Zyeremii 2:20 - Cebaara Bible 2010

²⁰ «Nlaa yaà làridɔɔnnɔ ni mii n mɔ zúuw kabi, níì mɔ yapwɔɔri cɛnɛ. A mɔ gi joo níì jo: ‹Mii ní o caa bi pye puloo í.› Kàjáa mɔ i lɛ̀ɛlɛ́, dǎndama-tɔ́nɔyi myɛ na, ní tiipiriyi myɛ láara ni àmɛɛ nànjaacɔɔ̀ nyɛ lè.

Zyeremii 2:20 Iomraidhean Croise

1 Fànʔafɔbèle 12:32

A Zyerobowami fɛ́tii canʔa tɛ́ʔɛ ki pye yɛ́ɛli yeye kɔrɔtaanri wóʔo canya kɛɛ ní kagunɔ wógi na. A fɛ́tiiw bee pye wee félege pe da ni kpéʔele Zyuda ni lè. A wi lúgu sáriga-wòlo-yafaangi na. A wi gi kpéʔele kánmi bee na Betɛli ni n sáriga wòlo náapiiyi ma yee wi sámaga lè. A wi sáriga-wòlo-tɛ́ɛyi sáriga-wòlobēle télege Betɛli ni, yee wi da sámaga lè.

1 Fànʔafɔbèle 14:23

A be wɔ́ɔ̀ sáriga-wòlo-tɛ́ɛyɛ sámaga peyɛɛ ma níì yafaanya, ní Asyera yasungaangéle sámaga nyanbe-nyundɔnɔyi myɛ ǹjoyo ni, ní tiipiriyi myɛ láara ni.

Ŋúnuyi 107:14

Wi n be yirige yébilimi, ní kùúw nyínmɛ ni, níì be yapwɔɔri cɛnɛ.

Ŋúnuyi 2:3

«Wo be nyɔ̀ʔɔdiriyi cɛnɛ, wo be yapwɔɔri sánʔana woyɛɛ na wo wáa léelige.»

Ŋúnuyi 78:58

Pe n syɛɛnfeleyi sáriga-wòlo-tɛ́ɛyɛ kéele tɛ́ʔɛ n wi fúngi tanʔa, níì be ǹdedanyi kéele tɛ́ʔɛ n kayaʔa wáa wi na.

Yirile 19:8

A syɛ́ɛnmi myɛ bìnɛw gi joo níì jo: «Gee Yawe joo lè, wolo a ra gi kpéʔele.» A Mowizi sáà syɛ́ɛnbèle syɛɛnlurugoro joo Yawe ma.

Yirile 24:3

A Mowizi sáà Yawe syɛ́ɛnri bee myɛ joo Isirayɛli syɛ́ɛnbèle ma n fàra wi tundunri myɛ na. A syɛ́ɛnbèle myɛ pínɛ n bɛ̀ɛ nibin na níì gi joo Mowizi ma níì jo: «Syɛ́ɛnree Yawe joo lè, wolo a ti myɛ foro.»

Yirile 3:8

A mii si tìgi n pan ba be yirige Ezyipiti ye kɔ́yi ni, bi be yirige tári bee ni bi kári ní be ní táraa ma, dee di nyɔɔ lè níì kpɔ́ʔɔ. Táraa dii, dee di nyìn nɔ́nɔw, ní sárigi na ni fóo lè. Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye be yaà tári bee ni.

Ezayi 1:21

Hàán! Kèkpɔɔgi ki da pye lè tágala kegi, ki n baa kàri kanɔnʔɔbyecɔɔ̀! Ki maa nyìn kányɛɛgi na, sínni maa tɛ́ɛn gi ni, tɔ́ɔliw si ni, syɛɛnkpoobéle be nyɛ gi ni!

Ezayi 10:27

Cángi bee na wi túgori a láʔa yele fókaannyunyi na, wi zúuw a láʔa yele yátiiyi na. Sǐnmi a zúuw kabi.

Ezayi 14:25

Mii a Asirii ye wów tɔ́nʔɔnɔ mii tári ni, mii a wi tánʔana mii nyanbeleyi na. Wi zúuw a láʔa be na, wi túgori a láʔa be fókaannyunyi na.»

