Biblia Todo Logo
Bìoball air-loidhne

- Sanasan -




Zyeremii 19:7 - Cebaara Bible 2010

7 Tɛ́ɛgi bee ni mii a Zyuda ye ní Zyerusalɛmi ye katimanani kálagi. Mii a gi yaʔa ŋɔséew í be kpóo cáan pe nigoobèle yɛ́ʔɛ ma, ní bele pe be sìikwɔɔri caa lè, bele bee kɔ́yɔ í be kpóo. Mii a be kúceri kaan nyɛ̀ʔɛni féjɛɛnrɛ, ní tári yaweere ma ti lìile.

Faic an caibideil Dèan lethbhreac




Zyeremii 19:7
32 Iomraidhean Croise  

Mii a mii kɔ́rigi syɛɛnsanbèlē cée. Mii a be le pe nigoobèle kɔ́yɔ ni. Pe nígoobèle myɛ a be fuguri si be yáriri koli.


Sícilimɛ yoo, cánna yoo, lálii yoo, gee bee kàa faala o córo Yawe yɛ́ʔɛ ma í.


Koro na mii a taʔa fala bàā syɛ́ɛnbèle naa fúnyo wóo ní kakpoloyi, ní bìngaari kèlē ní, sícilibèle sícilimɛ a kwɔ́ɔ, pe kacánbèle cánna a sa làra.»


Ye bɛ̀ɛ kàa na ki a kálagi! Ye syɛɛnraa joo, ti a foro í! Níì cán Kolocɔlɔɔ i nyɛ ní wolo ní.


Lǎli bee ni pe ga mɔ pye: ‹Sán wolo a kári?› Mɔ a be yari: ‹Yawe wi syɛ́ɛnri naa joo níì jo: Wee wi nyɛ lè káfalagi yáama wóo, káfalagi yáama i syée ní woro ní! Wee wi nyɛ lè ŋɔséew wóo, ŋɔséew i syée ní woro ní! Wee wi nyɛ lè kateekpɔɔgi wóo, kateekpɔɔgi i syée ní woro ní. Wee wi nyɛ lè púlori wóo, púlori i syée ní woro ní!›


Céwee wi da nànbiigéle kɔrɔsiin see lè, wi bárigaw n kwɔ́ɔ, wi i nyɛ kúkoliw na. Wi cángi n too n cángi yaʔa sìngwɔɔ ni. Fɛ̀ɛrɛ n wi tɔ́n, faʔara n too wi na. Bele be kòro lè mii a be le ŋɔséew kɔ́yɔ ni pe nigoobèle yɛ́ʔɛ ma,» Yawe wi jo nya.


«Yaama a be kpóo. Pe kùúyi a le í, pe a nyanya taa í. Pe a pye kariga tári na. Ŋɔséew, ní kateekpɔɔgi a be kwɔ́ɔ. Pe kúceri a pye kaara nyɛ̀ʔɛni féjɛɛnrɛ ní tári yaweere ma.»


Koro na pe jáabèle kaan kateekpɔɔgi ma, pe ŋɔrigɔ mi wáa ŋɔséew nyɔ́ɔ ma, ki n yɛlɛ pe cébèle í bɔ̀nɔ pìibēle ni, si pye lɔgucaala, káfalagi yáama í be nǎnbèle kpóo. Ki n yɛlɛ ŋɔséew í be nìgɔcaribèle kpúmɔn kpóo kapɛɛnni làla ni!


Koro kàdoʔo ma Zyuda fànʔafɔw wi lè Sedesyasi, ní wi falipyebèle, ní syɛ́ɛnbèle bele pe ga kòro kěgi naa ni lè káfalagi yáama, ní ŋɔséew, ní kateekpɔɔgi kàdoʔo ma, mii a be le Babilɔni fànʔafɔw Nebukadinezari kɔ́yi ni, ní be nigoobèle kɔ́yɔ ni, ní bele kɔ́yɔ ni pe be sìikwɔɔri caa lè. Wi a be kpúmɔn kpóo ní ŋɔséew nyɔ́ɔ ní, nyinimɛ fun, ní cɔɔnrimɔ fun, ní tɔʔɔlɔmɔ fun,› Yawe wi jo nya.


Wi a tɔ́n àmɛɛ jòfanikúugo nyɛ lè, pe a wi fulolo bi yirige Zyerusalɛmi kpàánweegèle ni bi wáa.»


