Zyeremii 2:13 - Cebaara Bible 2010

¹³ «Níì cán kapeeye siin mii syɛ́ɛnbèle kpéʔele. Pe n mii yaʔa, mii wee wi lè sìíw lɔ́ʔɔ pùnweele, ní sa ni lɔ̀ʔɔ wéeyaa túru peyɛɛ ma, lɔ̀ʔɔ wéeyaa, yee yi páʔala páʔala lè, yee yi lè lɔ̀ʔɔ a gbǎn kòro yi ni í.

Zyeremii 2:13 Iomraidhean Croise

2 Fànʔafɔbèle 22:17

Níì cán pe n mii yaʔa ní i nùndaanni yárira sórogi kolocɔlɔbèle pèle nikwɔɔlɔ ma bi mii fúngi tanʔa gbanʔama ní be kɔ́yi kapyegèlē myɛ ní. Mii fundanʔagbɔɔri n cò naà tɛ́ɛgi naa kánma na, ti a fígi í.

Ŋúnuyi 36:9

Mɔ kpáagi fúngo yacanra i be tíngi, mɔ si i be kaangi pe i gbo mɔ kanidaangèle lòcoologo na.

Syɛɛnjóow 1:14

Mii n fáliw myɛ nyaa, wee wi kpéʔele lè tári na. Wéle, gee bee myɛ i nyɛ gbanzan, ní bi taʔa káfalaga na da nɛnɛ.

Syɛɛnjóow 1:2

Yáriri myɛ i nyɛ gbanzan, ti i nyɛ gbanzan, kacánw wi jo nya, yáriri myɛ i nyɛ gbanzan, ti i nyɛ gbanzan ní kanyɔɔnɔ fun.

Syɛɛnjóow 12:8

Ki myɛ i nyɛ gbanzan ní i nyɛ kanyɔɔnɔ fun, Syɛɛnjóow wi jo nya. Ki myɛ i nyɛ gbanzan.

Syɛɛnjóow 2:11

A mii sɔ̀ngi mii kɔ́yi falikpeʔeleo myɛ kéele na, ní fɔ̀rɔgee mii da taa jàngó bi wi foro lè. Wéle, gee bee myɛ maa pye gbanzan, ní bi taʔa káfalaga na da nɛnɛ, tɔ̀nɔ o nyɛ gi ni tári na í.

Syɛɛnjóow 2:21

Ncan syɔɔnwaa i yaà wi n fáliw kpéʔele ní sícilimɛ, ní cánna, ní fàndaara ní, wi lɛɛli n si baa kaan wee ma wi lè wi ga fali pye í. Koro ní i nyɛ gbanzan, ní kapeekpɔʔɔ.

Syɛɛnjóow 2:26

Syɔ́ɔnwee kéele li Kolocɔlɔɔ dɛ́nɛ lè, wi n sícilimi, ní cánni, ní fundaanri kaan wee bee ma. Kàjáa wi n gi yaʔa kapeebyew í da yáriri kpóʔoro bàā kɔngi, koro ga pye ti ba kaan wee ma wi nyɔɔ Kolocɔlɔɔ nyɛ́nɛ na lè. Koro wɔ́ɔ i nyɛ gbanzan, ní bi taʔa káfalaga na da nɛnɛ.

Syɛɛnjóow 4:4

Mii n gi nyaa ncan faligbanw myɛ, ní falinyɔɔgwɔɔw myɛ i nyɛ syɔɔn nyabɛɛnni wi syɛɛnnyɛnw kánma na. Koro wɔ́ɔ i nyɛ gbanzan, ní bi taʔa Káfalaga na da nɛnɛ.

Ezayi 1:3

Nɔ̀ɔ n wi kàfɔw cán, a jòfani wi kàfɔw cán, wee wi wi kaangi wi i líi lè, kàjáa Isirayɛli ga yafyɛn cán í, mii syɛ́ɛnbèle ga yarigaa cán í.»

Ezayi 1:4

Wɔʔɔlɔ i nyɛ kapeebye-syɛɛnfelegi na, syɛ́ɛnbèle bele na poro bele na kolomi kèlē túgoro nyɛ lè, kaŋágabye-syɛɛnfelege, pìikálagiya! Pe n Yawe yaʔa, pe n Isirayɛli Wojanw faʔa, pe n lúru wi kurugo.

Ezayi 12:3

Yele fundaanratɔw a ra lǒgi kóori syɔɔli pùnweegéle ni.

Ezayi 5:13

Koro na mii syɛ́ɛnbèle a cò bi kári pe kanaa-sìnjánmi kéele na, kateegi a ra be mɛ́ɛyi fɔ̀ɔlɔ kúu, lògbaalaagi sáā be syɛɛnnɛʔɛmi káagi.

Ezayi 55:2

Gee gi lè ki o nyɛ lìile í, nyàʔá na yele wáliw nii gee bee ni? Gee gi lè ki a syɔɔn tín í, nyàʔá na yele wɔʔɔ gi kéeli na? Koro na ye líiyi cáan ye lóʔo mii ma yáā gi líi gee gi nyɔɔ lè. Yele a ra yele nyɛ́nɛ yaliitaanri fundaanra pingi.

