Zyeremii 2:25 - Cebaara Bible 2010

²⁵ Da miyɛɛ kɔ̀rɔsíi, mɔ tɔ́lɔyi a kɔ́ kòro wowaaya ní í, mɔ a kɔ́ mɔ yákpodirigi yaʔa ki waʔa í dɛ! Kàjáa mɔ n jo: ‹Eʔe! Koro o nyɛ yafyɛn í. Níì cán nibɔnbèle kéele n mii dɛ́nɛ. Mii i caa bi niyɛɛ bwɔɔ be na.›

Zyeremii 2:25 Iomraidhean Croise

Làlwaw Kaanziin 32:16

Pe i kolocɔlɔ-nibɔnbèle téeri ni yejaʔa yìrigí wi ma. Pe i wi fúngi taanri gbanʔama ní yanɔnʔɔri kpéʔelele ní.

Zyeremii 18:12

Kàjáa pe i gi nyuu níì jo: ‹Gee bee i nyɛ gbanzan! Wolo i caa bi woyɛɛ daʔa wolo funzɔnguri na, wo myɛ nibin nibin a taʔa wolo péemi zɔ̀ngbaɔn na.› »

Zyeremii 3:13

Ki n yɛlɛ mɔ í tɛ́nɛ mɔ kolomi cán. Ki cán Yawe mɔ Kolocɔlɔw kánma na mɔ céemi kpéʔele. Mɔ n fàn n kári kàbanyi myɛ na nibɔnbèle kurugo, tiipiriyi myɛ láara ni, yele ga téè mii jóomi lóʔo í.› » Yawe wi jo nya.

Wɔrɔmi ye 8:24

Amɛɛ wolo syɔɔ lè, wolo n wo sɔ̀ngumi taʔa gi na ncan Kolocɔlɔɔ a ba wolo syɔɔ foro. Níì cán syɔɔn ga wi sɔ̀ngumi taʔa yárigee na lè, wi ga gi nyaa, wi a ní da gi sige í, àmɛɛ wi gi nyaa n kwɔ́ɔ lè, nyàʔá na wi a ní da gi sige?

Kayaagi Nyɛnigɛ 4:4

Pìíwee wi ŋɔri lè, wi nyínni n tára wi gbǎdanw na lògbaalaagi báriga ni, pìíbèle i búru caa, syɔɔn faala si o wàa cɛnɛ ni kaangi be ma í.

Zyeremii 14:10

Yawe n syɛ́ɛnri naa joo syɛ́ɛnbèle naa kéele na, wi n jo: «Ki n tɔ̀nɔ n be dɛ́nɛ bàā nyaari da máari sìnyére ni. Koro na Yawe ga fɔ̀lɔ be na í, wi i sɔ̀ngi ni taagi tɔ́ɔliw ni pe kakoloyi na, ní i be kpúmɔn be kapeegèle kéele na.»

Zyeremii 13:22

Mɔ ga ni gi nyuu mɔ fúngi ni níì jo: «Nyàʔá na gee naa nan mii na?» Koro n taa mɔ kakolo-nɛʔɛyi kéele na pe mɔ buronyɔɔw kùru n lúrugo níì mɔ ŋàʔana fànʔa na.

Ezayi 57:10

Mɔ n miyɛɛ vɔ̀rɔ mɔ kôdanʔa-nɛʔɛri báriga ni, mɔ si tée o gi nyuu si jo: ‹Ki i nyɛ nyùngo fun í!› Fànʔa sèʔé i nyɛ mɔ kɔ́gi ni, a koro gi kaan mɔ bárigaw ga kwɔ́ɔ í.

Ezayi 2:6

Mɔ n tɔ̀nɔ n mɔ syɛ́ɛnbèle yaʔa, pe lè Zyakɔbi kpáagi wòolo, níì cán pe n nyìn canʔafolomɔ wóbèle kalɛɛgéle na, ní cɛ́lɛfɔbèle na àmɛɛ Filisitini ye nyɛ lè, á pe wɔ́ɔ̀ bɛ̀ɛ ní táraa nikwɔɔ wòolo ní.

2 Cányi kèlē 28:22

N Akazi yaʔa fɔ̀rɔgi ni, a wi sèʔê kòro ni kàa taari wi kolomi na Yawe ma.

Làlwaw Kaanziin 28:48

Yawe a mɔ nigoobèle yìrige mɔ kurugo, mɔ a ra báara be ma bi mɔ yaʔa ní kateegi, ní lògbaalaagi ní, mɔ si pye níbori, yáriri myɛ si mɔ fɔ̀n. Wi a tunmɔrɔ zúu taʔa mɔ yátiigi na bi taa wi mɔ kálagi kwɔ́ɔ.

