Zyeremii 2:21 - Cebaara Bible 2010

²¹ Mii maa mɔ cɔ́rɔ àmɛɛ ɛrɛzɛn tíricànga nyɛ lè, yacɔ́rɔgɔ, gee gi sámaga n yére lè. Mɛ̀ɛ́ si mɔ baa kàri nya mii kàbangi na n pye ɛrɛzɛn tíri-nibɔngɔ kágangèlē?

Zyeremii 2:21 Iomraidhean Croise

Sélimɛ 18:19

Níì cán mii n wi nyɛ́nɛ n wòlo koro ga pye wi gi joo wi gbàn wi kàdoʔomaw ma, pe lè wi pìíbèle ní wi yòdaʔayi, si be pye pe Yawe kólogi sámaga be cò, páā síngi, sáā kérigèle cɔɔnri kányɛɛgi na, koro ga pye gee mii Yawe joo Abirahami kéeli na lè níì jo mii a gi kpéʔele wi ma lè, mii í gi foro.»

Sélimɛ 32:28

A nǎnw wi pye: «Mɛ̀ɛ́ pe mɔ yiri?» A wi jo: «Pe i mii yiri Zyakɔbi.»

Ŋúnuyi 105:6

yele ye nyɛ lè wi falipyew Abirahami yòdaʔayi, Zyakɔbi jáabèle, wi syɛɛnnyɛnɛ-wòlobèle.

Ŋúnuyi 44:2

Ee Kolocɔlɔɔ! Kérigèle mɔ kpéʔele lè wolo tóolɛɛbèle làla ni, booma cányi ni, wolo n gele bee lóʔo wolo líiweegèle ni, wolo tóolɛɛbèle pe ge joo n tɛ̀ɛn wolo na.

Ŋúnuyi 80:8

Kolocɔlɔɔ, mɔ wi lè Nyɛ̀ʔɛni Sùlasiibéle Kafɔlɔ, ki n yɛlɛ mi wolo lúrugo mi télege! Mí mɔ yɛ́ɛgi gbɛ̀ɛnmɛ yirige koro ga pye wolo a syɔɔ.

Ŋúnuyi 80:9

Mɔ maa ɛrɛzɛn tírige kɔ́n n yirige yaà Ezyipiti ni. Mɔ n baa syɛɛnfeleyi nɛnɛ n yirige yi tɛ́ɛyi ni, níì gi cɔ́rɔ.

Yirile 15:17

Mɔ a kári ní be ní bi sa télege mɔ kɔ́rigi nyanbelege na. Tɛ́ɛgi ni, gee mɔ sámaga lè ki pye mɔ tɛɛ̀tɛ́nɛgi, ee Yawe. Tɛɛcǎngee mɔ sámaga lè ní mɔ kɔ́yi ní, Kàfɔw.

Ezayi 1:21

Hàán! Kèkpɔɔgi ki da pye lè tágala kegi, ki n baa kàri kanɔnʔɔbyecɔɔ̀! Ki maa nyìn kányɛɛgi na, sínni maa tɛ́ɛn gi ni, tɔ́ɔliw si ni, syɛɛnkpoobéle be nyɛ gi ni!

Ezayi 27:2

Cángi bee na ye ɛrɛzɛn ségi ŋúnugo le, ki lè ɛrɛzɛn secangi wóʔo.

Ezayi 41:8

«Mɔ si na, Isirayɛli, mii falipyew Zyakɔbi, mɔ wee mii nyɛ́nɛ n wòlo lè, Abirahami wi lè mii tàannyɛnw, woro yòdaʔagi,

Ezayi 5:4

Nyàʔá ki da yɛlɛ mii í ní kpéʔele mii ɛrɛzɛn ségi ma, mii si ga gi kpéʔele gi ma í? Mii sɔ̀ngumi maa pye ɛrɛzɛncàɔn na gi ma, nyàʔá na si gi yasanbeere san?

Ezayi 60:21

Mɔ syɛ́ɛnbèle myɛ a pye syɛɛnsinbéle, tári a pye pe worò làla o làla. Fíinge gii, gee mii cɔ́rɔ lè, mii kɔ́yi fáli wii, bi mii gbɛ̀ɛngbɔɔmi tɛ̀ɛn.

Ezayi 61:3

Bi fànʔafɔ-nyùndɔnnɔ kaan cɔ́ɔngi sìndɛʔɛ ni Siyɔn wóbèle bele ma be nyɛ lè kùu-káyaʔa na, bi fundaanra sìnmɛ kaan kùu-káyaʔa sindɛʔɛ ni, bi sòololo búrogo kaan fûngalagiri sìndɛʔɛ ni, jàngó paa be yiri sínni terebɛnti tíire, dee Yawe cɔ́rɔ lè wi nìjanri kéele na.