Ezayi 63:8

Wi maa jo: «Kányɛʔɛ na, pe i nyɛ mii syɛ̀ɛnnɛ, pe i nyɛ jaafɔɔlɔ, bele be lè pe o syɔɔn jànváa í!» Wi maa pye be ma syɔɔfɔlɔ.

Zyeremii 1:16

Mii a mii kútiiw kúun be na pe péemi myɛ kéele na níì cán pe n mii yaʔa ní sa ni nùndaanni yáriga sórogi kolocɔlɔbèle pèle nikwɔɔlɔ ma, ní i tuun ni kpùmɔnɔ́ be kɔ́yi fáli yɛ́ʔɛ ma.

Zyeremii 14:3

Séew fɔ̀ɔlɔ i wobiigèle tórogi pe sa lɔ̀ʔɔ caa, a bele bee i syée lǒgi wéeye ma, pe si o lɔ̀ʔɔ taagi í, a pe i lúrugu ni maa ní be kasǎngèle ní wowaagéle ní. Amɛɛ be curugo lè ní i nyɛ fɛ̀ɛrɛ wòolo ní, a pe i be nyúnyi tɔ́ngi.

Zyeremii 15:6

Mɔ n mii yaʔa, Yawe wi jo nya, mɔ n lúru kàdoʔo ma, kàjáa mii n mii kɔ́gi sánʔa n taʔa mɔ na bi mɔ kálagi, mii n kɔ́ɔ̀ fɔ̀rɔ nya ní mɔ ní.

Zyeremii 17:13

Yawe, mɔ wi nyɛ Isirayɛli sɔ̀ngumi tɛɛtaʔaga! Bele myɛ pe mɔ yaʔa lè fɛ̀ɛrɛ a ba be taa, bele be láʔa mii na lè, pe mɛ́ɛyi a ba sɛ́bɛ támiigi ni, níì cán pe n be sìíw púloweele cée, li lè Yawe.

Zyeremii 18:14

A Liban lànɛɛzyiw i kwóo lé sìnbirigi fálaga na? Lònyíngi gi yìrigí yaà lè léelige ni fóo ni tíri, a ki i kwóo lé?

Zyeremii 19:4

Níì cán pe n mii yaʔa, pe n tɛ́ɛgi naa kàriga tɛɛgaa gee ni syɔɔn pùuní lè. Pe i nùndaanni yáriga kaangi kolocɔlɔbèle pèle nikwɔɔlɔ ma gi ni, bele be lè pe tiimaw, ní be toolɛɛbèle, ní Zyuda fànʔafɔbèle da be cán í. Pe n tɛɛlɛ fun syɛ́ɛnbèle sìsyaan tɛ́ʔɛ n tɛ́ɛgi naa nyìn.

Zyeremii 2:11

A syɛɛnfelegaa i gi kolocɔlɔbèlē fɛ̀ɛ́ lé, àlí n gi yaʔa pe o nyɛ kolocɔlɔ-tèlebēle í? A mii syɛ́ɛnbèle si be nìjanri fàli fànʔa fun yáriga na.

Zyeremii 2:17

Gee bee o kpéʔele mɔ na àmɛɛ mɔ Yawe mɔ Kolocɔlɔw yaʔa lè lǎli tiimaa ni, lee ni wi da kíni mɔ yɛ́ɛgi na kólogi ni lè ì?

Zyeremii 2:26

Amɛɛ fɛ̀ɛrɛ kàyuuo taagi lǎli ni pe ga wi taa n cò lè, kánmi bee na fɛ̀ɛrɛ bele taa be nyɛ lè Isirayɛli kpáagi wòolo, poro ní be fànʔafɔbèle, ní be syɛɛnkpolobèle, ní be sáriga-wòlobèle, ní be kanyaajoobèle.

Zyeremii 4:22

«Kányɛʔɛ na mii syɛ́ɛnbèle n dóli, pe ga mii cán í. Jaafɔ-labalaya yii, pe n fɔ̀n cánna ni. Kapeʔe pyele sícilimɛ yagana bi nyɛ be ma, kàjáa pe ga kacànna pyeganma cán í.»

Zyeremii 5:26

Níì cán syɛɛnpeebéle i nyɛ mii syɛ́ɛnbèle ni. Pe n làra ni sige àmɛɛ parà levɔlɔ nyɛ lè. Pe i karinyanya nii ni nǎnbèle có.

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Ezekyɛli 14:5

Kánmi bee na Isirayɛli kpáagi wòolo be léeli mii na lè be yasunyi myɛ kéele na, pe a cò be tiimaa fúnyi ni.›

Ezekyɛli 47:1

A wi kári ní mii ní kpáagi tɛɛ̀jeele ma. Wéle, lɔ̀ʔɔ maa ni púlo ni yirigi kpáagi tɛɛ̀jeele láara ni canʔafolomɔ ma, níì cán kpáagi yɛ́ʔɛ maa wáa canʔafolomɔ ma. Lǒgi maa ni tíri táàma kpáagi kàliige kabangi na, sáriga-wòlo-yafaangi wòrogulo ma.

