Zyeremii 16:4 - Cebaara Bible 2010

⁴ «Yaama a be kpóo. Pe kùúyi a le í, pe a nyanya taa í. Pe a pye kariga tári na. Ŋɔséew, ní kateekpɔɔgi a be kwɔ́ɔ. Pe kúceri a pye kaara nyɛ̀ʔɛni féjɛɛnrɛ ní tári yaweere ma.»

Zyeremii 16:4 Iomraidhean Croise

2 Fànʔafɔbèle 9:10

Pɔ́nbèle pe a Zyezabɛli káa Zyizireyɛli kàjegi ni, syɔɔn a wi taa tɔ́n í.› » Koro kàdoʔo ma a wi kpáagi múgu níì yiri n fàn n kári.

Ŋúnuyi 78:64

Ŋɔsée n be sáriga-wòlobèle kpóo n cáan, pe lɔgucebèle si ga be kùúgi nyɛni í.

Ŋúnuyi 83:10

Gee mɔ kpéʔele Madyan na lè, ní gee mɔ kpéʔele Sisera, ní Yabɛn na lè Kisyɔn lòcoologi nyɔ́ɔ na, ki n yɛlɛ mi koro félege kpéʔele be na!

Ezayi 18:6

Pe myɛ a pínɛ bi yaʔa kaàjɔɔ-féjɛɛnri ma di nyɛ lè nyanbeleyi na, ní tári yaweere ma. Kaàjɔɔ-féjɛɛnri a ra be jóori wɔ̀ɔ́gi làla ni, tári yaweere myɛ sáā be káa wéeri làla ni.

Ezayi 5:25

Koro na Yawe fundanʔari cò naà wi syɛ́ɛnbèle kánma na, a wi kɔ́gi sánʔa be kánmi na n be kpúmɔn. Nyanbeleyi i cɛ̀lɛ́, kúbèle si i nyɛ àmɛɛ kànyaʔara nyɛ lè kàlari-kóloyi ni. Koro ní gi myɛ ní, wi fundanʔari ga láʔa í, wi kɔ́gi sèʔé i nyɛ wozánʔaga ní.

Zyeremii 19:7

Tɛ́ɛgi bee ni mii a Zyuda ye ní Zyerusalɛmi ye katimanani kálagi. Mii a gi yaʔa ŋɔséew í be kpóo cáan pe nigoobèle yɛ́ʔɛ ma, ní bele pe be sìikwɔɔri caa lè, bele bee kɔ́yɔ í be kpóo. Mii a be kúceri kaan nyɛ̀ʔɛni féjɛɛnrɛ, ní tári yaweere ma ti lìile.

Zyeremii 21:6

Mii a kěgi naa wòolo kpúmɔn, syɛ́ɛnbèle ní yaweeri. Káfalaga yáabeemɛ a be kpóo.

Zyeremii 25:33

Bele Yawe a kpóo cángi bee na lè pe a pye yaà, bi séli tári láʔalee na bi sa nan lee na, pe kùúyi a le í, pe a be kúceri láa í, pe a tɔ́n í. Pe a pye kariga tári na.

Zyeremii 34:17

Gee bee na Yawe syɛ́ɛnri naa joo níì jo: ‹Yele ga fɔ̀lɔ n lóʔo mii ma í, á syɔɔn o syɔɔn wi senyɛnnɛ, ní wi syɛɛnnyɛnnɛ yaʔa wɔ́rɔɔ í. Awá, mii a ŋɔséew, ní káfalagi yáama, ní kateekpɔɔgi sánʔa yaʔa yele kánmi na, Yawe wi jo nya. Mii a yele kpéʔele fyáakpɔɔrɔ yáriga tári fànya myɛ ma.

Zyeremii 34:20

mii a be le pe nigoobèle kɔ́yɔ ni, bele kɔ́yɔ ni pe be sìikwɔɔri caa lè, pe kúceri a pye lìile nyɛ̀ʔɛni féjɛɛnrɛ, ní tári yaweere ma.

Zyeremii 36:30

Koro na Yawe syɛ́ɛnri naa joo Zyuda fànʔafɔw Yehoyakimi kánmi na, níì jo: Wi syɔɔnwaa faala a tée tɛ́ɛn Davidi fàngoli na í, wi kúceri si a cáan yaʔa káfugi ni, cángi làla ni, ní wéeri ni, yébiligi làla ni.

