Zyeremii 2:6 - Cebaara Bible 2010

⁶ Pe si ga wɔ́ɔ̀ gi joo í, níì jo: ‹Sán Yawe nyɛ woro wee wi wolo yirige Ezyipiti tári ni lè, níì kíni wolo yɛ́ɛgi na fìími tára ni, lɔ̀ʔɔ fun tára, ní gòrógoroweeye tára ni, waama ní kùu yébilimɛ tára ni, táraa ni, dee di lè syɔɔn faala da ni sɔ̀lɔ́ yaà í, ní beè lè syɔɔn faala da pye í?›

Zyeremii 2:6 Iomraidhean Croise

2 Fànʔafɔbèle 2:14

Burogbɔɔgi ki da láʔa Elii na n too naa lè, a wi koro láa n tɛ́ʔɛ n lǒgi kpúmɔn níì jo: «Sán Yawe nyɛ wi lè Elii Kolocɔlɔw?» A wi lǒgi kpúmɔn, a gi tíla a gee yére mɛ̀ɛ, á gee yére mɛ̀ɛ, á Elize sɔ̀lɔ.

Zyɔbi 3:5

Ki n yɛlɛ yébilimi, ní kùúw nyímɛ í da gi caa. Ki n yɛlɛ fàfanʔa í tɛ́ɛn kòro ki ǹjogi ni, fyáakpɔɔrɔ wɔ́ɔmɔ si jée gi ni.

Zyɔbi 35:10

Kàjáa syɔɔn faala o gi nyuu níì jo: ‹Sán mii faanfɔw Kolocɔlɔɔ nyɛ í, woro wee wi kpɔ̀ʔɔrɔli ŋúnuyo kaangi yébiligi ni lè,

Ŋúnuyi 23:4

Alí mii ga ni táanri kùúw yébiliwɔɔlɔ jǐnlɔgɔ ni, mii a tée fyáa yapeʔe faala na í, níì cán mɔ i nyɛ ní mii ní. Mɔ kagbeedanʔani ní mɔ banaʔa-kpeeli i mii fúngi nyíngi.

Ŋúnuyi 77:5

Mɔ i ŋúnɔmi pée mii nyapiigèle na. Mii fúngi n curugo. Mii ga níì gi cán gee mii a joo lè í.

Yirile 20:2

«Mii wi nyɛ Yawe mɔ Kolocɔlɔw, wee wi mɔ yirige lè Ezyipiti tári ni, púlori kpaʔa ni.

Ezayi 63:9

Pe wɔʔɔyi myɛ ni, wi ga wàa faala tun wi ba be syɔɔ í, kàjáa wi yɛ́ɛgi ki be syɔɔ. Wi tàmagi, ní wi nyinidaari báriga ni wi tiimaw be nyúnyi syɔɔ. Wi n be dɛ̀ɛmɛ níì be láa booma cányi myɛ ni.

Ezayi 64:7

Koro ní ki myɛ ní, Yawe mɔ wi nyɛ wolo Tóow. Wolo wo nyɛ cóori, mɔ si i nyɛ wolo cóofaanw, wolo myɛ i nyɛ mɔ kɔ́yi fáli.

Zyeremii 13:16

Yaa nìjangbɔɔrɔ taari Yawe na wi lè yele Kolocɔlɔw, sáni wi kɔ yébilimi yaʔa bi pan lè, sáni yele tɔ́lɔyi í kɔ́ kpírige lè cângwɔɔ-yébiligi nyanbeleye na. Yele i sɔ̀ngí gbɛ̀ɛnmɛ kéele na, kàjáa wi a bi kàriga kùu yébilimɛ, wi a bi kàriga yébiliwɔɔlɔ.

Zyeremii 2:2

«Da syée mi sa yákpoli wáa ní syɛ́ɛnri naa ní mi le Zyerusalɛmi syɛ́ɛnbèle líiweegéle ni mí jo: ‹Yawe n jo: Mii i sɔ̀ngí ni taagi mɔ picaagi làla tàmaga na, ki lè mɔ larijoli tàmaga, lǎli ni mɔ da taʔa mii na lè fìími tára ni, táraa ni, dee di pɛɛn lè.

