Zyeremii 20:2 - Cebaara Bible 2010

² A Pasyihuri kanyaajoow Zyeremii kpúmɔn níì wi le yakparagi na n táriga Bɛnzyamɛ ǹjoʔo ma kpàánweeli na, Yawe kpáagi ni.

Zyeremii 20:2 Iomraidhean Croise

1 Fànʔafɔbèle 13:4

Lǎli ni fànʔafɔw Zyerobowami Kolocɔlɔɔ syɔ́ɔnw syɛ́ɛnrɛ lóʔo dee wi da ni nyuu Betɛli sáriga-wòlo-yafaangi kánma na lè, a wi kòro yaà sáriga-wòlo-yafaangi na níì kɔ́gi sánʔa níì jo: «Ye wi cò!» Kɔ́gee Zyerobowami sánʔa wi kánmi na lè, a gi sín n kòro nya, wi ga níì gbàn n gi kùru í.

1 Fànʔafɔbèle 22:27

Mɔ a sa gi joo si jo: ‹Fànʔafɔw n jo: Ye nǎnw naa le kàsow ni, yáā yaliipipiire yagana kaangi wi ma n fàra lòpipiire na bi taa mii í lúru pan yɛɛ̀nyinge na.› »

2 Cányi kèlē 16:10

A Aza fúngi tanʔa gbanʔama kanyaaw kurugo, a wi be pye a be wi cò n le kàsow ni àmɛɛ wi fúngi da tanʔa wi kurugo kéeli bee na lè. Aza maa wɔ́ɔ̀ fǎngi gbàn tári syɛ́ɛnbèle pèle na.

2 Cányi kèlē 18:23

Lǎli bee ni Sedesyasi wi lè Kenaana jáaw, a woro nùuni Misye na n wi kpúmɔn ní kadaala ní bɛ̀ɛ́ngi na níì jo: «Kologìí ni Yawe Pǐli sɔ̀lɔ n yiri mii ni n sáà joo mɔ ma?»

2 Cányi kèlē 24:21

A be nyɔɔ kúun wi na níì wi wábagi ní kàdɛnɛrɛ ní Yawe kpáagi kadàala na n yɛlɛ ní gee ní fànʔafɔw joo n gbàn lè.

Zyɔbi 13:27

Mɔ n kpɛ̀ʔɛlɛyɛ le mii tɔ́lɔyi na, ní i mii tɛɛsɔ̀lɔgèle myɛ kɔ̀rɔsíi, n tɛɛ̀laʔala kúun n kaan mii nyɔ̌ngèle ma.

Zyɔbi 33:11

Wi i kpɛ̀ʔɛlɛyɛ nii mii tɔ́lɔyi na. Wi i mii tɛɛsɔ̀lɔgèle myɛ kɔ̀rɔsíi.›

Zyeremii 1:19

Pe a kapɛɛnni kpúmɔn ní mɔ ní, kàjáa pe a fànʔa taa mɔ na í. Níì cán mii i nyɛ ní mɔ ní bàā mɔ syoo,» Yawe wi jo nya.

Zyeremii 26:10

Lǎli ni Zyuda syɛɛnkpolobèle kérigèle bee lóʔo lè, a be yìri fànʔafɔw kpaʔa ma n lúgu n kári Yawe kpáagi ma, ní sáà tɛ́ɛn Yawe kpáagi kpàánweefɔnnɔ na.

Zyeremii 26:8

Lǎli ni Zyeremii kwɔ́ɔ lè syɛ́ɛnri joolo na, dee myɛ Yawe da joo n gbàn wi ma níì jo wi di joo syɛ́ɛnbèle myɛ ma lè, a sáriga-wòlobèle ní kanyaajoobèle, ní syɛ́ɛnbèle myɛ wi cò níì jo: «Mɔ a kpóo wii!

Zyeremii 29:26

Yawe n mɔ télege sáriga-wòloo Yehoyada sìndɛɛgi ni, mɔ í pye kpaàweleri fáli na Yawe kpáagi ni syɛ́ɛnbèle myɛ nyúngo na, wee faala wi ga cúromɔ le wiyɛɛ ni lè n wiyɛɛ gbéʔele kanyaajooo, mɔ fáli wi nyɛ mɔ í wi le tíigi na, ní yátiigi kajinige na.

