Biblia Todo Logo
Bìoball air-loidhne

- Sanasan -




Zyeremii 19:4 - Cebaara Bible 2010

4 Níì cán pe n mii yaʔa, pe n tɛ́ɛgi naa kàriga tɛɛgaa gee ni syɔɔn pùuní lè. Pe i nùndaanni yáriga kaangi kolocɔlɔbèle pèle nikwɔɔlɔ ma gi ni, bele be lè pe tiimaw, ní be toolɛɛbèle, ní Zyuda fànʔafɔbèle da be cán í. Pe n tɛɛlɛ fun syɛ́ɛnbèle sìsyaan tɛ́ʔɛ n tɛ́ɛgi naa nyìn.

Faic an caibideil Dèan lethbhreac




Zyeremii 19:4
49 Iomraidhean Croise  

Manase n wɔ́ɔ̀ tɛɛlɛ fun sìsyaan saʔa wo fwɔɔ a Zyerusalɛmi nyìn wi na n séli láʔalee na n sáà nan lee na. Wi n koro kpéʔele n fàra kapeegèle gele na wi da Zyuda ye kɔ́ri n wáa pe i kpéʔele lè, ni gi kpéʔele gee gi pee Yawe nyɛ́nɛ na lè.


Fànʔafɔw maa Tofɛti yasorigo-tɛ́ɛgi nɔ́nʔɔ gi pye lè Hinɔmi jáaw jǐnlɔgɔ ni, koro ga pye syɔɔn faala a ní kɔ́ wi pyà kaan be sórigo yaà Mɔlɔki ma í, nànbile yoo, calipile yoo.


Ní tɛɛlɛ fun sìsyaanw kéele na wɔ́ɔgēle, wee Manase da wo lè, tɛɛlɛ fun sìsyaanw wi da tɛ́ʔɛ n Zyerusalɛmi nyìn lè. Yawe ga fɔ̀lɔ n kùsulugi syɔɔ í.


Pe n tɛɛlɛ fun sìsyaanw wo, wi lè pe nanbiigèle ní be calipiigèle sìsyaan, pe n ge wòlo sáriga Kanaan syɛ́ɛnbèle yasunyo ma, a sìsyaanw tári nɔ́nʔɔ.


Pe tɔ́lɔyi i fé ni syée kapeebyeri kurugo, pe fúnyi n wári tɛɛlɛ fun sìsyaanw wolo kurugo. Pe sɔ̀nguri i nyɛ sìnzinmɛ sɔngurɔ, kálagili ní nyáʔamini i nyɛ be kóloyi ni.


Kàjáa yele na, yele bele ye Yawe cée lè, yele bele ye fɛ̀ʔɛ mii nyanbejǎngi na lè, ní i yaliire kaangi Gadi ma, ní i yagbaala nyìngí dùvɛɛnnyaʔamiɔ na ni kaangi Menii ma lè,


Mii a mii kútiiw kúun be na pe péemi myɛ kéele na níì cán pe n mii yaʔa ní sa ni nùndaanni yáriga sórogi kolocɔlɔbèle pèle nikwɔɔlɔ ma, ní i tuun ni kpùmɔnɔ́ be kɔ́yi fáli yɛ́ʔɛ ma.


Níì cán mɔ kolocɔlɔbèle n nɛʔɛ àmɛɛ mɔ keyi nyɛ lè, Zyuda! Sáriga-wòlo-yafaanya i mɔ ma, yee yi nɛʔɛ n pye àmɛɛ mɔ kalari-kóloyi nyɛ lè Zyerusalɛmi, sáriga-wòlo-yafaanya, bàā nùndaanni yáriga sórogi yi na fɛ̀ɛ́ri yáriga Baali ma.›


Mɔ n mii yaʔa, Yawe wi jo nya, mɔ n lúru kàdoʔo ma, kàjáa mii n mii kɔ́gi sánʔa n taʔa mɔ na bi mɔ kálagi, mii n kɔ́ɔ̀ fɔ̀rɔ nya ní mɔ ní.


Lǎli bee ni mɔ a be yari: ‹Gee bee n taa ncan yele tóolɛɛbèle n mii yaʔa níì taʔa kolocɔlɔbèle pèle nikwɔɔlɔ na, pe n kpɔ̀ʔɔrɔli kpéʔele be ma, pe n tìgi n too be yɛʔɛ̀ ma. Kàjáa mii na, pe n mii yaʔa, pe ga mii làlwaw cò í,› Yawe wi jo nya.


Yawe, mɔ wi nyɛ Isirayɛli sɔ̀ngumi tɛɛtaʔaga! Bele myɛ pe mɔ yaʔa lè fɛ̀ɛrɛ a ba be taa, bele be láʔa mii na lè, pe mɛ́ɛyi a ba sɛ́bɛ támiigi ni, níì cán pe n be sìíw púloweele cée, li lè Yawe.


Mɔ a be pye: ‹Ye Yawe syɛ́ɛnri lóʔo, yele Zyuda fànʔafɔbèle, ní Zyuda ye myɛw, ní yele Zyerusalɛmi ye myɛw ye jǐn kpàánweegèle naa ni lè!


