Zyeremii 2:7 - Cebaara Bible 2010

⁷ Mii n pan ní yele ní tiire séye tára ma, jàngó yele í ba ra yasanri ní yacanri líi. Kàjáa yele n pan, a yele baa mii tári kàriga yanɔnʔɔgɔ. Yele n baa mii kɔ́rigi pye yanibɛɛnmɛgɛ.

Zyeremii 2:7 Iomraidhean Croise

Nehemii 9:25

Pe n kèniriye taa, n fàra tácànra na, ní wɔ́ɔ̀ kpaaya taa, yee yi nyìn lɔ́ri féleye myɛ na lè, ní kɔ̀lɔ́dugu-gwɔ́ɔbéle, ní ɛrɛzɛn séye, ní olivye tíire, ní tíiri di sangi lè toro féleye saʔa, a be i líi ni tíngi, n sìnmɛ le. A be ŋɔ́ndaagbɔɔlɔ taa mɔ funjǎngi báriga ni.

Nehemii 9:26

Kàjáa pe n yìri n sìnloʔomɔ kpéʔele mɔ kánmi na, pe n kàdoʔo wáa mɔ làlwaw ma. Mɔ kanyaajoobèle pe da ni nyuu ní be ní lè níì jo be lúru pan mɔ ma lè pe n poro kpóo, níì kapeekpoloyo kpéʔele.

Ezayi 19:25

Yawe wi lè Nyɛ̀ʔɛni Sùlasiibéle Kafɔlɔ, wi a dùbaw taʔa be na si jo: «Dùbaw í pye mii syɛ́ɛnbèle Ezyipiti ye, ní Asirii ye na pe lè mii kɔ́yi fáli, ní Isirayɛli ye na pe lè mii kɔ́rigi!»

Zyeremii 16:18

Mii a sàra tɛ́ɛyɛ siin kaan be ma gbɛnʔɛnɛ, pe kolomi, ní be kapeeli kéele na, níì cán pe n mii tári nɔ́nʔɔ ní be yasunguuyi ní, pe n mii kɔ́rigi nyìn ní be yanɔnʔɔyi ní.»

Zyeremii 3:1

Yawe n jo: «Lǎli ni nàɔn ga wi cɔɔ̀ yaʔa lè, á wi yiri wi tɛ́ɛgi ni n sáà pye nànwaa nikwɔɔ cɔ́ɔ, a wi nànzeliw a ní gbǎn ba wi láa lé? Tári naa a nɔ́nʔɔ péw ì? A mɔ, mɔ wee wi miyɛɛ bye lè nànjaacɔɔ̀ ní nànbēle saʔa ní, mɔ si ní ba lúru pan lé mii ma?» Yawe wi jo nya.

Zyeremii 3:2

«Mɔ nyapiigèle yìrige mi le dǎndama-wɔlɔgɔyi ni maa wéle! Tɛɛgìí gi yaà, beè lè mɔ ga miyɛɛ gaan í? Mɔ maa pye yaà wodɛ́ɛɔn ní kólogi nyɔ́ɔ na be kéeli na àmɛɛ arabuo nyɛ lè fìími tára ni, a mɔ tári nɔ́nʔɔ mɔ nanjaari, ní mɔ naʔabeemi báriga ni.

Zyeremii 3:9

Isirayɛli n tári nɔ́nʔɔ ní wi fɛ̀ɛrɛ fun nàʔabeemi ní, wi n kanɔnʔɔri pye ní kàdɛnɛgi, ní tíigi ní.

Zyeremii 32:23

Pe n pan, pe n baa di fáligi taa, kàjáa pe ga mɔ jóomi lóʔo í, pe ga tánʔa n yɛlɛ ní mɔ lalwaw ní í. Gee myɛ mɔ da joo n gbàn be ma níì jo paa gi kpéʔele lè, pe ga gi kpéʔele í. Lǎli bee ni a mɔ wɔʔɔyi bee myɛ cáan be na!

Zyeremii 32:30

Níì cán Isirayɛli pìíbèle ní Zyuda pìíbèle ga yafyɛn kpéʔele nlaa yaà be cárimi làla ni, kapye gee gi pee mii nyɛ́nɛ na lè ban í. Isirayɛli pìíbèle ga yafyɛn kpéʔele kapye bi mii fúngi tanʔa lè ban ní be kɔ́yi kapyere ní í, Yawe wi jo nya.