Mii a mɔ le bele kɔ́yɔ ni pe mɔ siikwɔɔri caa lè, bele kɔ́yɔ ni, bele yɛ́ʔɛ ma mɔ cɛ̀lɛ́ lè, Nebukadinezari kɔ́yi ni, wi lè Babilɔni fànʔafɔw, ní Kalide ye kɔ́yi ni.


Gee bee na, Yawe wi syɛ́ɛnri naa joo níì jo: Wéle, mii a kěgi naa le Kalide ye kɔ́yi ni, ní Babilɔni ye fànʔafɔw Nebukadinezari kɔ́yi ni, wi a gi syɔɔ taa.


mii a be le pe nigoobèle kɔ́yɔ ni, bele kɔ́yɔ ni pe be sìikwɔɔri caa lè, pe kúceri a pye lìile nyɛ̀ʔɛni féjɛɛnrɛ, ní tári yaweere ma.


Mii a be le bele kɔ́yɔ ni pe be sìikwɔɔri caa lè, Babilɔni fànʔafɔw Nebukadinezari kɔ́yi ni, ní wi falipyebèle kɔ́yɔ ni. Koro kàdoʔo ma, syɛ̀ɛnnɛ a ní tɛ́ɛn Ezyipiti ni àmɛɛ ki da pye lè booma ni,» Yawe wi jo nya.


Syɛ́ɛnbèle naa kúcere a pye nyɛ̀ʔɛni féjɛɛnrɛ ní tári yaweere liile. Wàa faala a taa bàā di fúuro í.


Pe a be càli cángi yɛ́ʔɛ ma, ní yégi yɛ́ʔɛ ma, ní nyɛ̀ʔɛni ŋɔ́ripiigéle myɛ yɛ́ʔɛ ma, toro dee kéele li da be dɛ́nɛ lè, toro dee má pe da ni báara lè, toro dee na pe da peyɛɛ daʔa lè, níì kòro ni di caa, toro dee yɛ́ʔɛ má pe da ni tíri ni tuun ni kpɔ̀ʔɔrɔli kpéʔele lè. Kúceri a láa, pe a tɔ́n í. Pe a pye kariga tári na.


«Kanmìí na yele a gbǎn gi joo si jo: ‹Wolo n cìlige, Yawe làlwaw i nyɛ wòlo ma?› Kányɛʔɛ na, jànvaaw na sɛ́bɛkanbèle jànvaa-sɛ́bɛkaanna nyɛ fáliw na.


Fɛ̀ɛrɛ n sícilibèle taa, pe n curugo, pe n cò karinyanga na. Wéle, pe n Yawe syɛ́ɛnri faʔa. Sícilimìí si bi nyɛ be ma?


Wìí wi yaà, wee wi a syɛɛnrɛ joo lè yagana, kéeli n si kpéʔele? Kàfɔw ban wi kérigèle kɔ̀rirɔ́ ni tímana ì?


Mii a mii yɛ́ɛgi wáa yele ma, yele nigoobèle a yele jáa, yele parafɔbèle a tɛ́ɛn yele nyúngi na. Yele a ra fé bi gi taa wàa o nyɛ yele kurugo í.


Mii a ŋɔséew tórigo yele kurugo wi sa joogaanni kálagila gɔlɔ wòlo. Yele ga yeyɛɛ gbóʔoro n sáà kòro yele kèkpoloyi ni lǎli ni lè, mii a káfalagi yáama wáa yele na. Yele a le yele nigoow kɔ́yɔ ni.


A gee bee jo lé wolo n Mowizi làlwaw sàa tágali báriga ni? Eʔe dɛ! Wolo i wi kpɔ́ʔɔgi wii.


Ki ga maa pye Mowizi làlwaw kôdanʔabéle be nyɛ kɔriliibèle, gee bee a dée tágali kaan li pye nyùngo fun, nyɔɔfaligi si pye gbanzan.


Yawe a mɔ le mii kɔ́yi ni níjanʔa. Mii a mɔ kpóo si nyǔngi ceri láʔa mɔ na. Mii a Filisitini ye kapɛɛnkpumɔnbèle kúcere kaan nyɛ̀ʔɛni féjɛɛnrɛ ní sìnbirigi yaweere ma níjanʔa, koro ga pye tári syɛ̀ɛnnɛ myɛ a gi cán bi cán Kolocɔlɔɔ i nyɛ Isirayɛli ye ma.


Lean sinn:

Sanasan


Sanasan