Zyeremii 2:11 - Cebaara Bible 2010

¹¹ A syɛɛnfelegaa i gi kolocɔlɔbèlē fɛ̀ɛ́ lé, àlí n gi yaʔa pe o nyɛ kolocɔlɔ-tèlebēle í? A mii syɛ́ɛnbèle si be nìjanri fàli fànʔa fun yáriga na.

Zyeremii 2:11 Iomraidhean Croise

1 Fànʔafɔbèle 11:33

Koro a kpéʔele àmɛɛ pe mii yaʔa lè ní i tíri ni tuun Asitarite yɛ́ʔɛ ma ki lè Siidɔn ye yasungi, ní Kemɔsyi yɛ́ʔɛ ma ki lè Mowabi kolocɔlɔw ní Milikɔmi yɛ́ʔɛ ma, ki lè Amɔn ye kolocɔlɔw, ní àmɛɛ gi nyɛ lè pe ga tánʔa n yɛlɛ ní mii kólogi kèlē ní í jàngó bàā gi kpéʔele gee gi sín mii yɛ́ʔɛ ma lè í, níì mii làlwaw kèlē ní mii kajoodɛɛngèle cò n yɛlɛ ní gi ní àmɛɛ Salomɔn tóow Davidi da ni gi kpéʔele lè í.

2 Fànʔafɔbèle 1:3

Kàjáa a Yawe nyɛ̀ʔɛni tunduɔn Tisyibe ye Elii pye: «Yiri maa syée mi sa Samarii fànʔafɔw tundunbéle fàra mí be pye: ‹A gee bee joo lé Kolocɔlɔɔ o nyɛ Isirayɛli ni í, á yele i syée sa Baali-Zebubi yíbe wi lè Ekurɔn kěgi kolocɔlɔɔ?›

2 Cányi kèlē 13:9

Yele ga Yawe sáriga-wòlobèle nɛnɛ ì, pe lè Aarɔn jáabèle, ní Levii ye ní ì, yele ga sáriga-wòlobèle pèle télege yeyɛɛ ma àmɛɛ tátɛɛyee syɛɛnfeleye gi kpéʔele lè ì? Syɔɔn o syɔɔn wi ga tɛ́nɛ̀ pan ní náapebile, ní bàpɔɔlɔ kɔrɔsiin ní lè jàngó be woro lége, wi n fala n pye sáriga-wòlowaa gee má ki lè ki o nyɛ Kolocɔlɔɔ í.

Ŋúnuyi 106:20

Pe n be nìjanri fàli nɔ̀ɔ niwirige na, wee wi nyàági káa lè.

Ŋúnuyi 115:4

Pe yasunyi i nyɛ wálifiio ní tɛɛ̀, syɔɔn ye kɔ́yi fáli wii.

Ŋúnuyi 3:3

Syɛ̀ɛnnɛ saʔa i gi nyuu mii kéeli na níì jo: «Kanmaa faala o yaà Kolocɔlɔɔ í wi syɔɔ í!» Ŋɔ́ndaala

Ezayi 37:19

níì yi kolocɔlɔbèle wáa náagi ni, níì cán kolocɔlɔbèlē ban be pye í, syɔɔn kɔ́lɔ yasamagaya yi pye, tiige, ní kàdɛnɛgɛ yáriya yi pye, koro na pe yi kálagi n kwɔ́ɔ.

Zyeremii 16:20

A syɔɔn a gbǎn kolocɔlɔbèlē sámaga lé wiyɛɛ ma bi gi taa pe o nyɛ kolocɔlɔbèlē í?»

Zyeremii 18:13

Koro na Yawe syɛ́ɛnri naa joo níì jo: «Ye yíbege kpéʔele syɛɛnfeleyi nínge ni! Wìí wi kɔ́ɔ̀ gi felege lóʔo? Nàngeele sinján Isirayɛli n tɔ̀nɔ n kapeekpɔʔɔ kpéʔele.

Zyeremii 2:5

Yawe wi syɛ́ɛnri naa joo níì jo: «Sìnzinmìí félege yele tóobèle nyaa mii na, a koro be kaan a be léeli mii na, ní sáà peyɛɛ bwɔɔ gbanzan yáriyi na, a poro tiimaw baa pye gbanzan yáriya?

Zyeremii 2:8

Sáriga-wòlobèle ga gi joo níì jo: ‹Sán Yawe nyɛ í?› Làlwaw kɔ́rɔjoofɔɔlɔ ga mii cán í. Bànaʔabèle n mii cée. Kanyaajoobèle i kérigèle nyaagi ni nyuu Baali mɛ́ɛgi na. Pe n peyɛɛ daʔa fànʔa fun yáriya na.

