Zyeremii 2:30 - Cebaara Bible 2010

³⁰ Mii n yele jáabèle kpúmɔn koro ga yafyɛn nyɔɔ í. Pe ga fɔ̀lɔ tamani na í. Yele ŋɔséew n yele kanyaajoobèle lìi, àmɛɛ càaraɔ nyɛ wee wi gàlagí kpéʔele lè.

Zyeremii 2:30 Iomraidhean Croise

1 Fànʔafɔbèle 19:10

A wi jo: «Kayaʔa gi tɔ̀nɔ́ nyɛ mii ni Yawe kéeli na, wi lè Nyɛ̀ʔɛni Kapɛɛnkpumɔnbéle Kolocɔlɔɔ. Níì cán Isirayɛli ye n mɔ joogaanni yaʔa, níì mɔ sáriga-wòlo-yafaanyi jabagi, níì mɔ kanyaajoobèle kpóo ní ŋɔséew ní. Mii nibin wi kòro, pe si ní i caa bi mii sìíw kwɔ́ɔ.»

1 Fànʔafɔbèle 19:14

A wi jo: «Kayaʔa gi tɔ̀nɔ́ nyɛ mii ni Yawe kéeli na wi lè Nyɛ̀ʔɛni Kapɛɛnkpumɔnbéle Kolocɔlɔɔ. Níì cán Isirayɛli ye n mɔ joogaanni yaʔa, níì mɔ sáriga-wòlo-yafaanyi jabagi, níì mɔ kanyaajoobèle kpóo ní ŋɔsée ní. Mii nibin wi kòro, pé si ní i caa bi mii sìíw kwɔ́ɔ.»

2 Cányi kèlē 24:21

A be nyɔɔ kúun wi na níì wi wábagi ní kàdɛnɛrɛ ní Yawe kpáagi kadàala na n yɛlɛ ní gee ní fànʔafɔw joo n gbàn lè.

2 Cányi kèlē 28:22

N Akazi yaʔa fɔ̀rɔgi ni, a wi sèʔê kòro ni kàa taari wi kolomi na Yawe ma.

2 Cányi kèlē 36:16

Kàjáa a be i peyɛɛ nyɛ́nɛ Kolocɔlɔɔ tundunbèle na pe da ni wi syɛ́ɛnri córo í, a be i wi kanyaajoobèle kpàná fwɔɔ n taa a Yawe fundanʔagbɔɔri baa yìri be kurugo, tiinmɛ ga níì pye gi na í.

Nehemii 9:26

Kàjáa pe n yìri n sìnloʔomɔ kpéʔele mɔ kánmi na, pe n kàdoʔo wáa mɔ làlwaw ma. Mɔ kanyaajoobèle pe da ni nyuu ní be ní lè níì jo be lúru pan mɔ ma lè pe n poro kpóo, níì kapeekpoloyo kpéʔele.

Ezayi 1:5

Sán pe a ní yele kpúmɔn, àmɛɛ yele ní i kàa fàrá yele céemi kèlē na lè? Nyǔngi wobogo i yáa, a fúngi myɛ i nyɛ wɔʔɔgɔ na.

Ezayi 59:3

Níì cán sìsyaanw n yele kadaagèle nɔ́nʔɔ, a kakolobyeri yele kabegèle nɔ́nʔɔ. Yele nyɔɔwari i jànvaaw nyuu, a yele nyíngèle i námaraw kabala ni nyuu.

Ezayi 9:13

Yawe a wɔ́ɔ nyǔngi, ní nángi, ní sɛʔɛwari, ní nyɛ́nɛri ceri bi yirige yaà cannijanga na.

Zyeremii 31:18

Mii i Efirayimi nyɛni-mí-peeleli lúro: ‹Mɔ n mii wɔʔɔ, a mii wɔʔɔ àmɛɛ náapiige nyɛ, gee gi lè ki da kóro í. Ki yaʔa mii í lúru pan, mii a lúru pan. Níì cán mɔ Yawe wi nyɛ mii Kolocɔlɔw.

