Zyeremii 16:3 - Cebaara Bible 2010

³ Níì cán syɛ́ɛnri naa Yawe joo calipiigèle ní nànbiigèle kéele na ke a see tɛ́ɛgi naa ni lè, ní ge nɔ́ɔbèle kéele na, bele pe a ge see lè, ní ge tóobèle kéele na, bele pe a ge see tári naa ni lè:

Zyeremii 16:3 Iomraidhean Croise

Zyeremii 15:8

Mii a gi yaʔa pe lɔgucebèle í nɛʔɛ bi sɔ̀lɔ sólomi lɔ̀ʔɔ táminyɔɔ na. Mii a pan ní kálagifɔw ní cânvulɛɛlɛ na bi ba cáan nìgɔcaribèle nɔ̀ɔnɔ na. Mii a nyáʔamina ní fyáakpɔɔrɔ pàla bi cáan be na.

Zyeremii 16:2

«Mɔ a kɔ́ cɔlɔɔ láa í, nànbile wàlá calipile a kɔ́ pye mɔ ma tɛ́ɛgi naa ni í.»

Zyeremii 16:5

Yawe n syɛ́ɛnri naa joo níì jo: «Mɔ a kɔ́ jée kpaagaa ni, beè be nyaan kpóō na lè í, mɔ a kɔ́ kári kùugo tɛ́ʔɛ ma í, mɔ a kɔ́ ra be kéeli yáa í. Níì cán mii n mii yɛɛ̀nyingi láʔa syɛ́ɛnbèle naa na, n fàra mii funjǎngi, ní mii nyínimi na,» Yawe wi jo nya.

Zyeremii 16:9

Níì cán Nyɛ̀ʔɛni Sùlasiibéle Kafɔlɔ Yawe wi lè Isirayɛli Kolocɔlɔw, woro wi syɛ́ɛnri naa joo níì jo: ‹Wéle! Mii a mugurumi ŋúnuyo, ní fundaanri ŋúnuyo, ní cefɔnw fɔ́lɔ, ní cefɔnw ŋúnuyo ceri tɛ́ɛgi naa ni, yele nyɛ́nɛ na ní yele lǎli ni.›

Zyeremii 6:21

Koro na Yawe syɛ́ɛnri naa joo níì jo: «Wéle, mii a kàdɛnɛ-gbírigeye tɛ́ʔɛ syɛ́ɛnbèle naa yɛ́ʔɛ ma, yee na tofɔbèle ní jaafɔbèle, ní kètɛnɛnyɛnbèle, ní tàannyɛnbèle a pínɛ da kpírigi da tuun lè. Pe a ra kúu.»

Ezekyɛli 24:21

‹Ki joo Isirayɛli kpáagi wòolo ma mí be pye: Kàfɔw Yawe wi syɛ́ɛnri naa joo níì jo: Wéle, mii a mii tɛɛcǎngi kálagi, ki lè yele nɛ̀ɛgbɔʔɔgi fànʔa, ní yele nyapiigèle yanidaanmaga, ní yele fúnyi tàmaga yáriga. Yele nànbiigèle ní yele calipiigèle yele kári níì yaʔa lè, ŋɔséew a ge kpóo cáan.