Zyeremii 17:1 - Cebaara Bible 2010

¹ «Zyuda kapeeli n sɛ́bɛ ní tunmɔrɔ ŋáana, ní lúlu ŋáafirigege ní. Li n kánʔana n wòlo pe fúnyi kàlagorigēle na ní yele sáriga-wòlo-yafaanyi nyɛ́ngéle na.

Zyeremii 17:1 Iomraidhean Croise

Kàseegèle 3:3

Ki ga yɛlɛ funjǎngi ní kányɛɛgi í mɔ yaʔa í. Di pwɔɔ mɔ yátiigi ni, di sɛ́bɛ mɔ fúngi kàlagolo na.

Kàseegèle 7:3

Di pwɔɔ mɔ kabegèle na. Di sɛ́bɛ mɔ fúngi kàlagolo na.

Ezayi 49:16

Koro na wéle, Siyɔn, mii n mɔ sɛ́bɛ mii kadaagèle ni. Mɔ gúnyi kéele a tée yiri yaà mii yɛ́ʔɛ ma í.

Zyeremii 11:13

Níì cán mɔ kolocɔlɔbèle n nɛʔɛ àmɛɛ mɔ keyi nyɛ lè, Zyuda! Sáriga-wòlo-yafaanya i mɔ ma, yee yi nɛʔɛ n pye àmɛɛ mɔ kalari-kóloyi nyɛ lè Zyerusalɛmi, sáriga-wòlo-yafaanya, bàā nùndaanni yáriga sórogi yi na fɛ̀ɛ́ri yáriga Baali ma.›

Zyeremii 2:22

Alí mɔ ga yajeenɛʔɛgɛ le gbǎnga ni n tɛ́ʔɛ n miyɛɛ jée kanma o kanma na, mɔ kolomi a sèʔé kòro yaà mii yɛ́ʔɛ ma,» Kàfɔw Yawe wi jo nya.

Zyeremii 31:33

«Kàjáa joogaanni mii a kpéʔele ní Isirayɛli kpáagi wòolo ní lè cányi bee kàdoʔo ma, loro li nyɛ lee naa,» Yawe wi jo nya, «mii a mii làlwaw lége be fúnyi ni, mii a wi sɛ́bɛ pe zɔ̌nbèle na, ki a ní pye kàdɛnɛgɛ kàlagorigēle na í. Mii a pye be Kolocɔlɔw, pé pye mii syɛ́ɛnbèle.

Zyeremii 4:14

Péemi pɛ́ɛ mi yirige mɔ fúngi ni, Zyerusalɛmi, koro ga pye mɔ í syɔɔ! Làla jòorí mɔ a kwɔ́ɔ nya wodɛ́ɛɔn ní mɔ fúngi sɔ̀ngubeere ni?

Oze sɛ́bɛw 12:11

Mii n joo kanyaajoobèle ma, mii n yanyaayi nɛʔɛ, mii n kàseegéle joo kanyaajoobèle nyɔ́ɔyɔ ni.»

Oze sɛ́bɛw 7:2

Pe si o gi nyuu peyɛɛ ma be fúnyi ni n jo mii i sɔ̀ngí ni taagi poro péemi myɛ na í. Tɔ́ɔliw ni pe kapyegèle si n be màʔa n kpàra, mii nyɛ́nɛ i nyɛ ge na.

Oze sɛ́bɛw 8:11

Efirayimi n sáriga-wòlo-yafaanyi nɛʔɛ kapeebyeri mɛ́ʔɛ na, yi ga yafyɛn nyɔɔ wi na kapye n wi lége kapeebyeri ni ban í.

Levii ye sáriga-wòlori 4:25

Sáriga-wòlow a kapeeli kùsulugo sáriga yaweele sisyaanwaa tàmi ní wi kabeli ní bi taʔa sáriga-sórigow sáriga-wòlo-yafanʔa nyɛ́ngéle na, wí sìsyaansanw wo sáriga-sórigow sáriga-wòlo-yafanʔa nɔ́ʔɔ ma.

Zakarii 7:12

Pe n be zɔ̌nbèle nìri àmɛɛ jaman nyɛ lè, koro ga pye poro a kɔ́ ra làlwaw syɛ́ɛnrɛ lúro í, ní syɛ́ɛnri Nyɛ̀ʔɛni Sùlasiibéle Kafɔlɔ Yawe tórigo naa poro ma wi Pǐli báriga ni lè, dee wi kaan wi kanyaajoo-sélibèle ma a be joo lè. A koro pye sábabu á Nyɛ̀ʔɛni Sùlasiibéle Kafɔlɔ Yawe fúngi tanʔa gbanʔama.

2 Korɛnti ye 3:3

Ki n tɔ̀nɔ n fílige ncan yele i nyɛ Kirisi sɛ́bɛw, wee wi sɛ́bɛ lè wolo fáliw báriga ni, wi ga wi sɛ́bɛ ní sɛ́bɛkaanna ní í, fwɔɔ ní Kolocɔlɔɔ woweew Pìle ní. Wi ga wɔ́ɔ̀ wi sɛ́bɛ kàdɛnɛyɛ kàlagorigēle na í, fwɔɔ syɔɔn fúngi kàlagolo na wi wi sɛ́bɛ.