Ezayi 9:4

Sùlasii-taʔalayi myɛ, ní burogboloyi myɛ yi nyíngi ní sìsyaan ní lè, toro myɛ a le naà ni bi di sórigo kwɔ́ɔ.

Zyeremii 13:27

Mii n mɔ kanɔnʔɔbyeri, ní mɔ fúlomi, ní mɔ nanjaari nyaa dǎndamayi ní sìnbirigi ni. Mii n mɔ yanɔnʔɔyi nyaa. Wɔʔɔli a pye mɔ na Zyerusalɛmi, mɔ wee wi lè wi o wi jéemununi fáli kpéʔele í! Làla jòorí mɔ a kwɔ́ɔ gee bee ni?»

Zyeremii 17:2

Kánmi bee na be pìíbèle a ra sɔ̀ngí da taagi pe sáriga-wòlo-yafaanyi, ní be Asyera tiikóriyi na, yi lè tiipiriyi taana, ní dǎndama-tɔ́nɔyi ǹjoyo ni.

Zyeremii 2:31

Ee! Yele ye nyɛ lè lǎli naa syɛ̀ɛnnɛ, ki n yɛlɛ yaa Yawe syɛ́ɛnri córo! A mii da pye lé fìimɛ tára Isirayɛli ma, wàlá yébilimɛ tára? Nyàʔá na mii syɛ́ɛnbèle gi nyuu níì jo: ‹Wolo i nyɛ woyɛɛ ma, wolo o caa bi ní lúru pan mɔ ma í?›

Zyeremii 3:13

Ki n yɛlɛ mɔ í tɛ́nɛ mɔ kolomi cán. Ki cán Yawe mɔ Kolocɔlɔw kánma na mɔ céemi kpéʔele. Mɔ n fàn n kári kàbanyi myɛ na nibɔnbèle kurugo, tiipiriyi myɛ láara ni, yele ga téè mii jóomi lóʔo í.› » Yawe wi jo nya.

Zyeremii 30:8

Cángi bee na mii a wi zúuw kabi bi láʔa mɔ yátiiyi na,› Nyɛ̀ʔɛni Sùlasiibéle Kafɔlɔ Yawe wi jo nya, ‹bi mɔ yapwɔɔri sánʔana, nibɔɔnnɔ a ní mɔ kɔ́ri mɔ í ra báara poro ma í.

Zyeremii 5:5

Koro na mii a kári wogbolobèle ma bi sa joo ní be ní. Níì cán bele bee na, poro n Yawe kólogi cán, ki lè pe Kolocɔlɔw làlwa kèlē.» Kàjáa bele bee maa wɔ́ɔ̀ pínɛ n zúuw kabi, níì yapwɔɔri cɛnɛ.

Ezekyɛli 16:28

Mɔ n miyɛɛ gbéʔele nànjaacɔɔ̀ ní Asirii nǎnbèle ní, níì cán mɔ da tín í, a mɔ miyɛɛ gbéʔele nànjaacɔɔ̀ ní be ní, mɔ ga sèʔê tín í.

Ezekyɛli 16:31

Lǎli ni mɔ ga mɔ kpaapilaa faan lè kologo o kologo tɛɛ̀jeele na, níì mɔ sáriga-wòlo-tɛ́ɛgèle sámaga kadàlayi myɛ na, mɔ o gáā sàra syoo àmɛɛ nànjaacewaa nyɛ lè í.

Ezekyɛli 16:41

Pe a mɔ kpáayi sórigo ní naà ní, pe a kútiiw kèlē kpéʔele foro mɔ na, cenɛʔɛmɛ nyapiigéle í gi nyaa. Mii a mɔ nanjaari kwɔ́ɔ, mɔ a ní da sàra kaangi í.

Ezekyɛli 20:28

Mii n be tórigo tári ma, dee kéele na mii da kɔ́gi yìrigi lè níì kàli níì jo mii a di kaan be ma lè, a pe be nyapiigèle le dǎndama-tɔ́nɔyi myɛ, ní tiitɔnyi myɛ ni. Nɛɛ bee pe be sárigaw wòlo n be sárigaw yakaanya kaan yaà, yee yi da ni mii fúngi taanri lè, n be nùndaanni sáriga wòlo yaà, n be sáriga-yólogow wòlo yaà.

