Zyeremii 2:34 - Cebaara Bible 2010

³⁴ Tɛɛlɛ fun foomɔfɔbèle sìsyaan n nyaa mɔ buronyɔɔw na n gi yaʔa mɔ ga be cò kàyuugo na í.

Zyeremii 2:34 Iomraidhean Croise

2 Fànʔafɔbèle 21:16

Manase n wɔ́ɔ̀ tɛɛlɛ fun sìsyaan saʔa wo fwɔɔ a Zyerusalɛmi nyìn wi na n séli láʔalee na n sáà nan lee na. Wi n koro kpéʔele n fàra kapeegèle gele na wi da Zyuda ye kɔ́ri n wáa pe i kpéʔele lè, ni gi kpéʔele gee gi pee Yawe nyɛ́nɛ na lè.

2 Fànʔafɔbèle 24:4

Ní tɛɛlɛ fun sìsyaanw kéele na wɔ́ɔgēle, wee Manase da wo lè, tɛɛlɛ fun sìsyaanw wi da tɛ́ʔɛ n Zyerusalɛmi nyìn lè. Yawe ga fɔ̀lɔ n kùsulugi syɔɔ í.

Yirile 22:1

Pe ga kàyuuw cò a wi i yarigaa kabagi yébilige ni si yùu, á be wi kpúmɔn n kpóo, wi kpóoli kéele a córo wi kpóofɔw ma kolomɔ kéele í.

Yirile 22:2

Ki si ga pye cángi maa folo n kwɔ́ɔ, wi kpóofɔw a kolomɔ taa wi kpóoli kéele na. Kàyuuo n yɛlɛ wi wi yayuugi sàra. Yarigaa ga pye ki ga taa wi ma í, pe a wi pára bi yárigi bee sàra.

Ezayi 57:5

Yele fúnyi n wári terebɛnti tíiyi, ní wabiriri tíiye myɛ láara ni, a yele i pìíbèle kɔnɔgi lòcooloyi nyɔ́ɔ, ní fálakɔriyi láara ni.

Ezayi 59:3

Níì cán sìsyaanw n yele kadaagèle nɔ́nʔɔ, a kakolobyeri yele kabegèle nɔ́nʔɔ. Yele nyɔɔwari i jànvaaw nyuu, a yele nyíngèle i námaraw kabala ni nyuu.

Ezayi 59:7

Pe tɔ́lɔyi i fé ni syée kapeebyeri kurugo, pe fúnyi n wári tɛɛlɛ fun sìsyaanw wolo kurugo. Pe sɔ̀nguri i nyɛ sìnzinmɛ sɔngurɔ, kálagili ní nyáʔamini i nyɛ be kóloyi ni.

Zyeremii 19:4

Níì cán pe n mii yaʔa, pe n tɛ́ɛgi naa kàriga tɛɛgaa gee ni syɔɔn pùuní lè. Pe i nùndaanni yáriga kaangi kolocɔlɔbèle pèle nikwɔɔlɔ ma gi ni, bele be lè pe tiimaw, ní be toolɛɛbèle, ní Zyuda fànʔafɔbèle da be cán í. Pe n tɛɛlɛ fun syɛ́ɛnbèle sìsyaan tɛ́ʔɛ n tɛ́ɛgi naa nyìn.

Zyeremii 2:33

Ee! Kánmee na mɔ wári lè mɔ tánʔaganmi ni, tàmagi caala kurugo, kánmi bee wonijanma na mɔ wɔ́ɔ̀ mɔ tánʔaganbeemi kpéʔele tamana.

Zyeremii 6:15

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too,» Yawe wi jo nya.

Zyeremii 7:31

Pe n sáriga-wòlo-tɛ́ɛyɛ faan Tofɛti ni, Bɛn-Hinɔmi jǐnlɔgi ni, bàā be nànbiigèle ní be calipiigèle sórogi náagi ni, gee gi lè mii da gi joo be ma í, ki sɔ̀ngurɔ da wɔ́ɔ̀ jée mii ni í.

Zyeremii 7:6

yele ga pye yele o fǎngi gbàngí nibɔnw ní círiw, ní lɔgucew na í, yele ga pye yele o tɛɛlɛ fun sìsyaanw ŋuu tɛ́ɛgi naa ni í, yele ga pye yele ga yeyɛɛ daʔa kolocɔlɔbèle pèle nikwɔɔlɔ na í, n wɔʔɔgɔ caa n kaan yeyɛɛ ma í,

Zyeremii 8:12

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too, Yawe wi jo nya.

Kayaagi Nyɛnigɛ 1:9

Wi nɔ́nʔɔri i nyɛ wi buronyɔɔw na, wi da ni sɔ̀ngí wi kwɔ́ɔganmi na í. Wi tooli n tɔ̀nɔ n pye funwɔɔrɔ, syɔɔn faala si ga taa n wi kpɛʔɛlɛ í. «Mii cɛ́rɛli kéele wéle, ee Yawe, níì cán nigoow i fànʔa taagi.»

Kayaagi Nyɛnigɛ 4:14

Pe maa ni curugu ni máari fúunbéle kàlari-kóloyi ni, sìsyaanw maa be nɔ́nʔɔ, a gi pye fwɔɔ syɔɔn a gbǎn tánga pe búroyi na í.

Ezekyɛli 20:31

Yele yakaanyi ní yele maa lè, ní yele pìíbèle yele wóo lè sáriga náagi ni, yele i yeyɛɛ nɔ́ɔnri ní yele yasunyi myɛ ní fwɔɔ n baa nan níjanʔa na. Mii si niyɛɛ yaʔa lé yele í yíbe Isirayɛli kpáagi wòolo? Mii woweew mɛ́ʔɛ na, mii a tée niyɛɛ yaʔa yele í yíbe í! Kàfɔw Yawe wi jo nya.

Ezekyɛli 22:25

Wi kanyaajoobèle i nyɔɔkuunro kpéʔele wi níngi ni. Kánmee na càaraɔ kaana, wee wi wi kaacǒri sulugu lè, kánmi bee na be syɛ́ɛnbèle káa, pe i lɔnɛʔɛri, ní yacanri nɛnɛ ni syoo, pe i lɔgucebèle nɛʔɛgi wi ni.

Ezekyɛli 23:45

Kàjáa nǎnbèle pèle wéle bele, bele be sín lè, poro pe a be kútiiw joo àmɛɛ be kanɔnʔɔbyecabala kútii nyuu lè, ní cébèle bele be sìsyaanw ŋuu lè àmɛɛ be poro kútiiw nyuu lè. Níì cán pe i nyɛ kanɔnʔɔbyebèlē, sìsyaanw si i nyɛ be kɔ́yi na.»

Ezekyɛli 24:7

Níì cán sìsyaanw gi wo lè, wi n kòro ki níngi ni. Ki n wi taʔa fálawaʔa na, ki ga wi wo tári na si wi tɔ́n ní támiige ní í.

Ezekyɛli 9:9

A wi mii yari: «Isirayɛli kpáagi, ní Zyuda kpáagi wòolo kolomɔ n tɔ̀nɔ n kpɔ́ʔɔ n sɔ̀lɔ. Tári n nyìn syɛɛnkpoori na, kěgi n nyìn kakolobyeri na, níì cán pe i gi nyuu níì jo: ‹Yawe n tári yaʔa, Yawe o yafyɛn nyaagi í.›