Ezekyɛli 20:24

àmɛɛ gi nyɛ lè pe da ni mii kajoodɛɛngèle kpéʔele í, ní àmɛɛ pe da mii làlwaw kèlē cée lè, pe si i mii cândɛnɛyi kálagi, níì taʔa n fala n nyapiigèle le be tóobèle yasunyo ni.

Ezekyɛli 20:28

Mii n be tórigo tári ma, dee kéele na mii da kɔ́gi yìrigi lè níì kàli níì jo mii a di kaan be ma lè, a pe be nyapiigèle le dǎndama-tɔ́nɔyi myɛ, ní tiitɔnyi myɛ ni. Nɛɛ bee pe be sárigaw wòlo n be sárigaw yakaanya kaan yaà, yee yi da ni mii fúngi taanri lè, n be nùndaanni sáriga wòlo yaà, n be sáriga-yólogow wòlo yaà.

Ezekyɛli 20:6

Cángi bee na mii mii kɔ́gi yìrige níì kàli be ma níì jo mii a be yirige Ezyipiti tári ni bi sa lége táraa ni, dee mii da wéle n yaʔa be ma lè, táraa dii, dee di nyìn nɔ́nɔw ní sárigi na ni fóo lè, dee di nyɔɔ n sɔ̀lɔ tátɛɛyi myɛ na lè.

Ezekyɛli 23:35

Gee bee na Kàfɔw Yawe syɛ́ɛnri naa joo níì jo: ‹Amɛɛ mɔ fɛ̀ʔɛ mii na lè, ní àmɛɛ mɔ mii wáa miyɛɛ kàdoʔo ma lè, ki n yɛlɛ mi wɔ́ɔ mi mɔ kapeegi ní mɔ nanjaari túgoro tugo.› »

Ezekyɛli 36:17

«Syɔɔn-pya, lǎli ni Isirayɛli kpáagi wòolo pye wodɛ́ɛnbéle ní be tásaligi na lè, a be gi nɔ́nʔɔ ní be tánʔaganmi, ní be kapyegèle ní. Pe tánʔaganmi maa pye mii yɛ́ʔɛ ma àmɛɛ cɔlɔɔ nɔ́nʔɔrɔ nyɛ lè wi lòweligi làla ni.

Oze sɛ́bɛw 9:3

Pe a ní kòro Yawe tári ni í. Efirayimi a lúru kári Ezyipiti ma, pe a sa ra yaliinɔnʔɔri líi Asirii ni.

Misye 2:10

Ye yìri, yaa syée! Níì cán tári naa o nyɛ ŋɔ́ndaala tɛ́ʔɛ í. Ti nɔ́nʔɔri kéele na ti a pan ní wɔʔɔyɔ ní, yi a pye wɔʔɔbeeye.

Córolo 13:27

Gee pe baa joo n tɛ̀ɛn Mowizi na lè, koro gi nyɛ gee naa. Pe n jo: «Táree má mɔ da wolo tun wolo í sa saanri wéle lè, wolo n sáà jée di ni. Kányɛʔɛ gii, táraa dii, dee ni nɔ́nɔw ní sárigi fóo lè, ti yasanraa di caa nyɛ dee naa.

Làlwaw Kaanziin 21:23

wi kútɔw a kɔ́ syɔ́ɔn tíigi na í, kàjáa mɔ a wi tɔ́n cángi bee wonijanga. Níì cán wee be cɔ̀rɔ tiige na lè, wi i nyɛ dánga yáriga Kolocɔlɔɔ ma. Táree Yawe mɔ Kolocɔlɔw a kaan mɔ ma lè kɔrigɔ, mɔ a kɔ́ di nɔ́nʔɔ í.

Làlwaw Kaanziin 32:9

Níì cán Yawe lɛɛli li nyɛ wi syɛ́ɛnbèle. Zyakɔbi wi nyɛ wi kɔ́rigi lɛɛlɛ.

Làlwaw Kaanziin 6:18

Gee gi sín lè, ní gee gi nyɔɔ Yawe nyɛ́nɛ na lè, da koro kpéʔele, jàngó mɔ í pye fundaanra na, mɔ si tácǎnri fáliga taa, dee kéele na Yawe kàli mɔ tofɔlɛɛyi ma lè,