Zyeremii 5:7

«Mɛ̀ɛ́ mii a mɔ kusulugi syɔɔ bi sɛ́ɛ? Mɔ piibèle n mii yaʔa, ní i kɛ̀ɛ́ yariyaa na, yee yi lè yi o nyɛ Kolocɔlɔɔ í. Mii maa be tín yáriri na, pe si i kanɔnʔɔri kpéʔele. Pe i kpóʔoro saʔa nànjaacew kpaʔa ni.

Ezekyɛli 14:5

Kánmi bee na Isirayɛli kpáagi wòolo be léeli mii na lè be yasunyi myɛ kéele na, pe a cò be tiimaa fúnyi ni.›

Ezekyɛli 5:7

Gee bee na Kàfɔw Yawe jo: ‹Ncan yele n yeyɛɛ bye niceebéle n sɔ̀lɔ syɛɛnfeleyi na yi yele màʔa lè, yele ga tánʔa n yɛlɛ ní mii làlwaw kèlē ní í, wàlá n mii làlwaw kajoogéle foro í, yele si ga wɔ́ɔ̀ gi kpéʔele n yɛlɛ ní syɛɛnfeleyi kalɛɛgéle ní yi yele màʔa lè í.›

Misye 4:5

N syɛɛnfeleyi myɛ yaʔa yi i táanri yi kolocɔlɔbèle mɛ́ɛyɛ na, wolo na, wolo i táanri Yawe wolo Kolocɔlɔw mɛ́ʔɛ na làla o làla kwɔ́ɔmɔ fun.

Wɔrɔmi ye 1:23

Nìjangbɔɔri di nyɛ lè bànguu Kolocɔlɔw ma, pe ga fɔ̀lɔ ni dee bee córo í, ní i syɛ́ɛnbèle kɔ́yɔ yasamagara kpɔ̀ʔɔrɔ́ ti sìndɛɛgi ni, yasamagari bee i nyɛ syɔɔn niwirige wi lè yakuugo, ní féjɛɛnri, ní tɔlɔyɔ sicɛrɛ-jɛrɛ yaweeri niwiriye n fàra dee na di fulolo lè.

1 Korɛnti ye 8:4

Gee mii a joo lè káari káala kéele na, dee be kúu yasunyi na lè koro gi nyɛ wolo n gi cán yasungo o nyɛ yafyɛn dulunyanw ni í, kolocɔlɔwaa nikwɔɔ ní o beè Kolocɔlɔw nibin kàdoʔo ma í.

Galasi ye 4:8

Kàjáa lǎli ni yele da pye lè Kolocɔlɔɔ sìnján ni, yele maa pye kolocɔlɔbèle pèle púloro ni, be lè pe o nyɛ kolocɔlɔbèlē í.

Làlwaw Kaanziin 32:16

Pe i kolocɔlɔ-nibɔnbèle téeri ni yejaʔa yìrigí wi ma. Pe i wi fúngi taanri gbanʔama ní yanɔnʔɔri kpéʔelele ní.

Làlwaw Kaanziin 32:21

Yárigee gi lè ki o nyɛ Kolocɔlɔɔ í, pe n gee bee kéele tɛ́ʔɛ n yejaʔa yìrige mii ma. Pe n mii fúngi tanʔa gbanʔama ní be gbanzan yasunyi ní. Mii si na, mii a gbanzan syɛɛnfelegaa kéele tɛ́ʔɛ bi nyabɛɛnnɛ wáa be na. Mii a syɛɛnfele-nilabalaga kéele tɛ́ʔɛ bi be fúnyi tanʔa gbanʔama.

Làlwaw Kaanziin 33:29

Isirayɛli, mɔ i nyɛ dùba pyà. Wìí wi nyɛ mɔ félege? Mɔ i nyɛ syɛɛnfelegaa, gee Yawe syɔɔ lè. Wi i nyɛ mɔ dɛɛmɛni tunmɔzige-yariga, ní mɔ kpɔ́ɔmi ŋɔsée. Mɔ nigoobèle fànʔa a kwɔ́ɔ mɔ yɛ́ʔɛ ma, mɔ si be kpɔ́ɔmi tɛ́ɛyɛ tánʔana.»

1 Pyɛri 1:18

Níì cán yele n gi cán àmɛɛ wi yele syɔɔ lè yele gbanzan tánʔaganmi ma, bee yele taa lè yele tóolɛɛbèle ma, wi ga yele syɔɔ ní yakwɔɔrɔ ní í, àmɛɛ wálifiiw ní tɛ́ɛw nyɛ lè.

1 Samyɛli 4:21

A wi i pìíw yiri Ikabɔdi. Wi n jo: «Nìjanri n láʔa Isirayɛli na.» Wi n dee bee joo Kolocɔlɔɔ kásuw láala kéele, ní wi nǎnw tóo kùu kéele, ní wi nǎnw kùu kéele na.