Zyeremii 2:8 - Cebaara Bible 2010

⁸ Sáriga-wòlobèle ga gi joo níì jo: ‹Sán Yawe nyɛ í?› Làlwaw kɔ́rɔjoofɔɔlɔ ga mii cán í. Bànaʔabèle n mii cée. Kanyaajoobèle i kérigèle nyaagi ni nyuu Baali mɛ́ɛgi na. Pe n peyɛɛ daʔa fànʔa fun yáriya na.

Zyeremii 2:8 Iomraidhean Croise

1 Fànʔafɔbèle 18:22

A Elii syɛ́ɛnbèle pye: Mii nibin wi kòro Yawe kanyaajoow, Baali kanyaajoobèle si i nyɛ saala siin ní togoye siin ní kpɔrigɔ.

1 Fànʔafɔbèle 18:29

Lǎli ni cángi baa kàri lè, a be i kérigèle nyaagi ni nyuu fwɔɔ n baa nan cângwɔɔgi nyɔ́ɔ sáriga làriwololo na. Kàjáa joomɔ wàlá syɛɛnlurugoro ga taa í wàlá a fɛ̀ɛwaa faala yarigaa tɛ̀ɛn í.

1 Fànʔafɔbèle 18:40

A Elii be pye: «Ye Baali kanyaajoobèle cò, ki ga yɛlɛ pe wàa nibin í fàn bi syɔɔ í.» A pe be cò. A Elii be pye a be tìgi ní be ní Kisyɔn lòcoologi ma, a wi sáà be kɔnɔgi yaà beè.

Zyɔbi 35:10

Kàjáa syɔɔn faala o gi nyuu níì jo: ‹Sán mii faanfɔw Kolocɔlɔɔ nyɛ í, woro wee wi kpɔ̀ʔɔrɔli ŋúnuyo kaangi yébiligi ni lè,

Ezayi 28:7

Kàjáa poro wɔ́ɔ i dùvɛɛnw gbo ni fági, a singbǎnmi i be pùuní. Sáriga-wòloo ní kanyaajooo i fági singbǎnmi báriga ni, dùvɛɛnw n be cò, singbǎnmi i be pùuní. Pe yɛ́ɛyi i wóo n be yaʔa kanyaajoori na. Pe i curugu pe kajoo-mí-cerigèle ni.

Ezayi 29:10

Níì cán Yawe n ŋúnɔgbɔɔmɔ tìrige n tɔ́n yele na, wi n yele nyapiigèle tɔ́n, koro ge nyɛ kanyaajoobèle, wi n yele nyúnyi tɔ́n, yoro yi nyɛ kanyaabèle.

Ezayi 30:5

Fɛ̀ɛrɛ a pe myɛ taa syɛɛnfelegaa kéele na, gee gi lè ki a pye be dɛ̀ɛmɛnɛ kéele í, wàlá bi be syɔɔ wàlá bi be dɛ̀ɛmɛ í, fwɔɔ ki a pye be fɛ̀ɛrɛ, ní be faʔara kéele.»

Zyeremii 10:21

Níì cán bànaʔabèle be pye nidoliyo, pe ga Yawe caa í. Koro na pe ga gbàn ni kérigèle cángi ni láʔala í, á be yaweeri gboogéle myɛ cariga n màʔa.

Zyeremii 12:10

Bànaʔa-nɛʔɛbéle n mii ɛrɛzɛn ségi kálagi, pe n mii ségi tánʔana. Pe n mii senidaanmagi kàriga fìimɛ tára tɛɛ̀kalagiga.

Zyeremii 16:19

«Yawe, mɔ wi nyɛ mii fǎngi, ní mii Kènirigi, ní mii tɛɛlàragi wɔʔɔgi canʔa na, syɛɛnfeleyi a ra yìrigí yaà tári láʔagéle ma bàā maa mɔ ma, yi a ba ra gi nyuu si jo: ‹Kɔrigɔ ga pye wolo tóolɛɛbèle ma námaraw kàdoʔo na í, gbanzan yáriyi yi lè yi a gbǎn yafyɛn nyɔɔ í.›

Zyeremii 18:18

Pe n jo: «Yaa maa wo ba nyɔɔ kúun Zyeremii na! Níì cán bi sáriga-wòlobèle yaʔa beè, làlwaw a kwɔ́ɔ wàlá bi fɔ̀n sícilibēle ni, bele pe a ra wolo lálii lè í, wàlá bi fɔ̀n kanyaajoobéle ni, bele pe a ra nyuu wo ma lè í. Yaa maa wo ba wi kpúmɔn ní nyíngèle ní, syɛ́ɛnri myɛ wi nyuu lè wo a kɔ́ yákirii yaʔa di na í.»

Zyeremii 2:11

A syɛɛnfelegaa i gi kolocɔlɔbèlē fɛ̀ɛ́ lé, àlí n gi yaʔa pe o nyɛ kolocɔlɔ-tèlebēle í? A mii syɛ́ɛnbèle si be nìjanri fàli fànʔa fun yáriga na.

Zyeremii 2:6

Pe si ga wɔ́ɔ̀ gi joo í, níì jo: ‹Sán Yawe nyɛ woro wee wi wolo yirige Ezyipiti tári ni lè, níì kíni wolo yɛ́ɛgi na fìími tára ni, lɔ̀ʔɔ fun tára, ní gòrógoroweeye tára ni, waama ní kùu yébilimɛ tára ni, táraa ni, dee di lè syɔɔn faala da ni sɔ̀lɔ́ yaà í, ní beè lè syɔɔn faala da pye í?›

Zyeremii 4:22

«Kányɛʔɛ na mii syɛ́ɛnbèle n dóli, pe ga mii cán í. Jaafɔ-labalaya yii, pe n fɔ̀n cánna ni. Kapeʔe pyele sícilimɛ yagana bi nyɛ be ma, kàjáa pe ga kacànna pyeganma cán í.»

