Zyeremii 19:9 - Cebaara Bible 2010

⁹ Mii a be yaʔa paa be nànbiigèle cére ní be calipiigèle cére káa, pe myɛ nibin nibin a ra be syɛɛnnyɛnbèle cére káa, lǎli ni pe nigoobèle ga be sùlu n le lè a pe i wɔʔɔ, ní bele pe a ra be sìikwɔɔri caa lè.›

Zyeremii 19:9 Iomraidhean Croise

2 Fànʔafɔbèle 25:3

Yégi canya kpanjɛrɛ wóʔo na àmɛɛ kateegi tɔ̀nɔ n gbàn kěgi ni lè, yaliire si da níì pye yaà tári syɛ̀ɛnnɛ ma í,

Ezayi 9:20

Manase i nyɛ Efirayimi kánmi na, a Efirayimi i nyɛ Manase kánmi na, a pe myɛ siinw pínɛ ni tuun Zyuda na. Alí koro ní gi myɛ ní, wi fundanʔari ga láʔa í, wi kɔ́gi sèʔé i nyɛ wozánʔaga ní.

Zyeremii 13:14

Mii a be kpúmɔn tɔ́nʔɔnɔ peyɛɛ na, tofɔbèle, ní pìíbèle, pínɛmɛ, Yawe wi jo nya. Mii a tée wàa yaʔa í, mii a pye nyinimɛ fun, mii a tée nyinimɛ taa be na í. Yafyɛn a mii yérige be kálagili na í.› »

Zyeremii 38:9

«Ee fànʔafɔw, ni kàfɔlɔ, nǎnbèle naa n kapeʔe pye, àmɛɛ be kanyaajoow Zyeremii kpéʔele kánmi naa na lè, ncan pe n wi wáa lǒgi wéʔe ni. Kateegi a tɔ̀nɔ́ wi kpóo làrinijanna ni, níì cán lìile ní o nyɛ kěgi ni í.»

Kayaagi Nyɛnigɛ 2:20

Ki nyaa, Yawe, ki wéle, wee mɔ cò kánmi bee félege na lè! A ki da yɛlɛ lé cébèle í da gi káa, gee gi yiri be láayi ni lè, pìipiigèle gele kéele li da be sámaga n dɛ́nɛ lè? A ki da yɛlɛ lé pe sáriga-wòlobèle ní kanyaajoobèle kpóo Kàfɔw tɛɛcànga ni?

Kayaagi Nyɛnigɛ 4:10

Cébèle bee nyínimɛ pi da nɛʔɛ lè, pe kɔ́yi yi be pìíbèle sɔʔɔ. Pe n pye be ma lìile mii syɛ́ɛnbèle cálipile làrigalagila ni.

Ezekyɛli 5:10

Koro na tofɔɔlɔ a ba ra be pìibēle káa mɔ níngi ni, pìibēle í wɔ́ɔ ra be tòōlo káa. Mii a mii kútiiw kèlē kpéʔele foro mɔ na, bele myɛ pe ga kòro mɔ ma lè, mii a be cariga káfalagi kàbanya myɛ na.› »

Levii ye sáriga-wòlori 26:29

Yele a ra yele tiimaa pìiseebèle káara káa, pe lè nǎnbèle ní cébèle.