Zyeremii 17:4 - Cebaara Bible 2010

⁴ Mɔ tiimaw a kɔlɔ̀ láʔa mɔ kɔ́rigi na, gee mii da kaan mɔ ma lè. Mii a mɔ yaʔa mɔ í pye mɔ nigoobèle púlo, táraa ni, dee di lè mɔ ga di cán í. Níì cán yele n mii fundanʔari náa le, ki si a kòro bàā có làla o làla.»

Zyeremii 17:4 Iomraidhean Croise

1 Fànʔafɔbèle 9:7

mii a Isirayɛli ye kwɔ́ɔ láʔa tásaligi na mii kaan be ma lè. Kpáagee mii yaʔa kɔlɔ̀ na niyɛɛ mɛ́ɛgi na lè, mii a gee bee núngo niyɛɛ taana bi wáa léelige. Isirayɛli a pye kàseele yáriga, ní yafaʔala,

2 Fànʔafɔbèle 25:21

A Babilɔni fànʔafɔw sáà be kpúmɔn n kpóo Iribila ni, Hamati tári ni. Kánmi bee na be Zyuda ye cò n yirige be tári ni n kári léelige.

Nehemii 9:28

Lǎli ni pe ŋɔ́ndaali taa lè, a be níì séli ni kapeeyi kpéʔele mɔ yɛ́ʔɛ ma. Lǎli bee ni, a mɔ be wáa n yaʔa pe nigoobèle kɔ́yɔ ni, a poro pye be nyúngi na. A be níì yákpogèle wáa mɔ kurugo, n mɔ yaʔa nyɛ̀ʔɛni na, a mɔ lóʔo be ma. Mɔ n be syɔɔ tɔlɔyɔ saʔa mɔ nyininɛʔɛmi báriga ni.

Ezayi 14:3

Cángee na Yawe ga mɔ ŋɔ́n n daa lè mɔ fɔrɔgi, ní mɔ fíige màʔani, ní pulogbanri na di taʔa mɔ na lè,

Ezayi 30:33

Nlaa yaà booma ni kàjegbɔnnɔ n sámaga n kwɔ́ɔ, li n sámaga fànʔafɔw kéele na, li taanigi n cùru níì kpɔ́ʔɔ, beè náagi nyín lè, ní kàjenɛʔɛrɛ ní. Yawe nyɔ́ɔgi káfalaga i gi náagi nii àmɛɛ dìrigí-nɛʔɛɔ nyɛ lè.

Ezayi 5:25

Koro na Yawe fundanʔari cò naà wi syɛ́ɛnbèle kánma na, a wi kɔ́gi sánʔa be kánmi na n be kpúmɔn. Nyanbeleyi i cɛ̀lɛ́, kúbèle si i nyɛ àmɛɛ kànyaʔara nyɛ lè kàlari-kóloyi ni. Koro ní gi myɛ ní, wi fundanʔari ga láʔa í, wi kɔ́gi sèʔé i nyɛ wozánʔaga ní.

Ezayi 50:11

Yele bele myɛ si ye naà le lè, níì yeyɛɛ màʔa ní naagbanga ŋáaya ní lè, yaa syée yele náagi ni, ní fúruw ni, ní yele naagbanga ŋáayi nínge ni yele le lè. Mii kɔ́gi gi gee bee taʔa yele na. Wɔʔɔgi ni yele a tìgí sínɛ.

Ezayi 66:24

Pe ga yiri lǎli ni lè pe a nǎnbèle kúcere nyaa, poro bele be mii cée lè. Níì cán pe fyɛ́ɛnri a kùu í, pe náagi si a wɔ́ɔ fígi bi nyaa í. Pe a pye syɛ́ɛnbèle myɛ yanibɛɛnmɛgɛ.»

Zyeremii 12:7

«Mii n mii kpáagi yaʔa, mii n mii kɔ́rigi cée n yaʔa, wee kéele li da mii dɛ́nɛ mii fúngi ni lè, mii n wi le wi nigoobèle kɔ́yɔ ni.

Zyeremii 15:14

Mii a mɔ kɔ́ri mɔ í sɔ̀lɔ bi kári ní mɔ nigoobèle ní, táraa ma, dee di lè mɔ ga di cán í, níì cán mii fundanʔari náa n le, ki i có yele kánmi na.»

