Zyeremii 19:8 - Cebaara Bible 2010

⁸ Mii a kěgi naa pye funwɔɔrɔ yáriga, ní kataanra yáriga, bele myɛ pe ga ni sɔ̀lɔ́ gi taana lè, ki a be fúnyi wɔ́ɔ, pe a ra gi tɛ́ʔɛ ki wɔʔɔyi myɛ kéele na.

Zyeremii 19:8 Iomraidhean Croise

1 Fànʔafɔbèle 9:8

Kpáagi naa gi sámaga n pye lè gee ǹjoʔo ma, bele pe a ba ra sɔ̀lɔ́ gi taana lè, pe a ra káama sáā féfeegèle wíi, sáā gi nyuu si jo: ‹Nyàʔá na Yawe gee naa kpéʔele tári naa, ní kpáagi naa na?›

Zyeremii 18:16

Pe n be tári pye funwɔɔrɔ yáriga ní kataanra yáriga, a gi kòro nya làla o làla. Bele myɛ be sɔ̀lɔ́ yaà lè, ki n be nyínima, a pe i nyǔnyi kólo.

Zyeremii 25:18

bi séli Zyerusalɛmi, ní Zyuda kěyi, ní wi fànʔafɔbèle, ní wi syɛɛnkpolobèle na bi gi kpéʔele tɛɛ̀kalagiga, ní funwɔɔrɔ yáriga, ní kataanra yáriga, ní dánga yáriga, àmɛɛ gi nyɛ lè níjanʔa,

Zyeremii 49:13

Níì cán mii n kàli niyɛɛ tiimaa na,» Yawe wi jo nya, «níì jo Bosira a pye tɛɛ̀kalagiga, ní kataanra yáriga, ní kataʔa, ní dánga yáriga, wi kěyi myɛ si pye gurubɛɛrɛ bi kòro nya kwɔ́ɔmɔ fun.»

Zyeremii 50:13

Yawe fúngi yìrile báriga ni, syɛ̀ɛnnɛ a ní tɛ́ɛn di ni í, ti myɛ bìnɛw a pye tɛɛ̀kalagiga. Syɔ́ɔnwee faala wi ga ni sɔ̀lɔ́ Babilɔni taana lè, ki a pye wi ma funwɔɔrɔ, wáā féfeeli wíi wi kálagili kèlē myɛ kéele na.

Ezekyɛli 27:36

Syɛɛnfeleyi jàgiwáabéle i féfeegèle wíi mɔ kéeli na. Níì cán mɔ n pye fyáara yáriga, mɔ a ní tée pye yafyɛn í!› »

Levii ye sáriga-wòlori 26:32

Mii tiimaa wi a yele tári kálagi. Yele nigoobèle pe a ba tɛ́ɛn di ni lè, ki a be fúnyi wɔ́ɔ.

Misye 6:16

Pe i Omirii làlwaw kèlē có ni gi kpéʔele n yɛlɛ ní Akabi kpáagi wòolo kapyegèlē myɛ ní, yele i táanri ni yɛlɛgi ní be láliiw ní. Koro na mii a mɔ kaan kálagili ma, mii a mɔ syɛ́ɛnbèle pye kataanra yárigéle, yele a mii syɛ́ɛnbèle faʔara tugo.

Sofonii 2:15

Fundaanri kàʔa si gi gee, koro gee ki da tɛ́ɛn lè sági yɛɛ̀nyinge na ní i gi nyuu kiyɛɛ fúngi ni níì jo: «Mii tɔ̀nɔ́gēle, yafyɛn ní o beè mii kàdoʔo ma í!» Acaa! Ki si n baa pye gee tɛɛ̀kalagiga, ki n pye yaweeri tɛɛkòrogo! Bele myɛ be sɔ̀lɔ́ gi taana lè, pe i féfeegèle wíi ní i kɔ́yi yìrigí.

Làlwaw Kaanziin 28:37

Syɛɛnfeleyee myɛ má Yawe a mɔ tórigo lè, mɔ a sa pye bìngaara yáriga, ní kàseele yáriga, ní yafaʔala yi ma.

Làlwaw Kaanziin 29:22

Pe a gi nyaa tári myɛ i nyɛ dìrigí, ní solomɔ, ní naà tɛ́ʔɛ, lùguro ní yasanra a pye yaà í, nyàā faala a ní da fíin yaà í. Ti a pye àmɛɛ Sodɔmi, ní Gomɔri, ní Adima, ní Seboyimi kěyi pye lè, yee Yawe da kálagi lè wi fundanʔari, ní wi fundanʔagbɔɔri báriga ni.