Zyeremii 20:7 - Cebaara Bible 2010

⁷ Yawe, mɔ n mii lɛ́ɛlɛ n pùuni, a mii niyɛɛ yaʔa a mɔ lɛ́ɛlɛ n pùuni. Mɔ n mii cò, a mɔ fànʔa taa. Mii n pye kataanra yála canʔa o canʔa, pe myɛ i peyɛɛ nyɛ́nɛ mii na.

Zyeremii 20:7 Iomraidhean Croise

2 Fànʔafɔbèle 2:23

A Elize yiri nɛɛ bee ni syée Betɛli ma. N wi yaʔa kólogi na wi i lúru, a nìgɔcaripiire yiri kěgi ni n ba ni tiyɛɛ nyɛ́nɛ wi na. Ti maa ni gi nyuu wi ma níì jo: «Da lúru nyùngbofologo fɔ́lɔ! Da lúru, nyùngbofologo fɔ́lɔ!»

Zyɔbi 12:4

Mii n baa pye syɔɔnwaa wee wi nyɛ lè kataanra yála wi tàannyɛnnɛ ma, lǎli ni mii ga ni mii Kolocɔlɔɔ mɛ́ɛgi yiri lè jàngó wi lóʔo mii ma. Syɛɛnsinw wi nyɛ lè kajoolo fun, wi n baa pye kataanra yála!

Zyɔbi 30:9

Tɔ́ɔliw ni, pe i mii ŋúu pe ŋúnuyi ni, mii i nyɛ be má bàrikpumɔn-yáriga.

Ŋúnuyi 119:51

Nɛ̀ɛnyɛnɛgi fɔ̀ɔlɔ i mii kpàná, kàjáa mii ga téè wàli n yiri mɔ lalwaw kólogo ni í.

Ezayi 8:11

Kánmi naa na si Yawe joo ní mii ní, lǎli ni wi kɔ́gi mii cò lè, níì mii sàmi jàngó mii a kɔ́ ra táanri syɛ́ɛnbèle naa kólogo ni í, wi n jo:

Zyeremii 15:10

Wɔʔɔlɔ i mii na, mii nɔ́ɔ, níì cán mɔ n mii see nànwaa, wee wi nyɛ lè kàkabaga fɔ́lɔ, ní kàsiikuuɔn tári myɛ ma! Mii o fwɔɔlɔ kúunri wàlá ni fwɔɔlɔ nii í bi gi taa pe myɛ i mii dángi.

Zyeremii 15:18

Nyàʔá na mii wɔʔɔgi kòro ni syée nya? Nyàʔá na mii námigi para n kòro nya, ki o caa bi pɔʔɔ í? A mɔ a pye lé mii ma kányɛʔɛ na àmɛɛ púloweele nyɛ, lee li syɔɔn jànváa lè, àmɛɛ lɔ̀ʔɔ nyɛ, gee gi lè syɔɔn ga tága gi na í?

Zyeremii 17:16

Mii si na, bi pye bànaʔaɔ, mii ga gee bee cée mɔ ma í. Mii da ni wɔʔɔgi naa canʔa caa í, mɔ n koro cán. Gee gi yirigi mii nyɔ́ɔgi ni lè, ki i nyɛ mɔ yɛ́ʔɛ ma.

Zyeremii 20:9

Mii ga gi joo níì jo: «Mii a ní wi kéeli joo í, mii a ní joo wi mɛ́ɛgi na í,» lǎli bee ni ki n pye mɔ a joo naà i có mii ni, gee gi nyɛ mii kaceleyi fúngo ni lè. Mii n ni ŋàʔaná bi gi cǒ yérige, mii fánʔa si a taa í.

Zyeremii 29:26

Yawe n mɔ télege sáriga-wòloo Yehoyada sìndɛɛgi ni, mɔ í pye kpaàweleri fáli na Yawe kpáagi ni syɛ́ɛnbèle myɛ nyúngo na, wee faala wi ga cúromɔ le wiyɛɛ ni lè n wiyɛɛ gbéʔele kanyaajooo, mɔ fáli wi nyɛ mɔ í wi le tíigi na, ní yátiigi kajinige na.

