Zyeremii 19:3 - Cebaara Bible 2010

³ Mɔ a gi joo si jo: ‹Ye Yawe syɛ́ɛnri lóʔo, Zyuda fànʔafɔbèle, ní Zyerusalɛmi ye! Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: Wéle, mii a wɔʔɔgɔ cáan tɛ́ɛgi naa na, gee ki a gi lóʔofɔbèle líiweegéle wáriga lè.

Zyeremii 19:3 Iomraidhean Croise

Ŋúnuyi 102:15

Níì cán wi kàdɛnɛyi kéele n mɔ falipyebèle dɛ́nɛ, pe i nyinimɛ taagi wi támiigi na.

Ŋúnuyi 110:5

Kàfɔw i nyɛ mɔ kaliige ma, wi a fànʔafɔɔlɔ tɔ́nʔɔnɔ wi fundanʔari canʔa na.

Ŋúnuyi 2:10

Tɔ́ɔliw ni, yele fànʔafɔbèle, ki n yɛlɛ ye cìlige! Tári kútiijoobéle, ki n yɛlɛ ye tamani cò!

Ezayi 28:19

Lǎlee faala ni ki ga sɔ̀lɔ lè ki a yele cò. Ki a ra sɔ̀lɔ́ nyɛ̀ʔɛ nyɔ́ɔ o nyɛ̀ʔɛ nyɔ́ɔ na, ní cángi, ní yébiligi ni. Ki tǐnmi lóʔolo yagana a pye fyáakpɔɔrɔ.»

Zyeremii 13:18

Ki joo fànʔafɔw ní fànʔafɔjew ma mí be pye: «Ye tɛ́ɛn tári na, níì cán yele kùndigi-tɔ́ngi n too, ki lè yele fèreri fànʔa nyùndɔngɔ.»

Zyeremii 17:20

Mɔ a be pye: ‹Ye Yawe syɛ́ɛnri lóʔo, yele Zyuda fànʔafɔbèle, ní Zyuda ye myɛw, ní yele Zyerusalɛmi ye myɛw ye jǐn kpàánweegèle naa ni lè!

Zyeremii 18:11

Ki joo tɔ́ɔliw ni Zyuda nǎnbèle, ní Zyerusalɛmi ye ma, mí be pye: ‹Yawe wi syɛ́ɛnri naa joo níì jo: Wéle, mii i wɔʔɔgɔ sámagi yele kánmi na, mii i yele kálagila kéele tímana. Ki n yɛlɛ ye myɛ nibin nibin í láʔa ye kóbeeyi na. Ye yele kóloyi ní yele nàʔami fàli.›

Zyeremii 19:15

«Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyi myɛ kéele mii joo kěgi naa kánma na lè, mii a yi yaʔa yi too gi na, ní kěyee myɛ na, yee yi nyɛ gi taana lè. Níì cán pe n be nyùngbaabèle kpee jàngó poro a kɔ́ mii syɛ́ɛnri lóʔo í.› »

Zyeremii 25:29

Níì cán wéle, kěgee na mii mɛ́ɛgi nyɛ lè, koro na mii kálagili séli. A yele, yele si ba kòro lé wɔʔɔgi sìndaa ni? Eʔe. Níì cán mii i ŋɔséew yiri ni wáa tári syɛ̀ɛnnɛ myɛ na,› Yawe wi lè Nyɛ̀ʔɛni Sùlasiibéle Kafɔlɔ woro wi jo nya.

Zyeremii 35:17

Koro na, Yawe wi lè Kolocɔlɔw, wi nyɛ lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyee myɛ kéele mii joo lè Zyuda ye, ní Zyerusalɛmi ye myɛ kánmi na lè, mii a yi yaʔa yi too be na. Níì cán mii n joo ní be ní, pe ga lóʔo í, mii n be yeri, pe ga syɔɔ í.› »

Zyeremii 44:3

kapeegi kéele na, gee be kpéʔele bi mii fúngi tanʔa lè, àmɛɛ be kári n sa ni nùndaanni yáriga sórogi, ní i kpɔ̀ʔɔrɔli kpéʔele kolocɔlɔbèle pèle nikwɔɔlɔ ma lè, bele be lè poro ní yele, ní yele tóolɛɛbèle da be cán í.

Zyeremii 6:19

Tári, ki n yɛlɛ mi lóʔo! Mii wi wɔʔɔgi yaari ki i tuun syɛ́ɛnbèle naa na ki pye pe katimanari yasanra. Níì cán pe ga fɔ̀lɔ n mii syɛ́ɛnri lóʔo í. Gee gi mii làlwaw kéele kwɔ́ɔ lè, pe n wi yaʔa.

Ezekyɛli 7:5

Kàfɔw Yawe wi syɛ́ɛnri naa joo níì jo: «Wɔʔɔgɔ, wɔʔɔgɔ nibin pee! Wéle, ki i maa!

Matye 10:18

Pe a wɔ́ɔ kɔ́ yele kɔ́ri bi sa yérige tári kacɔɔnribéle ní fànʔafɔbèle yɛ́ʔɛ ma mii kéeli na, jàngó yele í pye séera poro ní syɛɛnfeleyi myɛ ma.

Tɛ̀ɛnnɛ 2:29

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro.›

1 Samyɛli 3:11

A Yawe Samyɛli pye: «Wéle, mii a yarigaa kpéʔele Isirayɛli ni, syɔɔn o syɔɔn ga gi lóʔo ki a wi líiweegèle siin wáriga.