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Zyeremii 7:8

Kàjáa wéle, yele n yeyɛɛ daʔa jànvaa syɛ́ɛnrɛ na, dee di lè ti o yafyɛn nyɔɔgi í.

Zyeremii 9:14

Koro na Nyɛ̀ʔɛni Sùlasiibéle Kafɔlɔ Yawe, wi lè Isirayɛli Kolocɔlɔw, woro wi syɛ́ɛnri naa joo níì jo: «Wéle, mii a kòbi kaan syɛ́ɛnbèle naa ma pe lìíli, si tɔnmɔ lɔ́ʔɔ kaan be ma pe gbaa.

Ezekyɛli 22:26

Wi sáriga-wòlobèle i mii làlwaw kálagi, ní i mii tɛɛcǎnyi nɔ́ɔnri, pe o yacanga cángi ni wɛ̀ɛ́ yapeʔe ni í, pe o láʔala tèé yanɔnʔɔgɔ ní yamunugo nínge ni í, pe n nyapiigèle yirige mii cândɛnɛyi ni, mii n pye yafaʔaga pe níngi ni.

Ezekyɛli 34:2

«Syɔɔn-pya, kérigèle nyaa mi joo bele kánma na be nyɛ lè bànaʔabēle, ni Isirayɛli ye nàʔá, kérigèle nyaa mi joo mí be pye gee gi joo bànaʔabèle ma lè, Kàfɔw Yawe wi syɛ́ɛnri naa joo níì jo: ‹Wɔʔɔli a pye bànaʔabèle na be Isirayɛli ye nàʔá lè, poro bele be peyɛɛ tiimaw nàʔá lè! Bǎbèle ban gi yɛlɛ bànaʔabèle í da nàʔá ì?

Oze sɛ́bɛw 4:6

Mii syɛ́ɛnbèle i kúu cánni fɔ̀ngɔ kéele na. Níì cán mɔ n cánni cée, mii a wɔ́ɔ mɔ cée, si mɔ yirige sáriga-wòlori fáli ni. Amɛɛ mɔ fɛ̀ʔɛ mɔ Kolocɔlɔw làlwa na lè, mii a wɔ́ɔ fɛ̀ʔɛ mɔ piibèle na.

Habakuki 2:18

Nyàʔá ǹdedanga a nyɔɔ, á koro gi yaʔa fáliw kacaɔn í gi tan, ní tunmɔgbalara màdeo, wee wi jànvaa tamana kaangi lè, á koro gi yaʔa fáliw kacaɔn wi wi sámaga lè, woro í wiyɛɛ daʔa wi na, si kòro bàā jànvaa kolocɔlɔbèle sámagi, poro bele be lè pe o nyuu í?

Matye 16:26

Syɔɔn ga dulunyanw yárira myɛ taa, á wi sìíw baa pùuni, nyàʔá gee bee a nyɔɔ wi na? A yarigaa i yaà lé gee syɔɔn a sa kaan lè sìíw lɔ́rɔ, sìíw si taa?

Luki 11:52

Wɔʔɔli a pye yele na, yele làlwaw sɛ́bɛwelebéle, níì cán làkilewee wi kérigèle cánna kɔrigɔ múru lè, yele n wi láa. Yele tiimaa si ga jée yaà í, bele be caa bi jée yaà lè, á yele poro yérige.»

Zyan 16:3

Pe a ba ra kérigèle bee kpéʔele yele na níì cán pe ga Tofɔw cán í, pe ga wɔ́ɔ̀ mii cán í.

Zyan 8:55

Koro ní ki myɛ ní yele si ga sèʔê wi cán í, á mii si wi cán. Mii ga maa jo mii ga wi cán í, mii mǎà dée wɔ́ɔ pye jànvaafɔlɔ àmɛɛ yele nyɛ lè. Kàjáa mii n wi cán, ní i gi kpéʔele àmɛɛ wi jo lè.

2 Korɛnti ye 4:2

Fɛ̀ɛ́ri kèlē syɛ́ɛnbèle kpéʔele lè làrama ni, wolo n gele bee cée. Wolo o wolo kérigèle kpéʔele ní sícilibeemɛ ní í, wolo o Kolocɔlɔɔ syɛ́ɛnri fɛ̀ɛ́ í. Kàjáa kányɛɛgi wolo fíligi ni nyuu, jàngó syɛ́ɛnbèle myɛ nibin nibin í da wolo mɛ́ɛtaanyi yiri be fúnyi ni Kolocɔlɔɔ yɛ́ʔɛ ma.

Làlwaw Kaanziin 33:10

Pe i Zyakɔbi tama mɔ tundunri na. Pe i Isirayɛli tama mɔ lalwaw na. Pe i nùndaanni yáriga téeri mɔ fínaagèle láara ni. Ni sáriga-sórigow wóo mɔ sáriga-wòlo-yafaangi na.

1 Samyɛli 12:21

Yele a kɔ́ wàli bi láʔa wi na í. Kapye koro ban í yele a yeyɛɛ daʔa gbanzan yáriyi na, yee yi lè yi a tɔ̀nɔ kaan syɔɔn ma wàlá bi wi syɔɔ í, níì cán yi i nyɛ gbanzan yáriya.

1 Samyɛli 2:12

Helii jáabèle si maa pye nifaʔaya, pe da Yawe cán í.