Zyeremii 19:6 - Cebaara Bible 2010

⁶ Koro na wéle, canyaa i maa, Yawe wi jo nya, yee ni lè pe a ní da tɛ́ɛgi naa yiri Tofɛti í, ní Bɛn-Hinɔmi jǐnlɔgɔ í. Kàjáa pe a ra gi yiri kpóobeeli jǐnlɔgɔ.

Zyeremii 19:6 Iomraidhean Croise

Ezayi 30:33

Nlaa yaà booma ni kàjegbɔnnɔ n sámaga n kwɔ́ɔ, li n sámaga fànʔafɔw kéele na, li taanigi n cùru níì kpɔ́ʔɔ, beè náagi nyín lè, ní kàjenɛʔɛrɛ ní. Yawe nyɔ́ɔgi káfalaga i gi náagi nii àmɛɛ dìrigí-nɛʔɛɔ nyɛ lè.

Zyeremii 19:11

‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Kánmi naa na mii a syɛ́ɛnbèle naa ní kěgi naa jaa, àmɛɛ be cóofaaɔn kasànna jee lè li si a ní gbǎn sámaga í. Pe a ra kúbèle tɔ́ngi Tofɛti ni, tɛ́ɛgi fɔ̀ngɔ kéele na.

Zyeremii 19:2

mi yiri maa syée Bɛn-Hinɔmi jǐnlɔgi ma, ki i nyɛ Cóofaan-tɛ́ɛgi kpàánweele yɛ́ʔɛ ma. Mɔ a sa yákpoli wáa ní syɛ́ɛnri ní yaà beè, dee mii a joo mɔ ma lè.

Zyozuwe 15:8

Láʔagologi maa láa beè Bɛn-Hinɔmi jǐnlɔgi ma, Yebusi wòrogulo kòlodìgimi ni, wi lè Zyerusalɛmi, níì lúgu n kári fwɔɔ n sáà sɔ̀lɔ nyanbelegi ǹjoʔo ni, ki lè Hinɔmi jǐnlɔgi yɛ́ʔɛ ma canʔajeemɛ ma, ní Erefa ye jǐnlɔgi láʔala na solomɔkulo ma yaà.