Misye 2:8

Nlaa yaà làridɔɔnnɔ ni, pe n yére nigooro na n mii syɛ́ɛnbèle sige, bele be yìri kapɛɛnni ma n lúru ni sɔ̀lɔ́ yɛɛ̀nyinge na lè, yele i burogboloyi wóo be na ni láari yaleree na.

Misye 6:3

«Mii syɛ́ɛnbèle, nyàʔá mii pye yele na? Nyàʔá ní mii yele fɔ̀rɔ? Ye syɛɛnlurugori kaan mii ma!

Zakarii 13:1

Cángi bee na púloweele a múgu Davidi kpáagi wòolo, ní Zyerusalɛmi ye ma, kapeeli ní nɔ́nʔɔri jéemununɔ kéele na.

Zyan 4:10

A Zyezu wi yari: «Kapye mɔ maa Kolocɔlɔɔ yakaangi cán, ní wee ní wi mɔ pye lè: Lɔ̀ʔɔ kaan mii ma mii í gbaa, mɔ mǎà dée wɔ́ɔ wi nyɛ́ɛri lògaa na, gee gi nyɛ lè sìíw wóʔo, wi mǎà dée gi kaan mɔ ma.»

Zyan 4:11

A céw wi pye: «Kàfɔw, kɔ̀lɔ́w naa wi cùru lè nya, kɔ̀lɔ́jɛnnɛ si o nyɛ mɔ ma í, sán mɔ a sìi lǒgi bee taa?

Zyan 4:14

Kàjáa syɔ́ɔnwee faala wi ga mii lòkaangi gbaa lè, lògbaʔa a ní wee bee jáa bi nyaa í, lǒgee mii a kaan wi ma lè, koro a pye wi fúngi ni púloweele bàā púlo sáā fóo bi taa sa nan sìibangwɔɔw na.»

Zyan 7:37

A sériw canzanga ga baa nan, koro gee gi pye lè sériw cângbɔʔɔ, a Zyezu yìri n yére níì yákpoli wáa níì jo: «Lògbaʔa ga wàa jáa, waa maa naa mii ma wi ba gbaa.

Làlwaw Kaanziin 31:16

A Yawe Mowizi pye: «Wéle, mɔ wi a kùu wee, táree ni syɛ́ɛnbèle naa a jée lè, pe a yìri bàā kanɔnʔɔri kpéʔele ní kolocɔlɔ-nibɔnbèle ní. Pe a mii cée si wɔ́ɔ mii joogaanni kálagi, lee mii kpéʔele ní be ní lè.

2 Pyɛri 2:17

Nǎnbèle bee i nyɛ àmɛɛ lɔ̀ʔɔ fun pùnweegéle nyɛ lè, ní wɔ́ɔ i nyɛ àmɛɛ fàfaanya nyɛ yee káfalakpɔʔɔ ŋɔrɔgi ni syée lè. Yébiliwɔɔlɔ si i yaà wogɔnnɔ ní be kánmi na.

Tɛ̀ɛnnɛ 21:6

A wi níì mii pye: «Ki n kpéʔele! Mii wi nyɛ Alifa ní Omega, gi Sélimi ní gi Kwɔ́ɔmi. Lògbaʔa ga wee jáa lè, mii a wi kaan wi gbaa sìíw lɔ́ʔɔ pùnweele ni kawaʔa na.

Tɛ̀ɛnnɛ 22:1

A nyɛ̀ʔɛni tunduɔn fala n sìíw lɔ́ʔɔ cábiga tɛ̀ɛn mii na, ki maa ni nyɛ́ʔɛnɛ àmɛɛ kirisitali nyɛ lè, ní i yirigi Kolocɔlɔɔ ní Bàpili fàngolo ni,

Tɛ̀ɛnnɛ 22:17

Pìicǎnni ní cefɔnw i gi nyuu níì jo: «Da maa!» Bele be di lúro lè, ki n yɛlɛ paa gi nyuu si jo: «Da maa!» Lògbaʔa ga wee jáa lè, ki n yɛlɛ waa maa. Wee wi ga ni sìíw lɔ́ʔɔ caa lè, wi a gi taa kawaʔa na!

Jàbɔbèle 10:13

Kàjáa yele n baa mii yaʔa ní i báara kolocɔlɔbèle pèle nikwɔɔlɔ ma. Koro na mii a ní yele syɔɔ í.

1 Samyɛli 12:10

A be i yákpogèle wáa Yawe kurugo níì jo: ‹Wolo n kapeele pye, níì cán wolo n Yawe yaʔa ní i báara Baalibèle, ní Asitaritebèle ma. Tɔ́ɔliw ni wolo yirige wolo nigoobèle kɔ́yɔ ni, wolo a ra báara mɔ ma.›