Zyeremii 19:5 - Cebaara Bible 2010

⁵ Pe n sáriga-wòlo-tɛ́ɛyɛ faan Baali ma bàā be jáabèle sórogi náagi ni, sáriga-sórigoo Baali ma, gee gi lè mii da gi kéeli joo n gbàn í, gee gi lè mii da joo gi na í, gee gi lè ki da caà jée mii sɔ̀nguri ni í.

Zyeremii 19:5 Iomraidhean Croise

2 Fànʔafɔbèle 17:17

Be pìíbèle be lè nànbèle ní cébèle, a be i bele bee sórogi sáriga náagi ni. Pe maa ni kérigèle wéle ni nyuu ní wɔ́ɔ i cɛ́lɛ, ní i peyɛɛ pára ni gi kpéʔele gee gi pee Yawe nyɛ́nɛ na lè jàngó bi wi fúngi tanʔa gbanʔama.

2 Fànʔafɔbèle 21:6

A wi wi jáaw kaan a be sórigo sáriga náagi ni. A wi i cɛ́lɛ ní i dɛ̀ɛ́mi kèlē kpéʔele, níì syɛ́ɛnbèle pèle télege poro i kúbèle yíbe ní i nyɛ̀ʔɛna kérigèle nyaagi ni nyuu. Gee gi pee Yawe nyɛ́nɛ na lè a wi i koro kpéʔele n baa sɔ̀lɔ n tɔ̀nɔ n wi fúngi tanʔa.

2 Cányi kèlē 28:3

A wi i nùndaanna yárira sórogi Hinɔmi jáabèle jǐnlɔgɔ ni, ní i wi jáabèle kaangi pe i sórogi náagi ni n yɛlɛ ní syɛɛnfeleyi kapeeye pyeganma ní, yoro yee Yawe da nɛnɛ n yirige yaà lè Isirayɛli ye yɛ́ʔɛ ma.

Zyeremii 32:35

Pe n sáriga-wòlo-tɛ́ɛyɛ faan Baali ma Bɛn-Hinɔmi jǐnlɔgi ni, bàā be nànbiigèle ní be calipiigèle kaangi Mɔlɔki ma, gee gi lè mii ban wi da gi joo n gbàn níì jo paa gi kpéʔele í, gi sɔ̀ngurɔ da caà jée mii ni í, pe n yanɔnʔɔgi bee félege kpéʔele n Zyuda lége kapeebyeri ni.

Ezekyɛli 16:36

Kàfɔw Yawe wi syɛ́ɛnri naa joo níì jo: ‹Ncan mɔ maa mɔ fɛɛri yirige n càli, n mɔ níborigi tɛ̀ɛn mɔ nanjaari làla ni ní bele ní pe da ni mɔ caa lè, ní mɔ yasunnɔnʔɔyi myɛ ní wɔ́ɔgēle, mɔ piibèle sìsyaan kéele na, bele mɔ kaan yi ma lè,

Ezekyɛli 20:26

A mii gi yaʔa be peyɛɛ nɔ́nʔɔ pe yakaanyi báriga ni, yi lè pe pìiselibèle myɛ pe wóo lè sáriga, náagi ni. Mii maa ni caa bi be lége wɔʔɔgi ni kánmi bee na koro ga pye pe gi cán bi cán mii wi nyɛ Yawe.›

Ezekyɛli 38:10

Kàfɔw Yawe wi syɛ́ɛnri naa joo níì jo: «Cángi bee na sɔ̀nguraa a yìri mɔ fúngi ni, mɔ a kanbeemɛ tímana.

Danyɛli 2:29

Ee fànʔafɔw, bi mɔ yaʔa mɔ yasinɛgi na, mɔ maa ni sɔ̀ngí gee na ki a kɔ́ ba kpéʔele lè kàdoʔo ma, wee si wi kalaragèle tèé lè, a woro si gi tɛ̀ɛn mɔ na, gee gi maa ba kpéʔele lè.

Levii ye sáriga-wòlori 18:21

Mɔ a kɔ́ mɔ piiwaa faala kaan pe wi wòlo sáriga Mɔlɔki ma í, si mɔ Kolocɔlɔw mɛ́ʔɛ córo yafaʔaga í. Mii wi nyɛ Yawe.

Córolo 22:41

A ki ga pye nyǐngi nyɔ́ɔ na, a Balaki Balaami kɔ́ri n sáà lúgu ní wi ní Bamɔti-Baali na. N wi yaʔa yaà beè, a wi Isirayɛli syɛ́ɛnbèle lɛ̀ʔɛgɔgaa nyaa.

Làlwaw Kaanziin 12:31

Mɔ a kɔ́ gee bee pye Yawe mɔ Kolocɔlɔw ma í. Níì cán yanɔnʔɔri féleye myɛ di Yawe bɛɛn lè, toro yi kpéʔele yi kolocɔlɔbèle ma. Alí yi pìíbèle be lè nǎnbèle ní cébèle, yi i bele bee sórogi náagi ni yi kolocɔlɔbèle ma.