Zyeremii 17:9 - Cebaara Bible 2010

⁹ Syɔɔn fúngi n kolo n sɔ̀lɔ yáriri myɛ na, sámagajànma o gi na í, wìí wi a gbǎn gi cán?

Zyeremii 17:9 Iomraidhean Croise

Sélimɛ 6:5

A Yawe baa gi nyaa syɔɔn péemi n tɔ̀nɔ n kpɔ́ʔɔ tári na n baa sɔ̀lɔ, á wi fúngi sɔ̀ngurɔ myɛ kòro kapeebyeri na canʔa o canʔa.

Sélimɛ 8:21

A Yawe sárigaw nùndaanna taa níì gi joo wiyɛɛ fúngi ni níì jo: «Mii a ní tári dánga syɔɔn kéeli na í. Ki i nyɛ kányɛʔɛ ncan syɔɔn sɔnguri n tɔ̀nɔ n pee nlaa yaà wi cárimi làla ni. Kàjáa mii a ní sìi yáriri myɛ kálagi bi yɛlɛ ní gi ní àmɛɛ mii gi kpéʔele lè lǎli naa ni í.

2 Samyɛli 11:15

Wi maa gi sɛ́bɛ sɛ́bɛw bee ni n jo: «Ye Urii lége kapɛɛnni tɛɛgbàndeele ni, yé láʔa wi na ye léeli jàngó pe wi kpúmɔn kpóo.»

Ŋúnuyi 51:5

Níì cán mii n mii kolomi kèlē cán, mii kapeeli si i nyɛ mii yɛ́ʔɛ ma làla o làla.

Ŋúnuyi 64:7

Pe i sìnzinmi kafɔngèlē sélegi, ní i gi nyuu níì jo: «Wolo katimanani n tɔ̀nɔ n foro!» Pe myɛ nibin nibin fúnyo kasɔngugēle n tɔ̀nɔ n cùru.

Kàseegèle 28:26

Wee wi wiyɛɛ daʔa wi tiimaa fúngi na lè, wi i nyɛ nilabalaɔ, wee si wi táanri ní sícilimɛ ní lè, wi a syɔɔ.

Syɛɛnjóow 9:3

Kapeegaa wéle gee yee myɛ nínge ni yi kpéʔele tári na lè, koro gi nyɛ ncan kanijanna i pe myɛ taagi. A gi wɔ́ɔ i nyɛ ncan syɔɔn ye fúnyi n nyìn kapeeyi na, á nidolimi si i nyɛ be fúnyi ni pe wéemi làla ni. Koro kàdoʔo ma pe n kári kúbèle tɛ́ʔɛ ma.

Ezayi 1:5

Sán pe a ní yele kpúmɔn, àmɛɛ yele ní i kàa fàrá yele céemi kèlē na lè? Nyǔngi wobogo i yáa, a fúngi myɛ i nyɛ wɔʔɔgɔ na.

Ezayi 1:6

N séli yédaagèle na n sáà nan nyǔngi na, yaama fun tɛ́ɛlɛ o yaà í, fwɔɔ kpàliyi, ní kpumɔnnamiyi, ní namikaayi, tiinmɛ ga pye yi na í. Yi ga pwɔɔ í, sìnmɛ ga taʔa yi na í.

Ezayi 6:10

Ki n yɛlɛ mi syɛ́ɛnbèle naa fúnyo gbàn, pe líiweegèle pɛɛn, mí be nyapiigèle tɔ́n, jàngó pe a kɔ́ ra nyaagi pe nyapiigèle ni í, pe a kɔ́ ra lúro pe líiweegèle ni í, pe a kɔ́ ra kérigèle cángi be fúnyi ni í, pe a kɔ́ kàri si pɔʔɔ í.»

Zyeremii 16:12

‹Yele si na, yele n ní baa kapeʔe pye n sɔ̀lɔ yele tóolɛɛbèle na. Wéle, yele myɛ nibin nibin n yeyɛɛ daʔa yele péemi zɔ̀ngbaɔn na, yele ga lóʔo mii ma í.

Zyeremii 7:24

Kàjáa pe ga lóʔo í, pe ga líiyi cáan í, fwɔɔ a be peyɛɛ daʔa láliiw, ní be funbeeyi kasɔngurɔ na. Pe n lúru kàdoʔo ma, pe ga kári yɛʔɛ ma í.

Matye 13:15

Níì cán syɛ́ɛnbèle naa fúnyo n tɔ́n, a be líiweegèle wɔ́ɔ̀ pɛɛn. A be wɔ́ɔ̀ be nyapiigèle tɔ́n, koro ga pye poro a kɔ́ ra nyaagi ge ni í, si wɔ́ɔ ra lúro be líiweegèle ni í, si wɔ́ɔ kérigèle cán be fúnyi ni í, si kɔ́ kàri, mii si be syɔɔ í.›

Matye 15:19

Níì cán dee di yìrigí lè syɔɔn fúngi ma, toro di nyɛ sɔ̀ngubeeri, ní syɛɛnkpoori, ní ceyuugi, ní nànyuugi, ní kanɔnʔɔbyeri, ní kàyuugi, ní jànvaaw séera, ní Kolocɔlɔɔ mɛ́ɛkalagiri ní,

Mariki 2:17

A Zyezu ga gee bee lóʔo, a wi be pye: «Bele be cólogo lè, pe màko o nyɛ lɔ̀ʔɔtɔrɔ na í, fwɔɔ bele be yáa lè. Mii ga pan ba syɛɛnsinbèle yeri í, fwɔɔ kapeebyebèle.»

Wɔrɔmi ye 1:21

níì cán pe n Kolocɔlɔɔ cán, koro ní ki myɛ ní pe ga fɔ̀lɔ bàā wi kpɔ̀ʔɔrɔ́ àmɛɛ gi yɛlɛ paa wi kpɔ̀ʔɔrɔ́ lè í, pe ga wɔ́ɔ̀ fɔ̀lɔ ni bariga kaangi wi ma í. Fwɔɔ a be be sɔ̀nguri taʔa nyùngo fun kérigèle na, a be sícilimɛ fun fúnyi wɔ́ɔ baa nyìn yébilimi na.

Wɔrɔmi ye 7:11

Níì cán kapeebyeri n kanmaa taa tundunri báriga ni n mii fáana n kpóo.

Efɛzi ye 4:22

ye gi cán ki n yɛlɛ yele í yele kanlɛɛmi yaʔa, pi da pye lè yele booma tánʔaganmi, kanlɛɛmi bee pi da kálagi lè ki laànitaagi báriga ni gi syɔɔn fáana ni pùuní lè,

Heburubèle 3:12

Yaa kɔ̀rɔsíi, ni senyɛ̀nnɛ, koro ga pye sìndagali sɔ̀ngubeere a kɔ́ jée yele wàa faala ni bi wi láʔa Kolocɔlɔɔ woweew na í.