Zyeremii 46:14

«Ye gi jáari Ezyipiti ni, ye gi yaʔa gi lóʔo Migidɔli ni, ye gi yaʔa gi lóʔo Nɔfi, ní Takipanɛsi ni! Ye gi joo yé jo: ‹Ba miyɛɛ dɛ̀ɛn, miyɛɛ zámaga, níì cán ŋɔséew i káa ni mɔ máari!›

Zyeremii 5:3

Kányɛɛgi ban mɔ nyapiigèle caa bi nyaa ì, Yawe? Mɔ n be kpúmɔn, ki ga yafyɛn pye be na í. Mɔ n naà taʔa be na, pe ga fɔ̀lɔ tamani na í. Pe n be yɛ́ɛyi waʔa n sɔ̀lɔ fálaya na, pe ga fɔ̀lɔ n kàri í.

Zyeremii 7:28

Koro na gi joo be ma mí be pye: ‹Syɛɛnfelegaa gi nyɛ gee naa, gee gi lè ki o Yawe gi Kolocɔlɔw jóomɔ lúro í, ki wɔ́ɔ o caa bi fɔ̀lɔ tamana na í. Kányɛɛgi ní o beè í, ki n kwɔ́ɔ n láʔa pe nyɔ́ɔyi na.›

Kayaagi Nyɛnigɛ 4:13

Koro n pye wi kanyaajoobèle kapeegéle kéele na, ní wi sáriga-wòlobèle kolomɔ kéele na, poro bele be syɛɛnsinbèle sìsyaan wo wi fúngi ni lè.

Ezekyɛli 22:24

«Syɔɔn-pya, ki joo Zyerusalɛmi ma mí wi pye: ‹Mɔ i nyɛ táraa, dee di lè ti ga jée n mùnu í, dee di lè zàʔá ga di fɔɔn fundanʔari canʔa na í.›

Ezekyɛli 24:13

Kapeegi i nyɛ mɔ nɔ́nʔɔri ni, mii maa ni caa bi mɔ jée mùnu, mɔ si ga miyɛɛ yaʔa a mɔ jée n mùnu n mɔ nɔ́nʔɔri láʔa í, koro na mɔ nɔ́nʔɔri a ní jée láʔa mɔ na í fwɔɔ bi taa mii í mii fundanʔagbɔɔri kèlē kpéʔele foro mɔ na.

Danyɛli 9:13

Ki n pye n yɛlɛ ní gi ní àmɛɛ gi sɛ́bɛ Mowizi làlwaw ni lè, a wɔʔɔgi bee myɛ too wolo na. Kàjáa wolo ga Yawe wolo Kolocɔlɔw funjànga nyɛ́ɛri í, wolo ga wàli n láʔa wolo kolomi kèlē na í, níì mɔ kányɛɛgi lóʔo í.

Sofonii 3:2

Ki o joomɔ faala lúro í, ki o fɔ̀lɔ́ kpúmɔn-mí-kàrigala na í, ki o kiyɛɛ daari Yawe na í, ki o nùuní gi Kolocɔlɔw na í.

Matye 23:29

Wɔʔɔli a pye yele na, làlwaw sɛ́bɛwelebéle, ní Farisibèle, yele bele ye nyɛ lè syɛɛnjóotɛɛyi siin joofɔɔlɔ! Níì cán yele i kanyaajoobèle kɔ̀ɔngēle faanri, ní wɔ́ɔ i syɛɛnsinbèle kɔ̀ɔngēle fèré.

Kapyegèle 7:52

Kanyaajoowìí wi nyɛ yele tóolɛɛbèle ga wi wɔʔɔ í? Bele pe da ni Wozinw panna kéele nyuu lè booma ni, yele tóolɛɛbèle maa bele bee kpóo, á yele si baa Wozinw le wi nigoobèle kɔ́yɔ ni tɔ́ɔliw ni a be wi kpóo.

1 Tesaloniki ye 2:15

Zyefubèle bee be Kàfɔw Zyezu ní kanyaajoobèle kpóo, níì wolo nɛnɛ ní wɔʔɔgbɔɔgi ní, pe kéeli ga Kolocɔlɔɔ dɛ́nɛ í, pe i nyɛ syɛ́ɛnbèle myɛ nígoolo.

Tɛ̀ɛnnɛ 16:9

A káfukpɔʔɔ fala ni syɛ́ɛnbèle sórogi, a be i Kolocɔlɔɔ mɛ́ɛgi kálagi, woro wee má wɔʔɔyi bee sée nyɛ lè, pe ga fɔ̀lɔ n kàdoʔo wáa pe kapeegèle ma sáā kpɔʔɔrɔ taari Kolocɔlɔɔ na í.