Zyeremii 18:8 - Cebaara Bible 2010

⁸ kàjáa syɛɛnfelegi bee kéele na mii ga joo lè, ki ga láʔa ki péemi na, lǎli bee ni mii n kàdoʔo wáa kapeegi pyele ma, gee mii da joo mii a kpéʔele gi na lè.

Zyeremii 18:8 Iomraidhean Croise

2 Cányi kèlē 12:6

A Isirayɛli syɛɛnkpolobèle ní fànʔafɔw peyɛɛ jɛ́rɛ níì jo: «Yawe n sín.»

Ŋúnuyi 106:45

Wi n sɔ̀ngi n taa wi joogaanni na be kéeli na, wi n nyinimɛ taa n yɛlɛ ní wi funjǎngi ní,

Ŋúnuyi 135:14

Níì cán Yawe i wi syɛ́ɛnbèle kútii cɛnɛ, wi i nyinimɛ taagi wi falipyebèle na.

Ŋúnuyi 90:13

Ee Yawe, lúru mi pan, làlìí ni ki a kwɔ́ɔ? Nyinimɛ taa mɔ falipyebèle na.

Yirile 32:12

Nyàʔá na gi yɛlɛ Ezyipiti ye í kɔ́ gi taa bàā nyuu si jo: ‹Pe kálagila kéele na wi be yirige yaà koro ga pye bi sa be kpóo nyanbeleyi kúlo ni, bi be kálagi kwɔ́ɔ péw tásaligi na?› Ki n yɛlɛ mi mɔ fundanʔari gbànma yaʔa, mɔ syɛ́ɛnbèle yaʔa sìngalagi ni.

Yirile 32:14

Kapeegee Yawe da joo wi a kpéʔele wi syɛ́ɛnbèle na lè, a wi gi kpéʔeleli yaʔa.

Zyeremii 12:16

Pe ga baa mii syɛ́ɛnbèle kóloyo tama yákirii na, ní i kɛ̀ɛ́ mii mɛ́ɛgi na níì jo: ‹Yawe woweew mɛ́ʔɛ na!› Amɛɛ pe da mii syɛ́ɛnbèle tama pe i kɛ̀ɛ́ Baali mɛ́ɛgi na lè, lǎli bee ni pe a sámaga tɛ́ɛn mii syɛ́ɛnbèle nínge ni.

Zyeremii 15:6

Mɔ n mii yaʔa, Yawe wi jo nya, mɔ n lúru kàdoʔo ma, kàjáa mii n mii kɔ́gi sánʔa n taʔa mɔ na bi mɔ kálagi, mii n kɔ́ɔ̀ fɔ̀rɔ nya ní mɔ ní.

Zyeremii 26:13

Tɔ́ɔliw ni, ye yele kóloyi, ní yele nàʔaganmi fàli, ye Yawe jóomi lóʔo wi lè yele Kolocɔlɔw. Yawe a wi sɔ̀ngumi láʔa kapeegi na, gee wi joo yele kéeli na lè.

Zyeremii 26:19

A Zyuda fànʔafɔw Ezekyasi ní Zyuda ye myɛw wi kpóo lé? Ezekyasi ga fyáa Yawe na ì? Wi ga Yawe nyɛ́ɛri gbanʔama ì? Lǎli bee ni a Yawe wi sɔ̀ngumi láʔa kapeegi na wi da joo be kéeli na lè, á wolo si i caa bi kapeekpɔɔgi naa kpéʔele woyɛɛ na!»

Zyeremii 26:3

Dɔ̀ʔɔ́ pe a lóʔo pe myɛ nibin nibin si láʔa be kobeegi na. Lǎli bee ni mii a mii sɔ̀ngumi láʔa kapeegi na mii da ni sɔ̀ngí bi kpéʔele be na lè pe péemi nàʔabeemɛ kéele na.

Zyeremii 36:3

Dɔ̀ʔɔ́ Zyuda kpáagi wòolo ga kapeeyi myɛ kéele lóʔo, yee mii tímana bi kpéʔele be na lè, pe myɛ nibin nibin a be kobeeyi yaʔa si lúru pan. Lǎli bee ni mii a be kolomi, ní be kapeegèle kùsulugo syɔɔ.»

Zyeremii 42:10

‹Yele ga fɔ̀lɔ bi kòro tári naa ni, mii a yele faan bi yérige di ni, mii a yele cáan í, mii a yele cɔ́rɔ, mii a yele kɔ́n í. Níì cán wɔʔɔgi mii taʔa yele na lè, ki ga níì mii dɛ́nɛ í.

