Zyeremii 2:32 - Cebaara Bible 2010

³² A pìcaa i fɛ̀ʔɛ́ lé wi fèreri yárira na, pìcaaw nìgɔcariɔ cò lè, wi fɛ̀ʔɛ lé wi fèreri na? A mii syɛ́ɛnbèle si fɛ̀ʔɛ mii na, nlaa yaà córomɔ fun canya ni.

Zyeremii 2:32 Iomraidhean Croise

Sélimɛ 24:22

Lǎli ni fàlibaayi gbaa n kwɔ́ɔ lè, a nǎnw fínaana veʔeo kaan wi ma, tɛɛ̀ wóo. Vèʔew bee líbeganma maa pye gíramibéle kɔrɔni félege, n fàra kɔlɔ̀ kajingéle siin na. Ke líbeganmi maa sɔ̀lɔ gíramibéle dabata-daa na.

Sélimɛ 24:30

Wi maa fínaani vèʔeo nyaa, ní wɔ́ɔ̀ kajingèle nyaa wi senyɛnw kɔ́yɔ na, ní wɔ́ɔ̀ syɛ́ɛnri lóʔo wi nyɔ́ɔgi na dee nǎnw bee joo lè. A wi yiri n kári nǎnw bee ma wi da sèʔê pye lè woyéreo ní fàlibaayi taana kɔ̀lɔ́w nyɔ́ɔ na.

Sélimɛ 24:53

A falipyew wálifiio yárira, ní tɛɛ̀ yárira wòlo n kaan Erebeka ma, n fàra buroyo na, ní wɔ́ɔ̀ lɔgbanra yáriraa kaan Erebeka senyɛnw ní wi nɔ́ɔw ma.

2 Samyɛli 1:24

Isirayɛli calipiigèle, yaa nyaan Sawuli kéeli na, woro wee wi da ni yele fèré lè ní fàninyɛɛn-tèlew ní, ní i tɛ́ɛw fèrere yárira táragi yele yaleri na lè.

Ŋúnuyi 106:21

Pe n fɛ̀ʔɛ Kolocɔlɔɔ na, wi lè be Syɔɔfɔw, woro wee wi da kakpoloyi kpéʔele Ezyipiti ni lè.

Ŋúnuyi 9:17

Yawe n wiyɛɛ dɛ̀ɛn, wi n kútiiw ceri. Syɛɛnpeew n cò wi tiimaa kɔ́yi fáli na. Yatingbumɔngɔ Ŋɔ́ndaala

Ezayi 17:10

Níì cán mɔ n fɛ̀ʔɛ mɔ syɔɔli Kolocɔlɔɔ na, mɔ ga sɔ̀ngi n taa fálagi na gi lè mɔ tɛɛlaragi í. Koro na mɔ kínidɛnɛgɛ tɛɛ̀falaya fála, níì yacɔ́rɔ-nibɔnrɔ cɔ́rɔ yaà.

Ezayi 57:11

Wìí na mɔ da ni fɛ̀ɛgí, wìí yɛ́ʔɛ fyáara ti da pye mɔ na, a koro mɔ kaan a mɔ mii jànvaa, mɔ ga níì sɔ̀ngi n taa í, mii kéeli ga níì pye mɔ fúngi ni í? Mɔ ga gi cán ncan a mii da pyèri wii nlaa yaà làridɔɔnnɔ ni ì? A koro gi kaan mɔ ga fyáa mii na í.

Ezayi 61:10

Mii i fundaangbɔɔrɔ kpéʔele Yawe ni, mii fúngi i muguri mii Kolocɔlɔw ni. Níì cán wi n syɔɔli búroyo le mii na, wi n sínni burogbɔʔɔ tɛ́ʔɛ n mii tɔ́n àmɛɛ cefɔɔn fɔ́lɔ wiyɛɛ vèré ní kpɔʔɔrɔ nyùndɔnnɔ ní lè, àmɛɛ cefɔɔn wiyɛɛ vèré ní wi fèreri yárira ní lè.