Zyeremii 2:8

Sáriga-wòlobèle ga gi joo níì jo: ‹Sán Yawe nyɛ í?› Làlwaw kɔ́rɔjoofɔɔlɔ ga mii cán í. Bànaʔabèle n mii cée. Kanyaajoobèle i kérigèle nyaagi ni nyuu Baali mɛ́ɛgi na. Pe n peyɛɛ daʔa fànʔa fun yáriya na.

Zyeremii 5:12

Pe i jànvaa nyuu Yawe kéeli na, ní i gi nyuu níì jo: «Wi o beè í, wɔʔɔgɔ faala a tée nan wolo na í, wolo a tée ŋɔsée wàlá kateʔe nyaa í.

Zyeremii 5:2

Alí pe ga ni gi nyuu níì jo: ‹Yawe woweew mɛ́ʔɛ na!› Jànvaa kàliga be kɛ̀ɛ́.»

Zyeremii 51:43

Wi kěyi n baa pye tɛɛ̀kalagiya, waama tára, ní lɔ̀ʔɔ fun tára. Táraa dii, dee di lè syɔɔn faala o kòró di ni í, syɔɔn faala wɔ́ɔ o sɔ̀lɔ́ di ni í.

Oze sɛ́bɛw 12:13

Zyakɔbi n fàn n sáà jée Arami sìnbirigi ni, Isirayɛli n báara cɔlɔɔ na, Wi n yaweere nàʔa cɔlɔɔ na.

Oze sɛ́bɛw 13:4

«Mii si na, mii wi nyɛ Yawe mɔ Kolocɔlɔw, n séli yaà Ezyipiti tári ni. Mɔ ga kolocɔlɔwaa nikwɔɔ cán kapye mii ban í, syɔɔfɔwaa ní o yaà mii kàdoʔo ma í.

Amɔsi 2:10

Bi gi taa mii wi níì yele yirige Ezyipiti tári ni, níì kíni yele yɛ́ɛgi na fìími tára ni yɛ̀ʔɛlɛ togoye siin fúngo ni, koro ga pye bi yele télege Amɔri ye tári fáliga na.

Matye 4:16

syɛ́ɛnbèle be nyɛ lè wodɛ́ɛnbéle ní yébilimi ni, pe n gbɛ̀ɛngbɔɔmɔ nyaa. Ní bele be tɛ́ɛn lè kùúw tɛ́ʔɛ ni, ní wi nyínmi láara ni, gbɛ̀ɛ́nmi n yiri n nan bele bee na.»

Làlwaw Kaanziin 1:19

«A wolo yìri Horebi taana n kári. Fìimɛ tákpɔɔri bee yele nyaa lè, ti lè fyáara wóro ní, a wo ti myɛ nyaari n foro. A wolo Amɔri ye nyanbeleyi kúlo kólogo láa n yɛlɛ ní Yawe wolo Kolocɔlɔw syɛ́ɛnrɛ ní wi da joo n gbàn wolo ma lè. A wolo sáà nan Kadɛsyi-Barineya na.

Làlwaw Kaanziin 32:10

Wi n sáà wi nyaa fìimɛ tára tátɛɛgaa ni, sìnbirigi yaweere supiire nínge ni, tɛɛwaʔa ni. A wi wi màʔa n kpàra, ní i wi gbóo. Wi maa ni wi kɔ̀rɔsíi àmɛɛ wi nyapiisyɔɔnw nyɛ lè.

Làlwaw Kaanziin 8:2

Sɔ̀ngi mi taa kólogi myɛ na, gee Yawe mɔ Kolocɔlɔw mɔ kɔ́ri a mɔ tánʔa lè yɛ́ɛgèle naa togoye siin fúngo ni fìími tára ni, koro ga pye wi mɔ tìrige táàma si mɔ sɛʔɛ wéle, bi gi cán gee ki da pye yaà mɔ zɔnw na lè, kapye mɔ a woro kajoodɛɛngèle cò wàlá mɔ a ge cò í.

Jàbɔbèle 6:13

A Zyedeyɔn wi pye: «Ee, ni Kàfɔlɔ, kapye Yawe i nyɛ ní wolo ní, nyàʔá na gee naa myɛ too wolo na? Sán si wi kakpoloyi myɛ nyɛ yoro yee kéele wolo tóolɛɛbèle nyuu ni tèé wolo na lè níì jo: ‹Yawe ban wi wolo yirige Ezyipiti ni ì?› Yawe n wolo cée tɔ́ɔliw ni níì wolo le Madyan ye kɔ́yi ni.»