Zyeremii 17:12 - Cebaara Bible 2010

¹² Nìjanra fàngolo i yaà, lee li tɔnɔ n yìri lè ǹjogi ni nlaa sélimi na, koro gi nyɛ wolo tɛɛcǎngi.

Zyeremii 17:12 Iomraidhean Croise

Ŋúnuyi 103:19

Yawe n wi fàngoli sámaga n télege nyɛ̀ʔɛni na, wi fǎngi i nyɛ yáriri myɛ nyúngo na.

Ŋúnuyi 96:6

Nìjangbɔɔri, ní kpɔ́ʔɔri i nyɛ wi yɛʔɛ̀ ma, fǎngi, ní nìjangbɔɔri darigala i nyɛ wi tɛɛcǎngi ni.

Ezayi 6:1

Fànʔafɔw Ozyasi yɛɛguuli na, a mii Kàfɔw nyaa wodɛ́ɛɔn ní fàngolo na, lee li yìri ǹjogi ni lè gbanʔama, á wi búrogi táàma kpɔ̀ʔɔrɔli kpaʔa nyìn.

Ezayi 66:1

Yawe n jo: «Nyɛ̀ʔɛni li nyɛ mii fàngoli, tári si i nyɛ mii tɔdaʔagi. Kpaagìí si yele a gbǎn faan mii ma, ba tɛɛgìí ki a pye mii tɛɛ̀ŋɔndaagi?

Zyeremii 14:21

Mɔ mɛ́ɛgi kéele na, mɔ a kɔ́ faʔara wáa wolo na í, mɔ a kɔ́ mɔ nìjangbɔɔri fàngolo faʔa í! Sɔ̀ngi mi taa! Mɔ a kɔ́ mɔ joogaanni sàa ní wolo ní í!

Zyeremii 3:17

Lǎli bee ni pe a ra Zyerusalɛmi yiri «Yawe Fàngoli.» Syɛɛnfeleyi myɛ a ra kpóʔoro yaà Yawe mɛ́ɛgi na Zyerusalɛmi ma. Pe a ní peyɛɛ daʔa pe funbeeyi nàʔagbanma na í.

Ezekyɛli 1:26

Yarigaa n pye nyɛ̀ʔɛnɛ niwirigi bee ǹjoʔo ni gi pye yi nyúnyi ni lè, ki maa safiiri wíri. Ki kánmi maa pye àmɛɛ fàngolo nyɛ lè, wàa si maa pye fàngoli bee niwirige na àmɛɛ nàɔn nyɛ lè.

Ezekyɛli 43:7

Wi n mii pye: «Syɔɔn-pya, nɛɛ naa wi nyɛ mii fàngoli tɛ́ʔɛ, tɛ́ɛgee ni mii a mii yédaagèle taʔa lè. Beè mii a tɛ́ɛn kòro kwɔ́ɔmɔ fun Isirayɛli ye níngi ni. Isirayɛli kpáagi wòolo, ní be fànʔafɔbèle a ní mii mɛ́ɛcǎngi nɔ́nʔɔ ní be kanɔnʔɔri, ní be fànʔafɔbèle woguubéle ní, pe sáriga-wòlo-tɛ́ɛyi ni í.

Matye 25:31

«Lǎli ni Syɔɔn-pya ga pan lè ní wi nìjangbɔɔri ní n fàra nyɛ̀ʔɛni tundunbéle myɛ na, lǎli bee ni wi a ba tɛ́ɛn wi nìjangbɔɔri fàngolo ni.

Heburubèle 12:2

Ki n yɛlɛ wolo í wolo nyapiigèle le Zyezu ni wi lè wolo tágali sélimɛfɔlɔ ní li forofɔw. Amɛɛ wi nyɛnɛ da pye lè fundaanri na, dee Kolocɔlɔɔ da tɛ́ʔɛ wi yɛʔɛ̀ ma lè, koro na wi kpàraco níì kùu tiiparigi na, wi ga gi córo fɛ̀ɛrɛ kéele í, koro kàdoʔo ma a wi sáà tɛ́ɛn Kolocɔlɔɔ fàngoli kàliige ma.

Heburubèle 4:16

Gee bee na wolo màko ga pye dɛ̀ɛmɛnɛ na lǎlee ni lè, ki n yɛlɛ wo nùuni ní nànzorodo ní fàngoli fɔ́lɔ na, woro wee wi kpɔ́ʔɔri kaangi lè, koro ga pye wi nyinimɛ taa wolo na si kpɔ́ʔɔri kaan wolo ma lǎli bee ni.

Tɛ̀ɛnnɛ 3:21

Wee wi ga fànʔa taa lè, mii a wee bee yaʔa wi tɛ́ɛn mii taana mii fàngoli ni, àmɛɛ mii wɔ́ɔ̀ fànʔa taa lè ní sáà tɛ́ɛn mii Tóow taana wi fàngoli ni lè.