Zyeremii 44:12

Mii a Zyuda wogorobèle kɔ́ri, poro bele pe gi kɔ̀rirɔ n tímana bi kári Ezyipiti tári ma lè, jàngó bi sa tɛ́ɛn yaà, pe myɛ a kwɔ́ɔ yiri yaà Ezyipiti tári ni. Ŋɔséew ní kateekpɔɔgi a be cáan. Pe a kwɔ́ɔ, bi séli wobiigèle na bi sa nan wogbolobèle na. Ŋɔséew ní kateekpɔɔgi a be kpóo. Pe a pye kàliga yáriga, ní funwɔɔrɔ yáriga, ní dánga yáriga, ní yafaʔaga.

Zyeremii 44:27

Wéle, mii nyɛ́nɛ a pye be na pe wɔʔɔgɔ kéele na, pe nyɔɔmɔ kéele na ban í. Zyuda nǎnbèle myɛ be nyɛ lè Ezyipiti tári ni, ŋɔséew, ní kateekpɔɔgi a be kwɔ́ɔ péw.

Zyeremii 7:33

Syɛ́ɛnbèle naa kúcere a pye nyɛ̀ʔɛni féjɛɛnrɛ ní tári yaweere liile. Wàa faala a taa bàā di fúuro í.

Zyeremii 9:22

Yawe wi syɛ́ɛnri naa joo níì jo: «Síciliw a kɔ́ ra wiyɛɛ gbɔ́ʔɔgi wi sícilimi kéele na í, nànniriw a kɔ́ ra wiyɛɛ gbɔ́ʔɔgi wi nìrili kéele na í, lɔrɔfɔw a kɔ́ ra wiyɛɛ gbɔ́ʔɔgi wi lɔ́ri kéele na í.

Kayaagi Nyɛnigɛ 4:9

Ŋɔséew wogboobéle n pɔ́rɔ n sɔ̀lɔ kateegi wogboobéle na, pe fǎngi i kwóo, pe n waʔa gbanʔama séyi yaliire fɔnnɔ báriga ni.

Ezekyɛli 24:21

‹Ki joo Isirayɛli kpáagi wòolo ma mí be pye: Kàfɔw Yawe wi syɛ́ɛnri naa joo níì jo: Wéle, mii a mii tɛɛcǎngi kálagi, ki lè yele nɛ̀ɛgbɔʔɔgi fànʔa, ní yele nyapiigèle yanidaanmaga, ní yele fúnyi tàmaga yáriga. Yele nànbiigèle ní yele calipiigèle yele kári níì yaʔa lè, ŋɔséew a ge kpóo cáan.

Ezekyɛli 5:12

Káfalagi yáama, ní kateekpɔɔgi a mɔ syɛ́ɛnbèle tílataanri wógaa kpóo mɔ níngi ni, ŋɔséew si tílagee kpóo cáan bi mɔ màʔa, mii si gee cariga bi tórigo káfalagi kàbanya myɛ na, si ŋɔséew kɔ́n bi taʔa be na.

Sofonii 1:17

Mii a syɔɔn ye le wɔʔɔgi ni, pe a ra táanri àmɛɛ fúunbéle nyɛ lè, níì cán pe n kapeele pye Yawe na. Mii a be sìsyaanw wo àmɛɛ támiige nyɛ lè, pe céri a pye kànyaʔara.

Làlwaw Kaanziin 28:22

Yawe a mɔ kpúmɔn ní waʔari yáama, ní nyínmi, ní cenyɛʔɛri-yáami, ní káfugbangi, ní wáami ní, n fàra tátɔɔnw ní yaliiri fɔnʔɔnɔ na, dee bee a pye mɔ kurugo fwɔɔ bi taa mɔ í kwɔ́ɔ yiri yaà.

Làlwaw Kaanziin 28:26

Mɔ woguuw a pye nyɛ̀ʔɛni féjɛɛnrɛ myɛ ní tári yaweere myɛ lìile, syɔɔn faala a taa bi di fúuro í.