Zyeremii 11:16

Wajànra olivye tíige, gee gi wélemɛ dɛ́nɛ lè ki yasanri nìjanra báriga ni. Mɛ́ɛgi bee Yawe da le mɔ na. Kàfulogbɔʔɔ ni wi a naà le gi na, ki káganbiiri a ní pye yafyɛn í.

Zyeremii 11:17

Yawe wi lè Nyɛ̀ʔɛni Sùlasiibéle Kafɔlɔ, woro wee wi mɔ cɔ́rɔ lè, wi n wɔʔɔgɔ kéele joo mɔ kánmi na, kapeegi kéele na, gee Isirayɛli kpáagi wòolo, ní Zyuda kpáagi wòolo kpéʔele peyɛɛ na lè n mii fúngi tanʔa nùndaanni yáriga wololo kéele na sáriga Baali ma.

Zyeremii 5:10

Ye lúgu gi tɛɛsùluyi na, ye kálagila kpéʔele, kàjáa yele a kɔ́ di kálagi bi kwɔ́ɔ í! Ye gi káganyi láʔala, níì cán yi o nyɛ Yawe wóyo í.

Kayaagi Nyɛnigɛ 4:1

Hàán! Tɛ́ɛw ní o daragi í! Tɛɛtelew n kálagi! Tɛɛcǎngi kàdɛnɛyɛ n cariga kàlari-kóloyi kàbanya myɛ na!

Ezekyɛli 15:2

«Syɔɔn-pya, nyàʔá gi nyɛ ɛrɛzɛn tírigi kàjege ma, gee ki gi pɔ́rɔ n sɔ̀lɔ lè tíiyi wozanya káganya na yi nyɛ lè kɔ́ligi ni?

Matye 21:33

«Ye ní ye kàseelaa nikwɔɔ lóʔo lee. Nànwaa maa pye kàcoolofɔlɔ, a wi ɛrɛzɛn séʔe sámaga níì gi faan n sùlu. Níì ɛrɛzɛnw yasanra tɛɛnùgugo sámaga gi ni, níì kpaatɔnɔgɔ faan yaà, níì ségi bee kàlifáa sefalabèle pèle ma páā woro lɛɛli kaangi woro ma. Níì yiri n kári kùlaa ni.

Mariki 12:1

A Zyezu níì séli ni nyuu be ma kàseegéle ni níì jo: «Nànwaa maa ɛrɛzɛn séʔe sámaga níì gi faan n sùlu, níì ɛrɛzɛnw tɛɛnùgugo sámaga yaà, níì kpaatɔnɔgɔ faan yaà, níì gi kàlifáa sefalabèle pèle ma páā woro lɛɛli kaangi woro ma, níì yiri n kári kùlaa ni.

Luki 20:9

Lǎli bee ni a Zyezu fala n kàseeli naa wáa syɛ́ɛnbèle ma níì jo: «Nànwaa maa ɛrɛzɛn séʔe sámaga níì gi kàlifáa ɛrɛzɛn sefalabèle pèle ma páā woro lɛɛli kaangi woro ma, níì yiri n kári kùlaa ni n sáà mɔn yaà.

Zyan 15:1

«Mii wi nyɛ ɛrɛzɛn tírigi wodelege, mii Tóow si i nyɛ gi sámagafɔw.

Làlwaw Kaanziin 32:32

Pe ɛrɛzɛn tírigi i nyɛ Sodɔmi ɛrɛzɛn tírigi félege, ní Gomɔri tɛɛ̀falagi wógaa. Pe ɛrɛzɛnw i nyɛ pɔ́sɔni ɛrɛzɛn, pe ɛrɛzɛn jɔnjɔnyi n soro.

Làlwaw Kaanziin 4:37

Mɔ tóolɛɛbèle kéele n wi dɛ́nɛ, a wi be yòdaʔayi nyɛ́nɛ n wòlo be kàdoʔo ma, koro na wi tiimaw mɔ yirige Ezyipiti ni ní wi séekpɔɔw ní.

Zyozuwe 24:31

Isirayɛli ye maa ni báara Yawe ma Zyozuwe sìíw myɛ ni, ní wolɛɛbèle bele pe da kòro Zyozuwe kàdoʔo ma lè, poro sìíw myɛ ni, poro bele pe da Yawe kapyegèle cán lè, koro gele wi kpéʔele Isirayɛli ye ma lè.