Ezekyɛli 23:5

A Ohola si wiyɛɛ bye nànjaaɔ, bi gi taa wi maa pye mii wóo. Nǎnbèle pe da ni wi caa lè pe láaw maa wári wi na, poro be nyɛ Asirii ye, pe lè wi tɛ́ɛnnyɛnbèle,

Oze sɛ́bɛw 1:2

Syɛ́ɛnri sélimɛ bi bee naa, dee Yawe joo Oze ma a wi joo lè, Yawe n Oze pye: «Da syée mi sa kanɔnʔɔbyecewaa láa mi kanɔnʔɔrɔ piibéle see. Níì cán tári n Yawe yaʔa níì kòro kanɔnʔɔbyeri na!»

Oze sɛ́bɛw 2:5

Kapye koro ban í, mii a wi waragi péw, bi wi pye wi canzeegi cére na. Mii a wi kàriga àmɛɛ fìími tára nyɛ lè, bi wi pye àmɛɛ lɔ̀ʔɔ fun tára nyɛ lè, si lògbaalaagi yaʔa ki wi kpóo.

Oze sɛ́bɛw 3:3

A mii wi pye: «Kòro mii ma mi làla saʔa kwɔ́ɔ, mɔ a ní kɔ́ ra syée nànjaari kurugo í, wàlá bi ní pye nànwaa nikwɔɔ cɔ́ɔ í ànbée mii a wɔ́ɔ pye mɔ kabangi na.»

Oze sɛ́bɛw 4:13

Pe i sárigaw wóo nyanbeleyi ǹjoyo ni, pe i nùndaanni yáriga sórogi dǎndamayi na, ní syɛni tíiyi, ní pupiliye tíiyi, ní terebɛnti tíiyi láara ni, yoro yee nyínmɛ bi tɛ́nɛ lè! Koro na yele calipiigèle keyɛɛ gbéʔele nànjaacabala, á yele pìíbèle càbala si i kanɔnʔɔri kpéʔele.

Oze sɛ́bɛw 9:1

Isirayɛli, mɔ a kɔ́ ra fundaanra kpéʔele bàā muguri àmɛɛ syɛɛnfeleyi nyɛ lè í, níì cán mɔ n mɔ Kolocɔlɔw yaʔa níì miyɛɛ gbéʔele nànjaacɔɔ̀, ki n mɔ dɛ́nɛ bàā sàranɔnʔɔw syoo bilew kàsyɔɔyɔ myɛ na.

Levii ye sáriga-wòlori 26:13

Mii wi nyɛ Yawe yele Kolocɔlɔw, wee wi yele yirige lè Ezyipiti tári ni, koro ga pye yele a ní pye yaà pulobèlē í. Mii n zúuw yapwɔɔrɔ cɛnɛ n láʔa yele na, níì gi yaʔa yele í gbǎn yele nyúnyi yìrige bàā táanri.

Nahumi 1:13

Mii a wi zúuw kabi tɔ́ɔliw ni bi láʔa mɔ na, mii a mɔ yapwɔɔri cɛnɛ bi láʔa mɔ na.»

Làlwaw Kaanziin 12:2

«Syɛɛnfeleyee tára yele a syɔɔ taa lè, tɛ́ɛyee ni yi kpɔ̀ʔɔrɔli kpéʔele lè yi kolocɔlɔbèle ma, nyanbe-nyundɔnɔyi, ní dǎndamayi, ní tiipiriyi myɛ láara ni lè, yele a tɛ́ɛyi bee myɛ kálagi péw.

Làlwaw Kaanziin 15:15

Sɔ̀ngi mi taa gi na mi cán mɔ maa pye puloo Ezyipiti tári ni, a Yawe mɔ Kolocɔlɔw mɔ yirige di ni, koro na mii tundunri naa nyuu mɔ ma níjanʔa.

Làlwaw Kaanziin 26:17

Mɔ n nyɔ́ɔgi fàli Yawe ma níjanʔa níì jo wi a pye mɔ Kolocɔlɔw. Mɔ si n yɛlɛ bàā wi kóloyi táanri, sáā wi làlwaw kajoogéle, ní wi kajoodɛɛngèle, ní wi tundunri kpéʔele, sáā wi jóomi lúro.