A mii syɛ́ɛnbèle si fɛ̀ʔɛ mii na, pe i nùndaanni yáriga kaangi yasunyo ma. Koro n be kaan a be tàra n yiri be kóloyi ni, pe kolɛɛyi ni jàngó bi kobiigèlē láa, koloyaa yee yi lè yi ga kpoori í.


«Níì cán kapeeye siin mii syɛ́ɛnbèle kpéʔele. Pe n mii yaʔa, mii wee wi lè sìíw lɔ́ʔɔ pùnweele, ní sa ni lɔ̀ʔɔ wéeyaa túru peyɛɛ ma, lɔ̀ʔɔ wéeyaa, yee yi páʔala páʔala lè, yee yi lè lɔ̀ʔɔ a gbǎn kòro yi ni í.


Gee bee o kpéʔele mɔ na àmɛɛ mɔ Yawe mɔ Kolocɔlɔw yaʔa lè lǎli tiimaa ni, lee ni wi da kíni mɔ yɛ́ɛgi na kólogi ni lè ì?


Ki n yɛlɛ mɔ péemi sàra í kaan mɔ ma, mɔ sinzinmi kèlē í wɔʔɔgɔ taʔa mɔ na. Ki n yɛlɛ mɔ í gi cán, si gi nyaa bi cán bi Yawe mɔ Kolocɔlɔw cée, gee bee i nyɛ yapeʔe, ní yasorogo, wàlá bi pye fyáakaanna fun mii kàbangi na,» Nyɛ̀ʔɛni Sùlasiibéle Kafɔlɔ Yawe wi jo nya.


Mii n yele jáabèle kpúmɔn koro ga yafyɛn nyɔɔ í. Pe ga fɔ̀lɔ tamani na í. Yele ŋɔséew n yele kanyaajoobèle lìi, àmɛɛ càaraɔ nyɛ wee wi gàlagí kpéʔele lè.


Tɛɛlɛ fun foomɔfɔbèle sìsyaan n nyaa mɔ buronyɔɔw na n gi yaʔa mɔ ga be cò kàyuugo na í.


«Kàjáa mɔ nyapiigèle ní mɔ fúngi o nyɛ yafyɛn na mɔ tɔnɔtaari kàdoʔo na í, mɔ i tɛɛlɛ fun sìsyaanw ŋuu, ní wɔ́ɔ i fǎngi gbàngí peemɛ ni.»


Yawe wi syɛ́ɛnri naa joo níì jo: Yaa táanri kányɛɛgi, ní sínni na. Wee na be fǎngi gbàn lè, ye wi yirige wi wɔʔɔfɔw kɔ́yɔ ni. Yele a kɔ́ ra nibɔnw ní círiw, ní lɔgucew náari ní fungbanga ní í. Yele a kɔ́ ra peemɛ kpéʔele í, yele a kɔ́ ra tɛɛlɛ fun sìsyaanw ŋuu tɛ́ɛgi naa ni í.


Gee si gi nyɛ gi ni lè, koro gi nyɛ ki n tɔ̀nɔ n yɛlɛ ye gi cán yele ga mii kpóo, yele n tɛɛlɛ fun sìsyaan kapeele túgoro taʔa yele, ní kěgi naa, ní gi syɛ́ɛnbèle na. Níì cán kányɛʔɛ na Yawe wi mii tun yele ma mii í ba syɛ́ɛnri naa myɛ joo bi le yele líiweegèle ni.»


A be sáà Uriyahu cò n yirige Ezyipiti ni n pan ní wi ní fànʔafɔw Yehoyakimi ma, a wi baa wi kpúmɔn n kpóo ní ŋɔséew ní, níì wi kúceri wáa syɛ́ɛnmi nyangbaa ni.


kapeegi kéele na, gee be kpéʔele bi mii fúngi tanʔa lè, àmɛɛ be kári n sa ni nùndaanni yáriga sórogi, ní i kpɔ̀ʔɔrɔli kpéʔele kolocɔlɔbèle pèle nikwɔɔlɔ ma lè, bele be lè poro ní yele, ní yele tóolɛɛbèle da be cán í.


Koro na kɔligi càaraɔ tuun be na, tɛɛfiiyi gbàʔā i be sulugu sulugu. Sèdew i làrá be kěyi taana ni be sigi, bele myɛ pe ga ni yirigi yi ni lè, pe a sulugu sulugu. Níì cán be céemi kèlē n nɛʔɛ. Kàa n fàra pe námara kérigèle na.


yele ga pye yele o fǎngi gbàngí nibɔnw ní círiw, ní lɔgucew na í, yele ga pye yele o tɛɛlɛ fun sìsyaanw ŋuu tɛ́ɛgi naa ni í, yele ga pye yele ga yeyɛɛ daʔa kolocɔlɔbèle pèle nikwɔɔlɔ na í, n wɔʔɔgɔ caa n kaan yeyɛɛ ma í,


Nyàʔá! Yele i yúu ní wɔ́ɔ i syɛ́ɛnbèle kúu, ní i nyɛ kanɔnʔɔbyebèlē, ní i jànvaa kàliyi kɛ̀ɛ́, ní i nùndaanni yáriga sórogi Baali ma, níì yeyɛɛ daʔa kolocɔlɔbèle pèle nikwɔɔlɔ na, bele be lè yele ga be cán í!


