Zyeremii 2:23 - Cebaara Bible 2010

²³ «Mɛ̀ɛ́ mɔ a gbǎn gi joo si jo: ‹Mii ga niyɛɛ nɔ́nʔɔ í. Mii ga niyɛɛ bwɔɔ Baalibèle kpɔ̀ʔɔrɔlɔ na í.› Mɔ nyɔngèle wéle jǐnlɔgi ni. Ki cán gee mɔ kpéʔele lè fàlibaacaa-faʔala, lee li nyaari ni máari lè.

Zyeremii 2:23 Iomraidhean Croise

Ɛsitɛri 8:16

A gi tɔ̀nɔ n pye Zyefubèle ma nyɛ́ʔɛnɛmɛ, ní fundaanra, ní mugurumɔ, ní fàndaara.

Ŋúnuyi 36:2

Gee syɛɛnpeew céemɛ syɛ́ɛnrɛ tèé mii na mii fúngi ni lè, koro gi nyɛ, wi n gi nyaa Kolocɔlɔɔ yɛ́ɛgi fyáara i nyɛ tɔ̀nɔ fun.

Ŋúnuyi 50:21

Wéle, mɔ n kérigèle bee myɛ kpéʔele, mii ga joo í. Ki maa pye mɔ nyɛ́nɛ na mii i nyɛ mɔ félege, kàjáa mii si a fúlo mɔ na, si mɔ kolomi kèlē taʔala keyɛɛ na mɔ í ge nyaa.

Kàseegèle 28:13

Wee wi wi kolomi kèlē làragí lè, wi kérigèle o nyɔɔgi í. Kàjáa wee wi ge nyuu ni tèé lè, ní i láari ge na, nyinimɛ i taagi wi na.

Kàseegèle 30:12

Syɛ́ɛnbèle pèle félege i yaà, bele be nyɔɔ peyɛɛ nyɛ́nɛ na lè, pe nɔ́nʔɔri si ga jée n láʔa be na í.

Kàseegèle 30:20

Kanɔnʔɔbyecew kólogo wéle gee: Wi a lìi si nyɔ́ɔgi tùuni, si jo: ‹Mii ga kapeʔe pye í.›

Zyeremii 14:10

Yawe n syɛ́ɛnri naa joo syɛ́ɛnbèle naa kéele na, wi n jo: «Ki n tɔ̀nɔ n be dɛ́nɛ bàā nyaari da máari sìnyére ni. Koro na Yawe ga fɔ̀lɔ be na í, wi i sɔ̀ngi ni taagi tɔ́ɔliw ni pe kakoloyi na, ní i be kpúmɔn be kapeegèle kéele na.»

Zyeremii 16:10

Lǎli ni mɔ ga syɛ́ɛnri naa myɛ joo n kwɔ́ɔ lè syɛ́ɛnbèle naa ma, á be mɔ pye: ‹Nyàʔá na Yawe wɔʔɔgboloyi naa myɛ kéele nyuu ni taari wolo na? Kolomìí félege wolo kpéʔele? Kapeelìí félege wolo kpéʔele Yawe wolo Kolocɔlɔw na?›

Zyeremii 2:36

Nyàʔá na mɔ fúngi wári nya bi mɔ kólogi fàli? Fɛ̀ɛrɛ si a wɔ́ɔ mɔ taa Ezyipiti kéeli na, àmɛɛ fɛ̀ɛrɛ mɔ taa lè Asirii kéeli na.

Zyeremii 3:2

«Mɔ nyapiigèle yìrige mi le dǎndama-wɔlɔgɔyi ni maa wéle! Tɛɛgìí gi yaà, beè lè mɔ ga miyɛɛ gaan í? Mɔ maa pye yaà wodɛ́ɛɔn ní kólogi nyɔ́ɔ na be kéeli na àmɛɛ arabuo nyɛ lè fìími tára ni, a mɔ tári nɔ́nʔɔ mɔ nanjaari, ní mɔ naʔabeemi báriga ni.

Zyeremii 31:22

Làlìí ni mɔ a láʔa nya curugo-mí-màʔaw na, calipii-niceele? Níì cán Yawe i yafɔngɔ kpéʔele tári na. Céw n lúru ni nǎnw caa!»

Zyeremii 7:31

Pe n sáriga-wòlo-tɛ́ɛyɛ faan Tofɛti ni, Bɛn-Hinɔmi jǐnlɔgi ni, bàā be nànbiigèle ní be calipiigèle sórogi náagi ni, gee gi lè mii da gi joo be ma í, ki sɔ̀ngurɔ da wɔ́ɔ̀ jée mii ni í.

Zyeremii 9:14

Koro na Nyɛ̀ʔɛni Sùlasiibéle Kafɔlɔ Yawe, wi lè Isirayɛli Kolocɔlɔw, woro wi syɛ́ɛnri naa joo níì jo: «Wéle, mii a kòbi kaan syɛ́ɛnbèle naa ma pe lìíli, si tɔnmɔ lɔ́ʔɔ kaan be ma pe gbaa.

Oze sɛ́bɛw 1:2

Syɛ́ɛnri sélimɛ bi bee naa, dee Yawe joo Oze ma a wi joo lè, Yawe n Oze pye: «Da syée mi sa kanɔnʔɔbyecewaa láa mi kanɔnʔɔrɔ piibéle see. Níì cán tári n Yawe yaʔa níì kòro kanɔnʔɔbyeri na!»

Luki 10:29

Kàjáa nǎnw bee maa ni caa bi tànʔa kaan wiyɛɛ ma. Gee bee na wi Zyezu pye: «Wìí si wi déē nyɛ mii syɛɛnnyɛnw?»

Wɔrɔmi ye 3:19

Wolo n gi cán gee myɛ gi nyuu lè Mowizi làlwaw sɛ́bɛ ni, ki i nyuu bele ma be nyɛ lè làlwaw bee kólogo ni, koro ga pye Kolocɔlɔɔ í dulunyanw syɛ̀ɛnnɛ myɛ nyɔ́ɔyɔ tɔ́n, si kútiiw cáan pe myɛ na.