Zyeremii 13:10

Syɛɛnfelegi bee gi pee lè nya, koro gee gi mii syɛ́ɛnri lóʔolo cée lè, gee gi taʔa gi fungbangi kasɔngurɔ na lè, níì kiyɛɛ bwɔɔ kolocɔlɔbèle pèle nikwɔɔlɔ na ni báara be ma, ní i tíri ni tuun be yɛʔɛ̀ ma, ki a pye àmɛɛ sɛntiiriw naa nyɛ lè, wee wi lè wi a ní gbǎn yafyɛn nyɔɔ í.

Zyeremii 13:25

Wéle, gee bee ki a ba pye mɔ na, lɛɛli mii tímana bi ba kaan mɔ ma lè, loro lii,» Yawe wi jo nya, «níì cán mɔ n fɛ̀ʔɛ mii na, níì mɔ sɔngumi taʔa jànvaa yáriga na.

Zyeremii 18:15

A mii syɛ́ɛnbèle si fɛ̀ʔɛ mii na, pe i nùndaanni yáriga kaangi yasunyo ma. Koro n be kaan a be tàra n yiri be kóloyi ni, pe kolɛɛyi ni jàngó bi kobiigèlē láa, koloyaa yee yi lè yi ga kpoori í.

Zyeremii 2:11

A syɛɛnfelegaa i gi kolocɔlɔbèlē fɛ̀ɛ́ lé, àlí n gi yaʔa pe o nyɛ kolocɔlɔ-tèlebēle í? A mii syɛ́ɛnbèle si be nìjanri fàli fànʔa fun yáriga na.

Zyeremii 2:33

Ee! Kánmee na mɔ wári lè mɔ tánʔaganmi ni, tàmagi caala kurugo, kánmi bee wonijanma na mɔ wɔ́ɔ̀ mɔ tánʔaganbeemi kpéʔele tamana.

Zyeremii 23:27

Pe i sɔ̀ngí bi mii mɛ́ɛgi fɛ̀ʔɛ mii syɛ́ɛnbèle ni, pe ŋúnɔyi báriga ni, yee be nyuu ni tèé peyɛɛ na lè, àmɛɛ be toolɛɛbèle fɛ̀ʔɛ mii mɛ́ɛgi na lè Baali bárigaw ni.

Zyeremii 3:21

Yákpolo i lúro dǎndamayi na. Isirayɛli yòdaʔayi wòolo nyɛnimɛ, ní be nyɛ́ɛrigboloyi yii. Níì cán pe n be kólogi ŋánga, pe n fɛ̀ʔɛ Yawe be Kolocɔlɔw na.

Ezekyɛli 22:12

Pe i námara kpɔ́ʔɔrɔ syoo mɔ ni jàngó bàā sìsyaanw ŋuu. Mɔ i tɔ̀nɔw, ní tɔ̀nɔpeew caa, mɔ i mɔ syɛɛnnyɛnnɛ fuguri gbánama ni ni miyɛɛ gbéʔele lɔrɔfɔlɔ, mii si na, mɔ n fɛ̀ʔɛ mii na, Kàfɔw Yawe wi jo nya.

Oze sɛ́bɛw 8:14

Isirayɛli n fɛ̀ʔɛ wi Faanfɔw na, níì fànʔafɔ-gbaaya faan, Zyuda si na, woro n kèniriyi nɛʔɛ. Kàjáa mii a náagi tórigo ki sa jée be kěyi ni, ki a yi kpaakpoloyi sórigo.»

Làlwaw Kaanziin 32:15

Yesyurun n sìnmɛ le, a wi jáma. Mɔ n baa sìnmɛ le níì kpɔ́ʔɔ n pòlogo, a wi Kolocɔlɔɔ yaʔa wi lè wi Faanfɔw. Wi n wi syɔ́ɔli Fálaga faʔa.

Tɛ̀ɛnnɛ 21:2

A mii kècǎngi nyaa ki lè Zyerusalɛmifɔnw, a gi yìri nyɛ̀ʔɛni na Kolocɔlɔɔ ma ni tíri wozamagagwɔʔɔ ní, àmɛɛ cefɔɔn gáà wiyɛɛ vère lè wi nǎnw kéele na.

Jàbɔbèle 8:34

Isirayɛli ye ga sɔ̀ngi n taa Yawe be Kolocɔlɔw na í, woro wee wi da be yirige pe nigoobèle myɛ kɔ́yɔ ni pe be màʔa lè.