Koro n pye wi kanyaajoobèle kapeegéle kéele na, ní wi sáriga-wòlobèle kolomɔ kéele na, poro bele be syɛɛnsinbèle sìsyaan wo wi fúngi ni lè.


A mii gi yaʔa be peyɛɛ nɔ́nʔɔ pe yakaanyi báriga ni, yi lè pe pìiselibèle myɛ pe wóo lè sáriga, náagi ni. Mii maa ni caa bi be lége wɔʔɔgi ni kánmi bee na koro ga pye pe gi cán bi cán mii wi nyɛ Yawe.›


Mii a kàdoʔo wáa be ma, syɛ́ɛnbèle a mii lɔ́ri tɛɛkɔngɔ nɔ́nʔɔ. Nijamaya a jée gi ni bi gi nɔ́nʔɔ.


Isirayɛli kpáagi wolɛɛbèle pèle togoye taanri ní kpɔrigɔ, poro bele nínge ni Syafan jáaw Yaazanya da pye lè, pe maa pye woyérebéle ní yasunyi bee yɛ́ʔɛ ma, pe myɛ nibin nibin si i nyɛ ní nùndaanni yasorigogo yalegéle ní kɔ́yi ni, á nùndanʔa yasorigogo fafaankpɔʔɔ si i yìrigí.


Wi a sùlasiibéle kabiya tórigo pe sa tɛɛcàn-nìrigi nɔ́nʔɔ. Pe a canʔa o canʔa sárigaw kéele sàa, si kálagili kapeekpɔʔɔ sámaga yérige.


Koro ga pye kanyaajoobèle sìsyaan wi téē ŋuu lè nlaa yaà dulunyanw sélimɛ na, wi a gi sìndɛɛgi wòlo lǎli naa syɛ̀ɛnnɛ ni.


Mɔ ga gi lóʔo kègaa ni, yee Yawe mɔ Kolocɔlɔw kaan mɔ ma mɔ í tɛ́ɛn yi ni lè,


Pe a kanyaajoow bee wàlá kanyaaw bee kpóo, níì cán wi n céemɛ syɛ́ɛnrɛ joo Yawe yele Kolocɔlɔw kánma na, woro wee wi yele yirige Ezyipiti tári ni lè, n yele yirige púlori kpaʔa ni. Kólogee Yawe mɔ Kolocɔlɔw caa mɔ í da táanri lè, wi maa ni caa bi mɔ pùuni bi yirige gee bee ni. Kánmi bee na mɔ a kapeegi bee kwɔ́ɔ yirige yele níngi ni.


Yawe a dángaw, ní fûnnyaʔamiri, ní kàfulogi cáan mɔ na kérigèle myɛ ni mɔ kpéʔele lè fwɔɔ bi taa mɔ í kálagi, fwɔɔ bi taa mɔ í kwɔ́ɔ yiri yaà kelekele mɔ péemi kapyere kéele na àmɛɛ mɔ mii cée lè.


Yawe a gi yaʔa mɔ ní mɔ fanʔafɔw mɔ a télege miyɛɛ nyúngi na lè yele í tánʔa kári syɛɛnfelegaa tára ma, syɛɛnfelegee gi lè mɔ ga gi cán í, mɔ tóolɛɛbèle da wɔ́ɔ̀ gi cán í. Bi mɔ yaʔa yaà beè, mɔ a ra kolocɔlɔbèle pèle nikwɔɔlɔ kpɔ̀ʔɔrɔ́, pe lè tíiri, ní kàdɛnɛri wòolo.


Yawe a yele cariga bi lége syɛɛnfeleyi myɛ nínge ni, bi séli tári láʔalee ma bi taa sa nan lee na. Nɛɛ bee mɔ a ra kolocɔlɔbèle pèle nikwɔɔlɔ kpɔ̀ʔɔrɔ́ pe lè mɔ ní mɔ tóolɛɛbèle da be cán í, poro bele be sámaga lè ní tiire, ní kàdɛnɛrɛ ní.


Níì cán pe n mɔ syɛɛncanbèle ní mɔ kanyaajoobèle sìsyaan wo, gee bee na mɔ sìsyaanw kaan be ma pe gbaa, ncan gee bee gi yɛlɛ be na.»


Pe maa kolocɔlɔ-fɔ́nbéle nyɛ́nɛ n wòlo. Lǎli bee ni a kapɛɛnni pye kpàánweegèle na, tunmɔzige-yariga wàlá tàbaa da nyaa wàa ma syɛ̀ɛnnɛ sirakamayɛ siin nínge ni Isirayɛli ni í.


Lean sinn:

Sanasan


Sanasan