Zyeremii 2:18 - Cebaara Bible 2010

¹⁸ Tɔ́ɔliw ni nyàʔá mɔ kpéʔele Ezyipiti kólogi na, bi kári sa Niili cábigi lògaa gbaa lé? Nyàʔá mɔ kpéʔele Asirii kólogi na, bi kári sa cábigi lògaa gbaa lé?

Zyeremii 2:18 Iomraidhean Croise

2 Cányi kèlē 28:16

Lǎli bee ni a fànʔafɔw Akazi tun Asirii fànʔafɔbèle ma pe ba woro dɛ̀ɛmɛ.

Ezayi 23:3

Yaliire maa ni maa lòkpoloyi ni, ti lè Niili wóri, cábigi yaliilaara di pye be tɔ̀nɔw tɛɛtaala. Koro gi pye syɛɛnfeleyi jàgiwáa-tɛ́ʔɛ.

Ezayi 31:1

Wɔʔɔli a pye bele na be tíri Ezyipiti ma n sa ni dɛ̀ɛmɛnɛ caa lè, poro bele be peyɛɛ zígi syɔ́ɔnyi na lè, níì peyɛɛ daʔa kapɛɛnkpumɔn-wòtorobèle na pe nɛʔɛni báriga ni lè, ní wɔ́ɔ̀ peyɛɛ daʔa syɔ́ɔnyi fɔ̀ɔlɔ na, níì cán be fǎngi n nɛʔɛ, kàjáa pe o wéle Isirayɛli Wojanw ma í, pe ga lúru ni Yawe caa í,

Ezayi 7:20

Cángi bee na Yawe a ǹjoori, ní tɔ́lɔyi síire kùnu bi fàra bàʔajɔɔw na, ní sàra-na-nyungunuŋɔnɔ ní, lee li a yìri cábigi jelige na lè. Asirii fànʔafɔw wi a pye.

Zyeremii 2:36

Nyàʔá na mɔ fúngi wári nya bi mɔ kólogi fàli? Fɛ̀ɛrɛ si a wɔ́ɔ mɔ taa Ezyipiti kéeli na, àmɛɛ fɛ̀ɛrɛ mɔ taa lè Asirii kéeli na.

Zyeremii 31:22

Làlìí ni mɔ a láʔa nya curugo-mí-màʔaw na, calipii-niceele? Níì cán Yawe i yafɔngɔ kpéʔele tári na. Céw n lúru ni nǎnw caa!»

Kayaagi Nyɛnigɛ 4:17

Wolo nyapiigèle fànʔa maa ní ni kwóo ni syée gbanzan àmɛɛ wolo da ni dɛ̀ɛmɛni sige lè, wolo maa ni syɛɛnfelege sige, ni gi sige, gee gi lè ki ga wolo syɔɔ í.

Kayaagi Nyɛnigɛ 5:6

Wolo n kɔ́yi sánʔa n wáa Ezyipiti ma, ní Asirii ma, jàngó bi tín lìíli na.

Ezekyɛli 16:28

Mɔ n miyɛɛ gbéʔele nànjaacɔɔ̀ ní Asirii nǎnbèle ní, níì cán mɔ da tín í, a mɔ miyɛɛ gbéʔele nànjaacɔɔ̀ ní be ní, mɔ ga sèʔê tín í.

Ezekyɛli 17:15

Kàjáa a wi wi cée, níì tundunbéle tun Ezyipiti ma, jàngó wi syɔɔnyɔ ní sùlasiinɛʔɛmɛ kaan woro ma. Wee wi koro pye lè, a wi a báriga lé, a wi a syɔɔ lé? Wi n joogaanni kálagi, si gbǎn syɔɔ lé?

Ezekyɛli 23:30

Pe a mɔ cò kánmi bee na àmɛɛ mɔ miyɛɛ gbéʔele lè nànjaaɔ ní syɛɛnfeleyi ní, ní àmɛɛ mɔ miyɛɛ nɔ́nʔɔ lè ní yi yasunyi ní.

Oze sɛ́bɛw 5:13

«Efirayimi nyɛ́nɛ i nyɛ wi yáami na, a Zyuda nyɛ́nɛ i nyɛ wi námigi na. Efirayimi n kári Asirii ma, níì tundunbéle tun fànʔafɔgbɔɔw ma. Kàjáa fànʔafɔw bee a gbǎn yele pɔʔɔ í, wàlá bi tiinmɛ kpéʔele yele námigi na í.

Oze sɛ́bɛw 7:11

Efirayimi ye i nyɛ àmɛɛ nidolimɔ ní sícilimɛ fun kàtolo nyɛ lè. Pe n Ezyipiti yeri, pe i syée Asirii ma.

Zyozuwe 13:3

nlaa Syihɔri lógi na gi fóo ni sɔ̀lɔ́ lè Ezyipiti yɛ́ʔɛ ma fwɔɔ n sáà nan Ekurɔn láʔagologi na solomɔkulo kàbangi na. Tári bee di córo Kanaan ye wóri, gee bee n jo dee Filisitini ye fànʔafɔbèle kagunɔ da ni kàragí lè pe lè Gaza wów, ní Asidɔdi wów, ní Asikalɔn wów, ní Gati wów, ní Ekurɔn wów n fàra Avii ye na.