Zyeremii 17:2 - Cebaara Bible 2010

² Kánmi bee na be pìíbèle a ra sɔ̀ngí da taagi pe sáriga-wòlo-yafaanyi, ní be Asyera tiikóriyi na, yi lè tiipiriyi taana, ní dǎndama-tɔ́nɔyi ǹjoyo ni.

Zyeremii 17:2 Iomraidhean Croise

2 Cányi kèlē 24:18

A be Yawe be toolɛɛbèle Kolocɔlɔɔ kpáagi yaʔa, ní sa ni báara Asyerabèle, ní yasunyi ma. A Kolocɔlɔɔ fundanʔari too Zyuda, ní Zyerusalɛmi ye na be péemi kéele na.

2 Cányi kèlē 33:19

Wi nyɛ́ɛrigi, ní kánmee na gi lóʔo wi ma lè, ní wi kapeeli, ní wi kolomi, ní tɛ́ɛyee ni wi sáriga-wòlo-tɛ́ɛyɛ sámaga lè, níì Asyera tiikóriyo yérige n fàra ǹdedanyi na sáni wi wiyɛɛ jɛ́rɛ lè, gee bee n sɛ́bɛ Hozayi sɛ́bɛw ni.

2 Cányi kèlē 33:3

Sáriga-wòlo-tɛ́ɛyi wi tóow Ezekyasi da cáan lè, a wi níì yee bee faan, níì sáriga-wòlo-yafaanya faan n yérige Baalibèle ma, níì Asyera tiikóriyo sámaga. A wi i nyɛ̀ʔɛni ŋɔripiigéle myɛ kpɔ̀ʔɔrɔ́, ní i báara ge ma.

Ŋúnuyi 78:58

Pe n syɛɛnfeleyi sáriga-wòlo-tɛ́ɛyɛ kéele tɛ́ʔɛ n wi fúngi tanʔa, níì be ǹdedanyi kéele tɛ́ʔɛ n kayaʔa wáa wi na.

Yirile 34:13

Ki si n yɛlɛ ye be sáriga-wòlo-yafaanyi cáan cáan, ye be yasunyi gàángéle tɔ́nʔɔnɔ, yé wɔ́ɔ ye be Asyera tiikóriyi cɛnɛ cɛnɛ.

Ezayi 1:29

«Lǎli bee ni terebɛnti tíiyi kéele li yele dɛ́nɛ lè, fɛ̀ɛrɛ a syɔɔn taa ní yi kéeli ní. Nángwɔɔbèle yele nyɛ́nɛ n wòlo lè, pe kéeli a pye yele ma nɔ́nkɔn.

Ezayi 17:8

Sáriga-wòlo-yafaanyee yi lè wi kɔ́yi yasamagaya wi yɛ́ɛgi a ní pye yee bee ni í, Asyera tiikóriyi ní cángi kpɔ̀ʔɔrɔlɔ gàángéle wi kabegèle sámaga lè, wi a ní da dee bee wéle í.

Zyeremii 2:20

«Nlaa yaà làridɔɔnnɔ ni mii n mɔ zúuw kabi, níì mɔ yapwɔɔri cɛnɛ. A mɔ gi joo níì jo: ‹Mii ní o caa bi pye puloo í.› Kàjáa mɔ i lɛ̀ɛlɛ́, dǎndama-tɔ́nɔyi myɛ na, ní tiipiriyi myɛ láara ni àmɛɛ nànjaacɔɔ̀ nyɛ lè.

Zyeremii 3:23

Kányɛʔɛ na, kàfulogi gi yìrigí dǎndamayi ní nyanbeleyi ma lè, ki i nyɛ jànvaa. Kányɛʔɛ na Yawe wolo Kolocɔlɔw má Isirayɛli syɔɔli nyɛ.

Zyeremii 3:6

A Yawe gi joo mii ma fànʔafɔw Zyozyasi lǎli ni níì jo: «Gee cêkalagigi Isirayɛli kpéʔele lè, a mɔ gi nyaa lé? Wi n kári nyanbe-nyundɔnɔyi myɛ ma, ní tiipiriyi myɛ láara ma, n sáà kanɔnʔɔri kpéʔele yaà beè.

Zyeremii 7:18

Jaafɔbèle i kàjeri caa, tofɔbèle si i náagi nii, cébèle si i míimi pírigi bi kàgbalaya sámaga nyɛ̀ʔɛni fànʔafɔjaa ma, si sáriga-yólogow wòlo kolocɔlɔ-nibɔnbèle ma, jàngó bi mii fúngi tanʔa.

Ezekyɛli 20:28

Mii n be tórigo tári ma, dee kéele na mii da kɔ́gi yìrigi lè níì kàli níì jo mii a di kaan be ma lè, a pe be nyapiigèle le dǎndama-tɔ́nɔyi myɛ, ní tiitɔnyi myɛ ni. Nɛɛ bee pe be sárigaw wòlo n be sárigaw yakaanya kaan yaà, yee yi da ni mii fúngi taanri lè, n be nùndaanni sáriga wòlo yaà, n be sáriga-yólogow wòlo yaà.

Làlwaw Kaanziin 12:2

«Syɛɛnfeleyee tára yele a syɔɔ taa lè, tɛ́ɛyee ni yi kpɔ̀ʔɔrɔli kpéʔele lè yi kolocɔlɔbèle ma, nyanbe-nyundɔnɔyi, ní dǎndamayi, ní tiipiriyi myɛ láara ni lè, yele a tɛ́ɛyi bee myɛ kálagi péw.

Jàbɔbèle 3:7

Gee gi pee Yawe nyɛ́nɛ na lè, a Isirayɛli ye i koro kpéʔele. Pe maa fɛ̀ʔɛ Yawe be Kolocɔlɔw na, ní i Baalibèle ní Asyerabèle kpɔ̀ʔɔrɔ́.