Zyeremii 17:3 - Cebaara Bible 2010

³ Mii sìnbirigi nyanbelege, mii i mɔ kɔ́lɔ yáriri, ní mɔ lɔ́ri tɛɛkɔnyɔ myɛ kaangi a be i fuguri ni lée n fàra mɔ sáriga-wòlo-tɛ́ɛyi na, mɔ kapeeli kéele na mɔ kpéʔele mɔ tásaligi myɛ na lè.

Zyeremii 17:3 Iomraidhean Croise

2 Fànʔafɔbèle 24:13

A wi Yawe kpáagi lɔ́rɔ tɛɛkɔnyɔ myɛ yirige yaà n fàra fànʔafɔw kpaʔa lɔ́rɔ tɛɛkɔnyɔ na. Tɛ́ɛw yárira myɛ Isirayɛli fànʔafɔw Salomɔn da sámaga Yawe kpɔ̀ʔɔrɔli kpaʔa ni lè, a wi dee bee myɛ cɛnɛ cɛnɛ àmɛɛ Yawe da gi joo lè.

Ŋúnuyi 78:58

Pe n syɛɛnfeleyi sáriga-wòlo-tɛ́ɛyɛ kéele tɛ́ʔɛ n wi fúngi tanʔa, níì be ǹdedanyi kéele tɛ́ʔɛ n kayaʔa wáa wi na.

Ezayi 27:9

Kánmi bee na Zyakɔbi kolomi kùsulugo fáli a kpéʔele, wéle, koro ni wi kapeeli kùsuluzyɔɔrɔ a taa, Yawe a wi sáriga-wòlo-yafaangi kàdɛnɛyɛ pye àmɛɛ piremɛ kadɛnɛyɛ nyɛ, yee yi kàriga lè támiige. Wi Asyera gàángèle, ní wi cángi kpɔ̀ʔɔrɔlɔ gàángéle a ní yére í.

Zyeremii 12:12

Kálagifɔbèle i nangi fìími tára dǎndama-wɔlɔgɔyɔ myɛ na, níì cán Yawe ŋɔséew i tári líi n séli láʔalee na n sáà nan lee na. Syɔɔn faala o nyɛ yɛɛ̀nyinge na í.

Zyeremii 15:13

Mii a mɔ lɔ́ri, ní mɔ lɔ́ri tɛɛkɔnyɔ kaan kawaʔa na pe fuguri bi láa mɔ kapeegèle myɛ kéele na, gele ge kpéʔele mɔ tásaligi myɛ na lè.

Zyeremii 20:5

Mii a kěgi naa lɔ́rɔ myɛ, ní gi yakɔnri myɛ, ní gi yacanri myɛ le kɔyɔ ni. Mii a Zyuda fànʔafɔbèle lɔ́rɔ tɛɛkɔnyɔ myɛ le pe nigoobèle kɔ́yɔ ni. Pe a di fuguri láa bi di koli kári Babilɔni ma.

Zyeremii 21:13

Wéle, mɔ ní mii cáan, mɔ wee wi nyɛ lè wodɛ́ɛɔn ní jǐnlɔgi ǹjoʔo ni, tɛɛfiigi fálaga na, Yawe wi jo nya, yele bele ye gi nyuu lè níì jo: Wìí syɔ́ɔn wi a tìgi bi pan wolo kánmi na? Wìí wi a jée wolo tɛɛkòroyi ni?

Zyeremii 26:18

«Mika wi pye lè Moresyɛti ye wów, wi maa ni kérigèle nyaagi ni nyuu Zyuda fànʔafɔw Ezekyasi lǎli ni, ní i gi nyuu Zyuda syɛ́ɛnbèle myɛ ma, níì jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Siyɔn a fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.›

Kayaagi Nyɛnigɛ 1:10

Kàsiitun-nyɛ́nw n kɔlɔ̀ taʔa wi lɔ́ri myɛ na. Syɛɛnfeleyee mɔ da jo lè yi a kɔ́ jée mɔ syɛɛnkpoʔolomi ni í wi n yee bee nyaa a yi i jǐn mɔ tɛɛcǎngi ni.

Ezekyɛli 16:39

Mii a mɔ le be kɔ́yi ni. Pe a mɔ kpaapiigèle cáan, bi mɔ sáriga-wòlo-tɛ́ɛgèle kálagi. Pe a mɔ búroyi wòlo mɔ na, bi mɔ fereri yárira láa si mɔ yaʔa níbori, wowaaɔ ní fée.

Ezekyɛli 23:46

Níì cán Kàfɔw Yawe wi syɛ́ɛnri naa joo níì jo: «Ki n yɛlɛ syɛɛnnɛʔɛmɛ í kpóʔoro pan be kánmi na, mii a be kaan fyáakpɔɔri ní fuguri-mí-láali ma.

Ezekyɛli 6:3

Mɔ a gi joo si jo: ‹Isirayɛli nyanbeleyi, ye Kàfɔw syɛ́ɛnrɛ lóʔo, ti lè Yawe syɛ́ɛnri! Kàfɔw Yawe wi syɛ́ɛnri naa joo nyanbeleyi, ní dǎndamayi ma, ní gòrógoroweeyi, ní jǐnlɔyi ma níì jo: Wéle, mii i ŋɔséew yiri ni maa yele kánmi na. Mii a yele sáriga-wòlo-tɛ́ɛyi kálagi.

Levii ye sáriga-wòlori 26:30

Mii a yele sáriga-wòlo-tɛ́ɛyi kálagi, bi yele cángi kpɔ̀ʔɔrɔlɔ gàángéle kpúmɔn cáan, si yele kúceri taʔa yele yasunguuyi na. Yele kéeli a ní pye mii fúngi ni í.

Misye 3:12

Koro na, yele kéeli na Siyɔn a tɔ̀nɔ́ fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.

Sofonii 1:13

Pe lɔ́ri a fuguri láa, pe kpáayi a kòro wowaaya ní. Pe a kpaaya faan, pe si a tɛ́ɛn yi ni í, pe a ɛrɛzɛn tírire cɔ́rɔ, pe si a gbaa di dùvɛɛnw na í.