Luki 16:24

A wi yákpoli wáa níì jo: ‹Mii tóo Abirahami, mi nyinimɛ taa mii na, mí Lazari tórigo jàngó wi sa kabeli fínaana tàmi lǒgi ni wi ba taʔa mii ma nyínni na koro ga pye li nyíngi. Níì cán mii i naa ni wɔʔɔ ni caanri náagi naa fúngo ni.›

Luki 15:22

Koro ní ki myɛ ní a tofɔw gi joo wi falipyebèle ma níì jo: ‹Ye sa burojǎngi láa gee gi nyɔɔ yi myɛ na lè, yaa maa kelekele ye ba le wi na, yé vèʔeo le wi kabeli na, yé wɔ́ɔ ye taʔalaya le wi tɔ́lɔyi na,

Oze sɛ́bɛw 2:3

Ye gi joo yele senyɛnnǎnbèle ma ye jo: Amii! Yé gi joo yele senyɛnjebèle ma ye jo: «Uruhama!»

Zyeremii 44:17

Kàjáa wolo i caa bàā gi kpéʔele bi yɛlɛ ní gee myɛ ní gi yiri wolo nyɔ́ɔyi ni lè, koro gi nyɛ bàā nùndaanni yáriga sórogi nyɛ̀ʔɛni fànʔafɔjaa ma, sáā sáriga-yólogow wóo wi ma àmɛɛ wolo da ni gi kpéʔele lè, wolo ní wolo tóobèle, ní wolo fànʔafɔbèle, ní wolo syɛɛnkpolobèle ní, Zyuda kěyi, ní Zyerusalɛmi kàlari-kóloyi ni. Lǎli bee ni wolo maa ni líi ni tíngi páan! Wolo maa pye fundaanra na, wolo da wɔʔɔgɔ cán í.

Zyeremii 2:31

Ee! Yele ye nyɛ lè lǎli naa syɛ̀ɛnnɛ, ki n yɛlɛ yaa Yawe syɛ́ɛnri córo! A mii da pye lé fìimɛ tára Isirayɛli ma, wàlá yébilimɛ tára? Nyàʔá na mii syɛ́ɛnbèle gi nyuu níì jo: ‹Wolo i nyɛ woyɛɛ ma, wolo o caa bi ní lúru pan mɔ ma í?›

Zyeremii 13:21

Nyàʔá mɔ a joo, lǎli ni pe ga pan ba keele tɛ́ʔɛ mɔ na lè, bele mɔ tiimaa da tama lè? A káagali a kòro lé li a too mɔ na í àmɛɛ cɔlɔɔ nyɛ wee wi nyɛ seeli na lè?

Zyeremii 22:20

«Lúgu Liban na, mí yákpoli wáa! Yákpoli wáa gbanʔama Basyan na! Yákpoli wáa Abarimi ǹjogi ni! Níì cán bele myɛ mɔ kéeli da dɛ́nɛ lè, pe n tɔ́nʔɔnɔ.

Kayaagi Nyɛnigɛ 1:2

Ki i nyaan yébiligi ni, ki nyatinmi i fóo ni tíri ki bɛ̀ɛ́nyi na. Bele myɛ ki kéeli da dɛ́nɛ lè, pe wàa faala o gi kpɛʔɛlɛ í. Ki tàannyɛnbèle myɛ n gi jànváa, pe n baa kàri n pye ki nigoolo.

Ezekyɛli 20:32

Gee yele tímana yele fúnyi ni lè, ki a foro í, àmɛɛ yele gi nyuu lè níì jo: Wolo i caa bi pye àmɛɛ syɛɛnfeleyi nyɛ lè, àmɛɛ tátɛɛyi wozanya narigbaaya woolo nyɛ lè, bàā tíiyi ní kàdɛnɛyi kpɔ̀ʔɔrɔ́.

Oze sɛ́bɛw 2:5

Kapye koro ban í, mii a wi waragi péw, bi wi pye wi canzeegi cére na. Mii a wi kàriga àmɛɛ fìími tára nyɛ lè, bi wi pye àmɛɛ lɔ̀ʔɔ fun tára nyɛ lè, si lògbaalaagi yaʔa ki wi kpóo.

Malasyii 3:14

Yele n jo: ‹A syɔɔn i báara Kolocɔlɔɔ ma wii gbanzan. Amɛɛ wolo wi tundunri cò ní i táanri ní funbɛɛnrɛ ní lè, Nyɛ̀ʔɛni Sùlasiibéle Kafɔlɔ Yawe kéeli na, nyàʔá wolo taa gee bee ni?

2 Cányi kèlē 28:23

Damasi ye kolocɔlɔbèle pe da wi kpúmɔn lè, a wi i sárigaw wóo poro ma, níì jo: «Amɛɛ Sirii ye fànʔafɔbèle kolocɔlɔbèlē be dɛ̀ɛmɛ lè, koro na mii a ra sárigaw wóo be ma jàngó paa mii dɛ̀ɛmɛ́.» Kàjáa a poro pye woro ní Isirayɛli ye myɛw toolo nyúngo.

Zyeremii 22:21

Mii n joo ní mɔ ní lǎli ni mɔ pye lè kasɔngunɔ fun ni, a mɔ i gi nyuu níì jo: ‹Mii a lóʔo í.› Koro gi pye mɔ tánʔaganmi, nlaa yaà mɔ cárimi làla ni, mɔ ga téè mii jóomi lóʔo í.