a mii i kapeegi nyaagi? Nyàʔá na mɔ fǎngi gbànna wéle? Yáriri fuguri-mí-láala ní fungbangi gi nyɛ mii yɛ́ʔɛ ma, sìnbɛɛmi, ní kàfulogi gi yìrigí.

Luki 11:45

A làlwaw sɛ́bɛwelewaa wi pye: «Tamafɔw, àmɛɛ mɔ kérigèle naa nyuu lè, mɔ wɔ́ɔ i wolo círi ní syɛ́ɛnri bee ní.»

Heburubèle 11:26

Wi maa gi tímana n gi nyaa pe ga woro wɔʔɔ Kirisi kéeli na, gee bee a pye woro ma lɔnɛʔɛrɛ bi sɔ̀lɔ Ezyipiti tári lɔ́rɔ na. Níì cán wi nyɛnɛ maa pye gi tɔ̀nɔw na.

Heburubèle 13:13

Koro na gi yɛlɛ wolo í yiri bàā syée wi ma kěgi kàdoʔo ma, wi faʔari félege í wɔ́ɔ sa too wolo na.

1 Pyɛri 4:14

Pe ga ni yele teeri Kirisi mɛ́ɛgi kéele na, yele i nyɛ dùba pìibēle, níì cán nìjangbɔɔri Pìle li lè Kolocɔlɔɔ wóli, loro li baa tɛ́ɛn yele na!