Zyeremii 16:13

Mii a yele yirige tári naa ni bi wáa táraa ni, dee di lè yele ga di cán í, yele yoo, yele tóolɛɛbèle yoo. Bi yele yaʔa yaà beè, yele a ra kolocɔlɔbèle pèle nikwɔɔlɔ kpɔ̀ʔɔrɔ́ canʔa ní yébilige, níì cán mii a tée nyinimɛ taa yele na í.› »

Zyeremii 18:23

Mɔ si na, Yawe, kérigèle myɛ be tímana mii kéeli na jàngó bi mii taa kpóo lè, mɔ n ge cán. Mɔ a kɔ́ be kolomi kùsulugo syɔɔ í, mɔ a kɔ́ be kapeeli kurugo láʔa yaà mɔ yɛ́ʔɛ ma í! Ki n yɛlɛ pe kpírige too mɔ yɛ́ʔɛ ma! Keele tɛ́ʔɛ be na mɔ fundanʔari làla ni!

Zyeremii 2:14

«A Isirayɛli i nyɛ lé puloo, wàlá wee be see lè puloo? Nyàʔá na wi jée kolifɔbèle kɔ́yɔ ni?

Zyeremii 21:12

Davidi kpáagi wòolo! Yawe wi syɛ́ɛnri naa joo níì jo: Yaa kútiiw nyuu ní sínnɛ ní bi séli nyǐngi nyɔ́ɔ na, wee na be fǎngi gbàn lè, ye wi yirige wi wɔʔɔfɔw kɔ́yɔ ni, koro ga pye mii fundanʔari a kɔ́ folo cò àmɛɛ naà nyɛ lè bàā có bi pye syɔɔn a ní gbǎn di fígi í, yele nàʔabeemi kéele na.

Zyeremii 22:28

A Konyaw bee tɔ̀ʔɔ́ i nyɛ lé yale-nibɛɛnmɛgɛ, gee gi jaa lè? A wi i nyɛ lé yayigelege, gee gi syɔɔn bɛɛn lè? Nyàʔá na pe be wáa, woro ní wi yòdaʔayi ní, n be wáa táraa ni, dee di lè pe ga di cán í?

Zyeremii 5:19

«Lǎli ni pe ga gi joo lè níì jo: ‹Nyàʔá na Yawe wolo Kolocɔlɔw gee naa myɛ kpéʔele wolo na?› Mɔ a be pye, wi n jo: ‹Amɛɛ yele mii yaʔa lè ní i báara kolocɔlɔɔ-nibɔnbèle pèle ma yele tári ni, kánmi bee na yele a sa ra báara nibɔnbèle pèle ma táraa ni, dee di lè ti o nyɛ yele wóri í.›

Zyeremii 5:29

Mii si kòro lé kàa sìnbye ni kérigèle bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Zyeremii 7:20

Gee bee na Kàfɔw Yawe syɛ́ɛnri naa joo níì jo: ‹Wéle, mii fundanʔari, ní mii fundanʔagbɔɔri a too tɛ́ɛgi naa na, syɛ́ɛnbèle, ní yaweeri, ní sìnbirigi tíire, ní tári yasanra na. Ti a ra có bànvigi ni.›

Kayaagi Nyɛnigɛ 1:12

Yele bele myɛ ye sɔ̀lɔ́ kólogi ni lè ki felege ga kɔ́ɔ̀ kpéʔele yele na í. Ye wéle, ye gi nyaa, kapye mii wɔ́ʔɔgi félege i beè, koro gee gi taʔa mii na lè, gee Yawe taʔa mii na lè wi fundanʔari káfugbanga canʔa na.

Kayaagi Nyɛnigɛ 5:2

Wolo kɔ́rigi n kàriga n kaan nibɔɔnnɔ ma, wolo kpáayi n kaan niteleye ma.

Ezekyɛli 21:31

Kàfɔw Yawe wi syɛ́ɛnri naa joo níì jo: Nyùnbwɔɔgi a láʔa yaà, fànʔafɔ-nyùndɔnni a kɔ́n, kérigèle myɛ a fàli, wee wi tìgi táàma lè wi a yìri ǹjoʔo ma, wee wi yìri ǹjoʔo ma lè, wi a tìgi táàma.

Ezekyɛli 7:24

Syɛɛnfeleyi yi pee n sɔ̀lɔ lè, mii a yoro kɔ́ri yi pan jàngó yi ba be kpáayi syɔɔ taa. Mii a fànnɛʔɛgɛfɔbèle nɛ̀ɛgbɔʔɔgɔ kwɔ́ɔ, pe tɛɛcǎnyi a nɔ́nʔɔ.

Làlwaw Kaanziin 28:25

Yawe a gi yaʔa mɔ nigoobèle í mɔ jáa. Mɔ a yiri be kánmi na kologo nibin ni, mɔ si a ba fàn be yɛ́ɛgi na koloyo kɔrɔsiin ni, mɔ a pye fyáara yáriga tári fànya myɛ ma.