Zyeremii 20:6 - Cebaara Bible 2010

⁶ Mɔ si na, Pasyihuri, ní bele myɛ be nyɛ mɔ kpáagi ni lè, yele a kári púlori na. Mɔ a kári Babilɔni ma, nɛɛ bee mɔ a sa kùu, nɛɛ bee pe a mɔ tɔ́n, mɔ ní mɔ taannyɛnbèle myɛ ní, poro bele má mɔ jànvaa kanyaajoori joo lè.› »

Zyeremii 20:6 Iomraidhean Croise

Ezayi 9:15

Syɛ́ɛnbèle naa yɛɛ̀kinibéle i be pùuní. Bele be yére pe i poro yɛ́ɛgi kínigi lè, poro n kogologo láa.

Zyeremii 14:13

A mii wi yari: «Ee! Kàfɔw Yawe! Wéle, kanyaajoobèle i gi nyuu be ma níì jo: ‹Yele a tée ŋɔsée nyaa í, kateʔe a tée too yele na í, kàjáa yɛɛ̀nyindelege mii a kaan yele ma tɛ́ɛgi naa tiimaa ni.› »

Zyeremii 14:16

Syɛ́ɛnbèle bele má si be kérigèle nyaagi ni nyuu lè, bele bee a cáan cáan bi màʔa Zyerusalɛmi kàlari-kóloyi ni, kateekpɔɔgi ní ŋɔséew báriga ni. Syɔɔn faala a taa bi nyanya kaan be ma í, poro ma yoo, pe cébèle ma yoo, pe nànbiigèle ní be calipiigèle ma yoo. Mii a be péemi yaʔa pi lúru too be na.

Zyeremii 20:1

Imɛɛri jáaw Pasyihuri wi pye lè sáriga-wòloo, ní i nyɛ Yawe kpáagi fálisaanri-wélere kundigi, a woro kérigèle bee lóʔo, gele Zyeremii da ni nyaagi ni nyuu lè.

Zyeremii 20:4

Níì cán syɛ́ɛnri naa Yawe joo níì jo: ‹Wéle, mii a fyáakpɔɔrɔ cáan mɔ ní mɔ taannyɛnbèle myɛ na. Pe nigoobèle ŋɔsée a be cáan, mɔ nyapiigèle a gi nyaa. Mii a wɔ́ɔ Zyuda ye myɛw le Babilɔni fànʔafɔw kɔ́yɔ ni, wi a be cò bi kári Babilɔni ma, si pèle kpóo ní ŋɔséew ní.

Zyeremii 23:32

«Mii i cáan ní bele ní pe jànvaa ŋúnɔyi kanyaajooro kpéʔele lè, poro bele be yi nyuu ni tèé lè ní i mii syɛ́ɛnbèle pùuní ní be jànvaaw, ní be nɛ̀ɛgbɔʔɔgi syɛ́ɛnrɛ ní,» Yawe wi jo nya. «Mii na, mii ban wi be tun í. Mii ga yafyɛn joo n gbàn be ma í, pe o nyɛ bi gbǎn yafyɛn nyɔɔ syɛ́ɛnbèle naa na í,» Yawe wi jo nya.

Zyeremii 29:32

gee bee na, Yawe n jo: Wéle, mii a keele tɛ́ʔɛ Syemaya na, wi lè Nehelami ye wów, ní wi yòdaʔayi na. Wi wówaa faala a tɛ́ɛn syɛ́ɛnbèle naa nínge ni í, kacǎngee mii a kpéʔele mii syɛ́ɛnbèle na lè, wi a gi nyaa í, Yawe wi jo nya, níì cán wi syɛ́ɛnri i nyɛ céemɛ Yawe kánmi na.› »

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Kayaagi Nyɛnigɛ 2:14

Mɔ kanyaajoobèle n yanyaaya nyaa n joo mɔ ma, yee yi nyɛ lè gbanzan ní jànvaa wóyo. Pe ga mɔ kolomi múgu n yaʔa í, koro ga pye bi mɔ syɔɔ púlori ma í, fwɔɔ a be pye mɔ ma fáanaga, ní jànvaa, ní pùununɔ yanyaaya fɔ̀ɔlɔ.

Ezekyɛli 22:28

Gee si gi wi kanyaajoobèle kéele kwɔ́ɔ lè, poro i pòó ní poofiiw ní, pe i gbanzan yanyaaya nyaagi, pe i jànvaaw kèlē nyaagi ni nyuu. Pe i gi nyuu níì jo: ‹Kàfɔw Yawe n jo,› bi gi taa Yawe ga joo í.

Levii ye sáriga-wòlori 26:17

Mii a mii yɛ́ɛgi wáa yele ma, yele nigoobèle a yele jáa, yele parafɔbèle a tɛ́ɛn yele nyúngi na. Yele a ra fé bi gi taa wàa o nyɛ yele kurugo í.

Misye 2:11

Ki n yɛlɛ nànwaa í da nyuu da wáa káfalagi kurugo, bàā jànvaaw nyuu si jo: «Mii a joo mɔ ma dùvɛɛnw ní singbǎnmi kéele na!» Joonɛʔɛgɛfɔw bee félege wi a tɔ̀nɔ́ yɛlɛ syɛ́ɛnbèle naa na!

Zakarii 13:3

wàa ga ní ni kérigèle nyaagi ni nyuu, wi tóow ní wi nɔ́ɔw pe wi see lè, poro a wi pye: ‹Mɔ a kòro sìi na í, níì cán mɔ n jànvaa joo Yawe mɛ́ɛgi na!› Wi tóow ní wi nɔ́ɔw pe wi see lè poro a wi súu fùru wi kanyaajoori làla ni.

Làlwaw Kaanziin 28:25

Yawe a gi yaʔa mɔ nigoobèle í mɔ jáa. Mɔ a yiri be kánmi na kologo nibin ni, mɔ si a ba fàn be yɛ́ɛgi na koloyo kɔrɔsiin ni, mɔ a pye fyáara yáriga tári fànya myɛ ma.