Zyeremii 38:19

A fànʔafɔw Sedesyasi Zyeremii pye: «Mii i fɛ̀ɛgí zyefubèle bele na pe sáà peyɛɛ gaan Kalide ye ma lè, mii i fɛ̀ɛgí níì jo pe a sa mii le be kɔ́yi ni paa peyɛɛ nyɛ́nɛ mii na.»

Kayaagi Nyɛnigɛ 3:14

Mii n baa pye kataanra yála mii syɛ́ɛnbèle myɛ ma, ní pe ŋúnuyi yáriga cángi myɛ ni.

Ezekyɛli 3:14

A Pǐli mii láa n yìrige, níì kári ní mii ní. A mii i syée, á mii fúngi tanʔa níì tɔ̀nɔ n yìri gbanʔama, Yawe kɔ́gi si maa ni báara mii na ní séekpɔɔɔ ní.

Oze sɛ́bɛw 9:7

Kpúmɔnri canya yi maa yee, sàraw canya yi maa yee, Isirayɛli a koro cán! Kanyaajoow n cúro, a cánni pìlefɔlɔ nyúngo nyáʔami mɔ sinzinmi nɛʔɛnɛ, ní mɔ céenɛʔɛmi kéele na.

Zyonasi 4:2

A wi Yawe nyɛ́ɛri níì jo: «Ee Yawe, koro ban mii da ni nyuu lǎli ni mii sèʔê pye yaà lè mii tári ni ì? Koro yɛ́ʔɛ mii da ni ceri, koro na mii da ni fé ni syée Tarisiisi ma. Níì cán mii maa gi cán mɔ i nyɛ Kolocɔlɔwaa, wee wi nyɔɔgi syɔɔn na lè, ní wɔ́ɔ i nyinimɛ taagi, mɔ fúngi o taanri kelekele í, mɔ nyínimi n nɛʔɛ, mɔ i mɔ sɔngumi láari kapeʔe pyele na.

Misye 3:8

Kàjáa mii na, mii n nyìn fǎngi na Yawe pǐli báriga ni, tànʔa ní lòmaana i nyɛ mii ma jàngó bi Zyakɔbi kakologi tɛ̀ɛn wi na, bi Isirayɛli kapeeli tɛ̀ɛn wi na.

Luki 16:14

A Farisibèle ga kérigèle bee myɛ lóʔo Zyezu ma, a be i wi tɛ́ʔɛ, níì cán lɔ́ri kéele n be dɛ́nɛ n sɔ̀lɔ.

Luki 23:11

A Herodi ní wi sùlasiibèle wi faʔa cama, ní i peyɛɛ nyɛ́nɛ wi na. Koro kàdoʔo ma a Herodi burojànga le wi na níì wi lúrugo n tórigo Pilati ma.

Kapyegèle 17:18

Kérigèle sɛʔɛfɔɔlɔ, bele be yiri lè Epikuribèle, ní i bele yiri Sitoyisibèle, bele bee pèle maa ni syɛ́ɛnri syoo Pɔli nyɔ́ɔgi na. A pèle jo: «Nyàʔá gbanzan syɛ́ɛnrɛ wee naa nyuu nya?» A pèle jo: «Wi i di nyuu mɔ a jo syɛɛnfeleyaa nikwɔɔ màdebēle syɛ́ɛnrɛ dii.» Amɛɛ wi da ni Zyezu kéeli, ní kúbèle nyán-yirile kéele nyuu lè, koro na pe da ni dee bee nyuu.

Kapyegèle 17:32

Lǎli ni be kúbèle nyán-yirile syɛ́ɛnrɛ lóʔo Pɔli ma lè, a pèle i wi tɛ́ʔɛ, á pèle jo: «Wolo a ní ba kéeli bee lóʔo mɔ ma cangaa.»

1 Korɛnti ye 9:6

A yele jo lé tànʔa o nyɛ mii ní Barinabasi ma wolo í kòro wolo a wɔ́ɔ kɔ́ ra báara í?»

Heburubèle 11:36

Pèle nikwɔɔlɔ maa faʔara taa ní wɔ́ɔ̀ sapiigèle kpúmɔnrɔ syɔɔ, á be pèle nikwɔɔlɔ pwɔɔ níì be le kàsow ni.