Zyeremii 15:9 - Cebaara Bible 2010

⁹ Céwee wi da nànbiigéle kɔrɔsiin see lè, wi bárigaw n kwɔ́ɔ, wi i nyɛ kúkoliw na. Wi cángi n too n cángi yaʔa sìngwɔɔ ni. Fɛ̀ɛrɛ n wi tɔ́n, faʔara n too wi na. Bele be kòro lè mii a be le ŋɔséew kɔ́yɔ ni pe nigoobèle yɛ́ʔɛ ma,» Yawe wi jo nya.

Zyeremii 15:9 Iomraidhean Croise

Ezayi 47:9

Yáriyi naa siin a nan mɔ na làla nibin ni, cannijanga ni, yoro yi nyɛ pìíbèle fɔ̀nnɔ, ní bi pye lɔgucaa. Kérigèle bee a too mɔ na, mɔ dɛɛmi kapyenɛʔɛrɛ ní gi myɛ ní, ní mɔ séew kanyaajooro ní gi myɛ ní.

Zyeremii 19:7

Tɛ́ɛgi bee ni mii a Zyuda ye ní Zyerusalɛmi ye katimanani kálagi. Mii a gi yaʔa ŋɔséew í be kpóo cáan pe nigoobèle yɛ́ʔɛ ma, ní bele pe be sìikwɔɔri caa lè, bele bee kɔ́yɔ í be kpóo. Mii a be kúceri kaan nyɛ̀ʔɛni féjɛɛnrɛ, ní tári yaweere ma ti lìile.

Zyeremii 21:7

Koro kàdoʔo ma Zyuda fànʔafɔw wi lè Sedesyasi, ní wi falipyebèle, ní syɛ́ɛnbèle bele pe ga kòro kěgi naa ni lè káfalagi yáama, ní ŋɔséew, ní kateekpɔɔgi kàdoʔo ma, mii a be le Babilɔni fànʔafɔw Nebukadinezari kɔ́yi ni, ní be nigoobèle kɔ́yɔ ni, ní bele kɔ́yɔ ni pe be sìikwɔɔri caa lè. Wi a be kpúmɔn kpóo ní ŋɔséew nyɔ́ɔ ní, nyinimɛ fun, ní cɔɔnrimɔ fun, ní tɔʔɔlɔmɔ fun,› Yawe wi jo nya.

Zyeremii 44:27

Wéle, mii nyɛ́nɛ a pye be na pe wɔʔɔgɔ kéele na, pe nyɔɔmɔ kéele na ban í. Zyuda nǎnbèle myɛ be nyɛ lè Ezyipiti tári ni, ŋɔséew, ní kateekpɔɔgi a be kwɔ́ɔ péw.

Zyeremii 50:12

Fɛ̀ɛkpɔɔrɔ n yele nɔ́ɔw taa. Wee wi yele see lè wi nyúngi n jùngu, wi wéle wee syɛɛnfeleyi myɛ kàdotɔɔn, fìimɛ tára dii, waama tára, ní tɛɛwaʔa gii.»

Zyeremii 6:4

«Ye yeyɛɛ zámaga ye too wi na. Ye yìri! Ye waa lúru cânvulɛɛli làla ni! Wɔʔɔlɔ i wolo na, cángi i tíri n kwɔ́ɔ, cângwɔɔgi nyɔ́ɔ kànyingéle i tɔnɔgi ni syée.

Zyeremii 7:19

Mii fúngi lé be taanri? Yawe wi jo nya. Koro o nyɛ pe tiimaa kéele na ì, pe tiimaa fɛ̀ɛrɛ kéele na ì?

Kayaagi Nyɛnigɛ 1:1

Hàán! Ki n tɛ́ɛn gee ki nibin, kěgi bee ni syɛɛnnɛʔɛmɛ da pye lè! Ki n baa kàri n pye àmɛɛ lɔgucaa nyɛ lè, koro gee ki da kpɔ́ʔɔ syɛɛnfeleyi nínge ni lè. Ki maa pye fànʔafɔlɔ jáa, wi lè cɔlɔɔ, tátɛɛyi nínge ni. Ki si i nyɛ tɔ́ɔliw ni pɔrɔtɔɔri fáli na.

Kayaagi Nyɛnigɛ 4:10

Cébèle bee nyínimɛ pi da nɛʔɛ lè, pe kɔ́yi yi be pìíbèle sɔʔɔ. Pe n pye be ma lìile mii syɛ́ɛnbèle cálipile làrigalagila ni.

Ezekyɛli 5:12

Káfalagi yáama, ní kateekpɔɔgi a mɔ syɛ́ɛnbèle tílataanri wógaa kpóo mɔ níngi ni, ŋɔséew si tílagee kpóo cáan bi mɔ màʔa, mii si gee cariga bi tórigo káfalagi kàbanya myɛ na, si ŋɔséew kɔ́n bi taʔa be na.

Ezekyɛli 5:13

Mii fundanʔari a kári fwɔɔ sa nan láʔali na. Mii a mii fundanʔagbɔɔri cáan be na mii fúngi si tìgi, mii a niyɛɛ fúngi nyíngi, pe a gi cán bi cán mii Yawe wi gi joo ní yejaʔa ní, níì gi kpéʔele be na fwɔɔ n sáà nan mii fundanʔagbɔɔri láʔala na.

1 Samyɛli 2:5

Bele pe da lìi n tín lè, poro n jée fali ni ni lìile caa. Bele si na kateegi da pye lè, á poro ŋɔ́n n daa. Alí cenaa-sìnzeew n see n taa kɔrɔsiin. Céwee si wi da nànbiinɛʔɛri see lè, á woro fána.