Làlwaw Kaanziin 4:20

Yele si na, Yawe n yele cò n yirige tunmɔrɔ fúruw naagbanga ni gi lè Ezyipiti, jàngó yele í pye woro má kɔrigɔ àmɛɛ yele nyɛ lè níjanʔa.

Làlwaw Kaanziin 4:34

A kolocɔlɔwaa caa kɔ́ɔ̀ gi pye lé n wéle bi pan ba syɛɛnfelegaa láa bi yirige kàa ni bi yaʔa wiyɛɛ ma kagbangēle, ní fɛ̀ɛbēle, ní kakpoloyo, ní kapɛɛnnɛ, ní sée kɔ́lɔ, ní kɔ̂zánʔaga, ní fyáakpɔɔrɔ kele báriga ni n yɛlɛ ní gee myɛ ní Yawe yele Kolocɔlɔw kpéʔele yele kéeli na lè Ezyipiti ni yele nyɛ́nɛ na?

Làlwaw Kaanziin 5:27

Mɔ maa nùuní yaà mi sa ra gi lúro gee myɛ Yawe wolo Kolocɔlɔw ga joo lè, mí ba ra gi nyuu wolo ma. Gee myɛ Yawe wolo Kolocɔlɔw ga joo mɔ ma lè, wolo a ra gi lúro sáā gi kpéʔele.›

Zyozuwe 1:16

A be Zyozuwe yari: «Gee myɛ mɔ joo n gbàn wolo ma lè, wolo a gi kpéʔele. Mɔ ga wolo tun tɛ́ɛgee faala ni lè, wolo a kári yaà.

Zyozuwe 24:24

A syɛ́ɛnmi Zyozuwe pye: «Yawe wolo Kolocɔlɔw má wolo a ra báara, sáā wi jóomi lúro.»

Zyozuwe 24:26

A Zyozuwe kérigèle bee sɛ́bɛ Kolocɔlɔɔ làlwaw sɛ́bɛ ni, níì kàdɛnɛgbɔʔɔ láa n yérige yaà syɛni tíigi láara ni gi pye lè Yawe kpɔ̀ʔɔrɔli tɛɛcànga ni.

Tɛ̀ɛnnɛ 17:1

Nyɛ̀ʔɛni tundunbéle kɔrɔsiin pe da yalegèle kɔrɔsiin cò lè, a bele bee wàa pan mii ma n baa joo ní mii ní níì jo: «Nànjaa-cepeew wi tɛ́ɛn lònɛʔɛyi ǹjoʔo ni lè, kánmee na wi kútiiw a ba pye lè, da maa, mii a ba gee bee tɛ̀ɛn mɔ na.

Jàbɔbèle 10:6

Gee gi pee Yawe nyɛ́nɛ na lè, a Isirayɛli ye ní i koro kpéʔele. Pe maa ni Baalibèle ní Asitaritebèle kpɔ̀ʔɔrɔ́, ni Sirii ye kolocɔlɔbèle, ní Siidɔn ye kolocɔlɔbèle kpɔ̀ʔɔrɔ́, n fàra Mowabi ye wóbèle, ní Amɔn ye wóbèle, ní Filisitini ye wóbèle na, níì Yawe yaʔa pe ní o báara wi ma í.

Jàbɔbèle 2:11

Lǎli bee ni a Isirayɛli ye i gi kpéʔele gee gi pee Yawe nyɛ́nɛ na lè, ní i Baalibèle kpɔ̀ʔɔrɔ́.

Jàbɔbèle 2:13

Pe n Yawe yaʔa ní i Baali ní Asitaritebèle kpɔ̀ʔɔrɔ́.

1 Samyɛli 12:10

A be i yákpogèle wáa Yawe kurugo níì jo: ‹Wolo n kapeele pye, níì cán wolo n Yawe yaʔa ní i báara Baalibèle, ní Asitaritebèle ma. Tɔ́ɔliw ni wolo yirige wolo nigoobèle kɔ́yɔ ni, wolo a ra báara mɔ ma.›