Zyeremii 36:26

A fànʔafɔw gi joo n gbàn Yerakimeyɛli ma, wi lè fànʔafɔw jáa, ní Seraya ma, wi lè Aziriyɛli jáaw, ní Syelemya ma, wi lè Abideyɛli jáaw, níì jo pe sa sɛ́bɛkanw Baruki, ní kanyaajoow Zyeremii cò. Kàjáa a Yawe be làriga.

Zyeremii 37:13

Lǎli ni wi nan Bɛnzyamɛ kpàánweeli na lè, gáridibèle kàfɔlɔ be yiri lè Yiriya, wi lè Syelemya jáaw, Syelemya wi lè Hananya jáaw, woro maa pye yaà, a wi kanyaajoow Zyeremii cò, níì gi joo níì jo: «A mɔ syée sa miyɛɛ gaan wii Kalide ye ma.»

Zyeremii 37:21

Lǎli bee ni a fànʔafɔw Sedesyasi gi joo n gbàn níì jo pe Zyeremii yaʔa wi pye kàsokpaagi kàcoolo ni, páā búru nibin kaangi wi ma canʔa o canʔa, wee wi a yìri búrukpumɔnbèle kàlari-kólogo ma lè, fwɔɔ bi taa búruw myɛ í ba kwɔ́ɔ kěgi ni. Kánmi bee na Zyeremii kòro kàsokpaagi kàcoolo ni.

Zakarii 14:10

Tári myɛ a ba kàri tɛɛfiige bi séli Geba na bi sa nan Irimɔn na, ki nyɛ lè Zyerusalɛmi wòrogulo kàbangi na. Zyerusalɛmi a yìrige ǹjogi ni bi télege wi tɛ́ɛgi ni, bi séli Bɛnzyamɛ kpàánweeli na bi sa nan kpàánwee-sélili tɛ́ʔɛ na, fwɔɔ bi sa nan jɛ̀ɛ́ngèle kpàánweele na, si ní séli Hananeyɛli kpaataʔa-tɔ́nɔgi na fwɔɔ bi sa nan fànʔafɔw ɛrɛzɛn tɛ́ɛnùguyo na.

Matye 21:35

A sefalabèle sáà be cò n wee kpúmɔn níì wee kpóo, níì wee wábagi ní kàdɛnɛri ní.

Kapyegèle 4:3

A be be cò n le kàsow ni n yaʔa yaà ni nyǐndaligi sige, níì cán cángi maa kwɔ́ɔ.

Kapyegèle 5:18

a be baa pìitunbèle cò n sáà le kàsokpaakpɔɔgi ni.

Kapyegèle 5:40

A be pìitunbèle yeri n baa kpúmɔn, níì be pye pe a ní kɔ ra nyuu syɛ́ɛnbèle ma Zyezu mɛ́ɛgi na í, níì be yaʔa.

Kapyegèle 7:52

Kanyaajoowìí wi nyɛ yele tóolɛɛbèle ga wi wɔʔɔ í? Bele pe da ni Wozinw panna kéele nyuu lè booma ni, yele tóolɛɛbèle maa bele bee kpóo, á yele si baa Wozinw le wi nigoobèle kɔ́yɔ ni tɔ́ɔliw ni a be wi kpóo.

Tɛ̀ɛnnɛ 17:6

A mii céw bee nyaa a wi Kolocɔlɔɔ syɛɛncanbèle sìsyaan gbaa n fàra Zyezu séerafɔbèle wóo na, fwɔɔ a yɛ́ɛgi i wóo wi na àmɛɛ singbaadiɔn wóʔo nyɛ lè. A mii ga wi nyaa, a mii i káama gi na gbanʔama.

Tɛ̀ɛnnɛ 2:10

Wɔʔɔgèle ke a ba too mɔ na lè, ki ga yɛlɛ mɔ í fyáa ge na nyáana í. Wéle, cɛɛri ga pye Dàzɔɔnw a yele pèle cò bi le kàsow ni jàngó bi yele pye wéle, yele a ba wɔʔɔ fwɔɔ bi taa canya kɛɛ. Ki n yɛlɛ mɔ í kòro tágali ni fwɔɔ bi ba nan kùúw na, mii si sìi kaan mɔ ma, wi pye mɔ kpɔ́ʔɔri nyùndɔnnɔ.