Ezekyɛli 18:21

«Syɛɛnpeew ga láʔa kapeegèle myɛ na wi kpéʔele lè, wi ga mii làlwaw kèlē ní sínni sámaga n cò, wi a tɔ̀nɔ́ kòro sìi na, wi a kùu í.

Ezekyɛli 33:11

Ki joo be ma mí be pye: ‹Mii woweew mɛ́ʔɛ na, Kàfɔw Yawe wi jo nya, syɛɛnpeew kùu kéele o nyɛ mii kanidaanna í, fwɔɔ syɛɛnpeew í wi tánʔaganmi fàli si kòro sìi na. Ye lúru yaa maa, ye lúru yaa maa, yé yele kobeegi yaʔa. Nyàʔá na gi yɛlɛ yele í kɔ́ kùu, Isirayɛli kpáagi wòolo?›

Ezekyɛli 33:12

Mɔ na, syɔɔn-pya, ki joo mɔ syɛɛnfelegi wòolo ma mí be pye: ‹Syɛɛnsinw sínnɛ a wi syɔɔ wi kapeele cângbeʔelege na í, syɛɛnpeew péemɛ a wɔ́ɔ wi yaʔa wi too cángee na wi ga láʔa wi péemi na lè í, àmɛɛ gi wɔ́ɔ̄ nyɛ lè syɛɛnsinw sínnɛ a gbǎn wi yaʔa wi kòro sìi na wi kapeeli cângbeʔelege na lè í.

Ezekyɛli 33:13

Lǎli ni mii ga syɛɛnsinw pye lè wi a kòro sìi na, á wi fala n wiyɛɛ daʔa wi sínni na níì kapeʔe kpéʔele, gee myɛ wi kpéʔele a gi sín lè, ki kàa faala a ní córo wi ma í, gee myɛ wi kpéʔele a gi kolo lè, koro kéeli na wi a kùu.

Ezekyɛli 33:14

Lǎli ni mii ga gi joo syɛɛnpeew ma lè níì jo: Mɔ a tɔ̀nɔ́ kùu wii! A wi láʔa wi kapeeli na, ní i táanri kányɛɛgi, ní sínni na,

Oze sɛ́bɛw 11:8

Kanmìí na mii a dée gbǎn mɔ yaʔa Efirayimi? Ba mɛ̀ɛ́ mii a dée gbǎn mɔ le kɔlɔ̀ ni, Isirayɛli? Kanmìí na mii a dée gbǎn mɔ kpéʔele àmɛɛ Adima nyɛ lè? Ba mɛ̀ɛ́ mii a dée mɔ kpéʔele àmɛɛ Seboyimi nyɛ lè? Mii fúngi n baa wáa n kàri, mii fúngi yárira myɛ i nyaʔami mii ni.

Amɔsi 5:15

Ye kapeeyi yaʔa yi yele bɛɛn, kacànbyeri si yele dɛ́nɛ. Yaa kútiisiɔn kúunri kpàánweeli na, dɔ̀ʔɔ́ Yawe Kolocɔlɔɔ wi lè Nyɛ̀ʔɛni Sùlasiibéle Kafɔlɔ, woro a nyinimɛ taa Zyozɛfu wóbèle na be kòro lè.

Zyonasi 4:2

A wi Yawe nyɛ́ɛri níì jo: «Ee Yawe, koro ban mii da ni nyuu lǎli ni mii sèʔê pye yaà lè mii tári ni ì? Koro yɛ́ʔɛ mii da ni ceri, koro na mii da ni fé ni syée Tarisiisi ma. Níì cán mii maa gi cán mɔ i nyɛ Kolocɔlɔwaa, wee wi nyɔɔgi syɔɔn na lè, ní wɔ́ɔ i nyinimɛ taagi, mɔ fúngi o taanri kelekele í, mɔ nyínimi n nɛʔɛ, mɔ i mɔ sɔngumi láari kapeʔe pyele na.

Làlwaw Kaanziin 32:36

Yawe a wi syɛ́ɛnbèle kútii joo, kàjáa wi a nyinimɛ taa wi falipyebèle na, lǎli ni wi ga gi nyaa a be fǎngi kwɔ́ɔ lè, syɔɔn faala ní o yaà, wee be cò lè wàlá wee be yaʔa lè í.

Jàbɔbèle 2:18

Lǎli ni Yawe ga jàbɔwaa télege be ma lè, Yawe i gáà pye ní jàbɔw ní bi be yirige pe nigoobèle kɔ́yɔ ni jàbɔw sìi canya myɛ ni. Níì cán àmɛɛ pe gáā cɛ́ɛn bele yɛ́ʔɛ ma pe fǎngi gbàn be na ní i be wɔʔɔ lè ki i gáà pye Yawe ma nyinimɛ.