Zyeremii 20:4 - Cebaara Bible 2010

⁴ Níì cán syɛ́ɛnri naa Yawe joo níì jo: ‹Wéle, mii a fyáakpɔɔrɔ cáan mɔ ní mɔ taannyɛnbèle myɛ na. Pe nigoobèle ŋɔsée a be cáan, mɔ nyapiigèle a gi nyaa. Mii a wɔ́ɔ Zyuda ye myɛw le Babilɔni fànʔafɔw kɔ́yɔ ni, wi a be cò bi kári Babilɔni ma, si pèle kpóo ní ŋɔséew ní.

Zyeremii 20:4 Iomraidhean Croise

2 Fànʔafɔbèle 25:7

A wi be pye a be Sedesyasi jáabèle kɔnɔgi wi nyɛnɛ na, níì Sedesyasi nyapiigèle jabagi, níì nyɔ̀ʔɔmɔ le wi na n kári Babilɔni ma.

Ŋúnuyi 73:19

Ee! Cɛɛri na pe a kálagi bi kwɔ́ɔ, pe n nan kwɔ́ɔmi na, fyáakpɔɔri n be kálagi péw.

Zyeremii 13:10

Syɛɛnfelegi bee gi pee lè nya, koro gee gi mii syɛ́ɛnri lóʔolo cée lè, gee gi taʔa gi fungbangi kasɔngurɔ na lè, níì kiyɛɛ bwɔɔ kolocɔlɔbèle pèle nikwɔɔlɔ na ni báara be ma, ní i tíri ni tuun be yɛʔɛ̀ ma, ki a pye àmɛɛ sɛntiiriw naa nyɛ lè, wee wi lè wi a ní gbǎn yafyɛn nyɔɔ í.

Zyeremii 13:19

Wòrogulo kàbangi kèye n tɔ́n, syɔɔn faala o yaà bi yi múgu í. Zyuda myɛw n cò n kári, wi wobow myɛ n cò n kári.

Zyeremii 19:15

«Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyi myɛ kéele mii joo kěgi naa kánma na lè, mii a yi yaʔa yi too gi na, ní kěyee myɛ na, yee yi nyɛ gi taana lè. Níì cán pe n be nyùngbaabèle kpee jàngó poro a kɔ́ mii syɛ́ɛnri lóʔo í.› »

Zyeremii 20:6

Mɔ si na, Pasyihuri, ní bele myɛ be nyɛ mɔ kpáagi ni lè, yele a kári púlori na. Mɔ a kári Babilɔni ma, nɛɛ bee mɔ a sa kùu, nɛɛ bee pe a mɔ tɔ́n, mɔ ní mɔ taannyɛnbèle myɛ ní, poro bele má mɔ jànvaa kanyaajoori joo lè.› »

Zyeremii 25:9

wéle, mii n tun pe sa solomɔkulo syɛ́ɛnbèle myɛ yeri bi pan,» Yawe wi jo nya, «ní Babilɔni fànʔafɔw Nebukadinezari, wi lè mii falipyew, mii a be yaʔa be pan tári naa kánma na, ní di syɛ́ɛnbèle kánma na, ní syɛɛnfeleyi naa myɛ kánma na yi di màʔa lè, bi ba be kálagi kwɔ́ɔ, bi be pye funwɔɔrɔ yáriga, ní faʔara yáriga, ní bàngwɔɔ yakalagiga.

Zyeremii 29:21

Nyɛ̀ʔɛni Sùlasiibéle Kafɔlɔ Yawe wi lè Isirayɛli Kolocɔlɔw, woro wi syɛ́ɛnri naa joo Akabi kéeli na, wi lè Kolaya jáaw, ní Sedesyasi kéeli na, wi lè Maaseya jáaw, poro bele be jànvaaw kèlē nyaagi ni nyuu mii mɛ́ɛgi na lè. Wéle, mii a be le Babilɔni fànʔafɔw Nebukadinezari kɔ́yi ni, wi a be kpúmɔn kpóo yele nyɛ́nɛ na.

Zyeremii 46:5

Nyàʔá na mii be nyaa pe i cɛ̀lɛ́? Pe i lúrugu kàdoʔo ma. Fànʔa n taa be nànniribèle na, pe i fé, ni fé, pe o kàragí ni wéle í. Fyáakpɔɔrɔ i nyɛ kàbanyi myɛ na,» Yawe wi jo nya.

Zyeremii 52:24

A gáridibèle kùndigi Seraya taa n cò, wi pye lè sáriga-wòlobèle kàfɔlɔ, ní wi taʔara wów wi lè Sofonii, n fàra kpaaweeli kɔ̀rɔsiifɔɔlɔ taanri na.

Zyeremii 52:27

A Babilɔni fànʔafɔw sáà be kpúmɔn n kpóo yaà Iribila ma, Hamati tári ni. Kánmi bee na be Zyuda ye cò n yirige be tári ni n kári léelige.

Zyeremii 6:25

Yele a kɔ́ yiri sìnbirigi ni í, yele a kɔ́ ra syée kóloyi na í. Níì cán nigoow i yaà ní wi ŋɔséew ní, fyáakpɔɔrɔ i nyɛ kàbanyi myɛ na!

1 Samyɛli 2:33

Mii a ba mɔ wówaa yaʔa mii sáriga-wòlo-yafaangi taana sìngalagi ni, jàngó bi mɔ nyapiigèle kálagi nyatinmi báriga ni, si wɔ́ɔ mɔ fúngi kálagi. Bele myɛ si pe ga baa yìri bi mɔ kpáagi báriga lè pe a kùu sìnlɛɛ ni.