Zyeremii 2:5 - Cebaara Bible 2010

⁵ Yawe wi syɛ́ɛnri naa joo níì jo: «Sìnzinmìí félege yele tóobèle nyaa mii na, a koro be kaan a be léeli mii na, ní sáà peyɛɛ bwɔɔ gbanzan yáriyi na, a poro tiimaw baa pye gbanzan yáriya?

Zyeremii 2:5 Iomraidhean Croise

2 Fànʔafɔbèle 17:15

A be wi kajoogèle cée, n fàra joogaanni na, lee wi da kpéʔele ní be toolɛɛbèle ní lè, ní kérigèle gele na wi be sàmi lè. A be peyɛɛ daʔa gbanzan yáriyi na, fwɔɔ n peyɛɛ kàriga n pye gbanzan yáriya. Syɛɛnfeleyee yi be màʔa lè, a be i yee bee tɛ́ɛlɛ, bi gi taa Yawe maa be pye pe a kɔ́ ra syɛɛnfeleyi bee tɛ́ɛlɛ í.

Ŋúnuyi 115:8

Yi kpéʔelefɔbèle i nyɛ yi felege, ní bele myɛ be peyɛɛ daʔa yi na lè.

Ezayi 29:13

Kàfɔw n jo: «A syɛ́ɛnbèle naa nùuní mii na ní syɛɛnjóoro ní wii yagana, a be mii kpɔ̀ʔɔrɔ́ nyɔɔwara na wii yagana. Kàjáa be fúnyi n léeli mii na, mii yɛ́ɛgi fyáara di nyɛ be ma lè, ti i nyɛ syɔɔn ye kalɛɛgéle gele be tama n cò lè.

Ezayi 44:9

Bele be yasunyi kpéʔele lè, pe myɛ i nyɛ fúu, pe yakpéʔeleri wojanra o yafyɛn nyɔɔgi í, pe i nyɛ yi séerabéle, yi o nyaagi í, cánna o yi ma í, koro na fɛ̀ɛrɛ a wɔ́ɔ ba be taa.

Ezayi 46:12

Ye lóʔo mii ma, yele fungbanyi syɛ̀ɛnnɛ, yele bele ye léeli sínni na lè!

Zyeremii 10:8

Pe myɛ n pínɛ n pye nidoliyo, ní nilabalaya, gee ki gi tɛ̀ɛn lè pe i nyɛ gbanzan koro gi nyɛ tíigi.

Zyeremii 12:2

Mɔ n be cɔ́rɔ, a be caà nìnre wáa, kàa i taari be na, pe i sangi. Mɔ kéeli i nyɛ be nyɔ́ɔyi na, á be fúnyi si léeli mɔ na.

Zyeremii 14:22

Syɛɛnfeleyi gbanzan yáriya ni, a gi kàa i yaà lé gee gi zàʔá cáan lè? Nyɛ̀ʔɛni lé li zěpalayi cáan? Mɔ ban ì, Yawe wolo Kolocɔlɔw? Mɔ na wolo wo sɔ̀ngumi taʔa. Níì cán mɔ wi kérigèle bee myɛ kpéʔele.

Zyeremii 2:31

Ee! Yele ye nyɛ lè lǎli naa syɛ̀ɛnnɛ, ki n yɛlɛ yaa Yawe syɛ́ɛnri córo! A mii da pye lé fìimɛ tára Isirayɛli ma, wàlá yébilimɛ tára? Nyàʔá na mii syɛ́ɛnbèle gi nyuu níì jo: ‹Wolo i nyɛ woyɛɛ ma, wolo o caa bi ní lúru pan mɔ ma í?›

Zyeremii 2:4

Zyakɔbi kpáagi wòolo, ye Yawe syɛ́ɛnri lóʔo, ní yele myɛw ye nyɛ lè Isirayɛli kpáagi narigbaaya woolo.

Zyeremii 8:19

Mii calipili káyaʔa yákpolo li lee, li lè mii syɛ́ɛnbèle, lee li yìrigí táleelire ma lè, li n jo: «Yawe ní o nyɛ Siyɔn ni wii ì? Wi fànʔafɔw ní o nyɛ wi ni wii ì?» «Nyàʔá na be mii fúngi tanʔa ní be ǹdedanyi ní, yi lè gbanzan yanibɔnyi?»

Ezekyɛli 11:15

«Syɔɔn-pya, mɔ senyɛnbèle bɛɛ, pe i nyɛ mɔ senyɛ̀nnɛ, bele be lè mɔ kpaʔa wóbèle, ní Isirayɛli kpáagi myɛ wobogo, poro bele má Zyerusalɛmi ye gi nyuu lè níì jo: ‹Ye kòro léelige Yawe na. Tári naa n kaan wolo ma di pye wolo wóro.›

Ezekyɛli 14:5

Kánmi bee na Isirayɛli kpáagi wòolo be léeli mii na lè be yasunyi myɛ kéele na, pe a cò be tiimaa fúnyi ni.›

Zyonasi 2:8

Lǎli ni mii fúngi báriga kwɔ́ɔ mii ni lè, a mii sɔ̀ngi n taa Yawe na, a mii nyɛ́ɛrigi kári fwɔɔ n sáà nan mɔ na fwɔɔ mɔ kpɔʔɔrɔli kpaacanga ni.

Matye 15:8

‹Syɛ́ɛnbèle naa i mii kpɔ̀ʔɔrɔ́ nyɔɔwara na, kàjáa pe fúnyi n léeli mii na.

Kapyegèle 14:15

níì jo: «A syɛ̀ɛnnɛ, nyàʔá na yele gee naa kpéʔele? Wolo wɔ́ɔ i nyɛ syɛ̀ɛnnɛ àmɛɛ yele nyɛ lè, wolo n pan ba Syɛɛnjóocǎnri joo yele ma koro ga pye yele í láʔa tɔ̀nɔ fun kérigèle naa na, si kàri Kolocɔlɔɔ woweew ma, woro wee wi nyɛ̀ʔɛni faan lè, n fàra tári, ní sólomi lɔ̀ʔɔ, ní di fúnyi yárira myɛ na.

Wɔrɔmi ye 1:21

níì cán pe n Kolocɔlɔɔ cán, koro ní ki myɛ ní pe ga fɔ̀lɔ bàā wi kpɔ̀ʔɔrɔ́ àmɛɛ gi yɛlɛ paa wi kpɔ̀ʔɔrɔ́ lè í, pe ga wɔ́ɔ̀ fɔ̀lɔ ni bariga kaangi wi ma í. Fwɔɔ a be be sɔ̀nguri taʔa nyùngo fun kérigèle na, a be sícilimɛ fun fúnyi wɔ́ɔ baa nyìn yébilimi na.

Làlwaw Kaanziin 32:21

Yárigee gi lè ki o nyɛ Kolocɔlɔɔ í, pe n gee bee kéele tɛ́ʔɛ n yejaʔa yìrige mii ma. Pe n mii fúngi tanʔa gbanʔama ní be gbanzan yasunyi ní. Mii si na, mii a gbanzan syɛɛnfelegaa kéele tɛ́ʔɛ bi nyabɛɛnnɛ wáa be na. Mii a syɛɛnfele-nilabalaga kéele tɛ́ʔɛ bi be fúnyi tanʔa gbanʔama.

1 Samyɛli 12:21

Yele a kɔ́ wàli bi láʔa wi na í. Kapye koro ban í yele a yeyɛɛ daʔa gbanzan yáriyi na, yee yi lè yi a tɔ̀nɔ kaan syɔɔn ma wàlá bi wi syɔɔ í, níì cán yi i nyɛ gbanzan yáriya.