Zyeremii 19:2 - Cebaara Bible 2010

² mi yiri maa syée Bɛn-Hinɔmi jǐnlɔgi ma, ki i nyɛ Cóofaan-tɛ́ɛgi kpàánweele yɛ́ʔɛ ma. Mɔ a sa yákpoli wáa ní syɛ́ɛnri ní yaà beè, dee mii a joo mɔ ma lè.

Zyeremii 19:2 Iomraidhean Croise

2 Fànʔafɔbèle 23:10

Fànʔafɔw maa Tofɛti yasorigo-tɛ́ɛgi nɔ́nʔɔ gi pye lè Hinɔmi jáaw jǐnlɔgɔ ni, koro ga pye syɔɔn faala a ní kɔ́ wi pyà kaan be sórigo yaà Mɔlɔki ma í, nànbile yoo, calipile yoo.

2 Cányi kèlē 28:3

A wi i nùndaanna yárira sórogi Hinɔmi jáabèle jǐnlɔgɔ ni, ní i wi jáabèle kaangi pe i sórogi náagi ni n yɛlɛ ní syɛɛnfeleyi kapeeye pyeganma ní, yoro yee Yawe da nɛnɛ n yirige yaà lè Isirayɛli ye yɛ́ʔɛ ma.

2 Cányi kèlē 33:6

A wi i wi jáabèle kaangi pe i sórogi náagi ni Hinɔmi jáaw jǐnlɔgɔ ni. A wi i cɛ́lɛ ní i kacánmi, ní dɛ̀ɛ́mi kpéʔele, níì syɛ́ɛnbèle pèle télege poro i kúbèle yíbe ní i nyɛ̀ʔɛna kérigèle wéle ni nyuu. Gee gi pee Yawe nyɛ́nɛ na lè a wi i koro kpéʔele n baa sɔ̀lɔ n tɔ̀nɔ n wi fúngi tanʔa.

Nehemii 3:29

A Imɛɛri jáaw Sadɔki báara n taʔa poro na, wi kpáagi yɛ́ʔɛ ma. Syekanya jáaw Syemayeya wi pye lè canʔafolomɔ kpaánweeli kɔ̀rɔsiifɔlɔ, á woro báara n taʔa wi na.

Zyeremii 1:7

A Yawe mii pye: «Mɔ a kɔ́ gi joo si jo: ‹Mii i nyɛ nìgɔcaripiige í.› Mɔ n yɛlɛ bàā syée pe myɛ ma, bele má mii ga mɔ tun lè gee myɛ mii ga joo n gbàn mɔ ma lè, mi sa ra koro nyuu be ma.

Zyeremii 11:6

A Yawe mii pye: «Yákpoli wáa ní syɛ́ɛnri bee myɛ ní, Zyuda kěyi ni, ní Zyerusalɛmi kàlari-kóloyi ni, mí jo: ‹Ye joogaanni naa syɛ́ɛnrɛ lóʔo, yáā gi kpéʔele àmɛɛ di jo lè.

Zyeremii 18:2

«Yìri mi tìgi yaà cóofaanw kpaʔa ma, mii a sa mii syɛ́ɛnri joo mɔ í lóʔo yaà beè.»

Zyeremii 26:2

Yawe n jo: «Yére Yawe kpáagi kadàala na, mí syɛ́ɛnri naa joo bele má be yìrigí Zyuda kěyi myɛ ma ni maa n ba ni tíri ni tuun Yawe kpáagi ni lè. Syɛ́ɛnree myɛ mii joo n gbàn mɔ ma níì jo mɔ í di joo be ma lè, mɔ a kɔ́ syɛɛnkanbilaa nibin fɔ̀n di ni í.

Zyeremii 3:12

Da syée mi sa ra yákpoli wáa ní syɛ́ɛnri naa ní solomɔkulo kàbangi na mí jo: ‹Lúru maa maa cêkalagiga Isirayɛli,› Yawe wi jo nya, ‹mii yɛ́ɛgi a ní pye wodanʔaga ní yele na í. Níì cán mii i nyɛ nyinidaaɔ,› Yawe wi jo nya. ‹Mii fúngi a kòro nya wodanʔaga ní làla o làla í.

Zyeremii 32:35

Pe n sáriga-wòlo-tɛ́ɛyɛ faan Baali ma Bɛn-Hinɔmi jǐnlɔgi ni, bàā be nànbiigèle ní be calipiigèle kaangi Mɔlɔki ma, gee gi lè mii ban wi da gi joo n gbàn níì jo paa gi kpéʔele í, gi sɔ̀ngurɔ da caà jée mii ni í, pe n yanɔnʔɔgi bee félege kpéʔele n Zyuda lége kapeebyeri ni.

Zyeremii 7:2

«Yére Yawe kpɔ̀ʔɔrɔli kpaʔa kpaaweele na, mí syɛ́ɛnri naa joo yaà mí jo: ‹Ye Yawe syɛ́ɛnri lóʔo, yele Zyuda ye myɛw ye sɔ̀lɔ́ ni jǐn kpaaweegèle naa ni bi sa ra tíri da tuun Yawe yɛ́ʔɛ ma lè!

Zyonasi 3:2

«Yìri maa syée Niniivi ma, ki lè kèkpɔɔgi, mi sa syɛ́ɛnri joo yaà, dee mii joo mɔ ma lè.»

Matye 10:27

Dee mii nyuu yele ma lè yébilimi ni, ki n yɛlɛ yaa di nyuu gbɛ̀ɛ́nmi na. Dee si yele lúro lè líiye taana, yaa di nyuu yaa yákpogèle wáa ní di ní kpáayi ǹjoʔo ni.

Kapyegèle 20:27

Níì cán mii n Kolocɔlɔɔ nyɛ́nɛ kérigèle myɛ joo yele ma, mii ga li làa faala làriga yele na í.

Kapyegèle 5:20

«Yaa syée ye sa yére kpɔ̀ʔɔrɔli kpaʔa ni, yaa sìitelew naa syɛ́ɛnrɛ myɛ nyuu syɛ́ɛnbèle ma.»

Zyozuwe 15:8

Láʔagologi maa láa beè Bɛn-Hinɔmi jǐnlɔgi ma, Yebusi wòrogulo kòlodìgimi ni, wi lè Zyerusalɛmi, níì lúgu n kári fwɔɔ n sáà sɔ̀lɔ nyanbelegi ǹjoʔo ni, ki lè Hinɔmi jǐnlɔgi yɛ́ʔɛ ma canʔajeemɛ ma, ní Erefa ye jǐnlɔgi láʔala na solomɔkulo ma yaà.