Zyeremii 15:8 - Cebaara Bible 2010

⁸ Mii a gi yaʔa pe lɔgucebèle í nɛʔɛ bi sɔ̀lɔ sólomi lɔ̀ʔɔ táminyɔɔ na. Mii a pan ní kálagifɔw ní cânvulɛɛlɛ na bi ba cáan nìgɔcaribèle nɔ̀ɔnɔ na. Mii a nyáʔamina ní fyáakpɔɔrɔ pàla bi cáan be na.

Zyeremii 15:8 Iomraidhean Croise

Ezayi 3:25

Ŋɔséew a ra mɔ nanbèle kúu da cáan, mɔ nanniribèle si kòro kapɛɛnni ni.

Ezayi 3:26

Siyɔn kpàánweegèle a ra cɛ́ɛn si pye kùu káyaʔa na. Wi wowaaw a tɛ́ɛn tári na.

Ezayi 4:1

Càbala kɔrɔsiin a nàɔn nibin cò cángi bee na si wi pye: «Wolo a ra wolo lìíli caa woyɛɛ ma, si wɔ́ɔ ra wolo buroleyi caa woyɛɛ ma. Ki yaʔa mɔ mɛ́ɛgi í tɛ́nɛ taʔa wolo na! Wolo fɛ̀ɛ́ri láʔa wolo na!»

Zyeremii 16:3

Níì cán syɛ́ɛnri naa Yawe joo calipiigèle ní nànbiigèle kéele na ke a see tɛ́ɛgi naa ni lè, ní ge nɔ́ɔbèle kéele na, bele pe a ge see lè, ní ge tóobèle kéele na, bele pe a ge see tári naa ni lè:

Zyeremii 18:21

Koro na pe jáabèle kaan kateekpɔɔgi ma, pe ŋɔrigɔ mi wáa ŋɔséew nyɔ́ɔ ma, ki n yɛlɛ pe cébèle í bɔ̀nɔ pìibēle ni, si pye lɔgucaala, káfalagi yáama í be nǎnbèle kpóo. Ki n yɛlɛ ŋɔséew í be nìgɔcaribèle kpúmɔn kpóo kapɛɛnni làla ni!

Zyeremii 22:7

Mii a kálagifɔɔlɔ nyɛ́nɛ wòlo mɔ kánmi na, pe myɛ nibin nibin a pye ní be kapɛɛnkpumɔn-yárira ní. Pe a mɔ sɛdiri tiicandeleri kpúmɔn, si di wáa náagi ni.

Zyeremii 4:16

Ye syɛɛnfeleyi sɔ̀ngi ye taa gee naa na, ye gi jáari Zyerusalɛmi kánmi na ye jo: Kàsiitun-nyɛ́nbèle n yìri táleelire ma ni maa. Pe i yákpogèle wáa Zyuda kěyi kánma na.

Zyeremii 5:6

Koro na kɔligi càaraɔ tuun be na, tɛɛfiiyi gbàʔā i be sulugu sulugu. Sèdew i làrá be kěyi taana ni be sigi, bele myɛ pe ga ni yirigi yi ni lè, pe a sulugu sulugu. Níì cán be céemi kèlē n nɛʔɛ. Kàa n fàra pe námara kérigèle na.

Zyeremii 6:26

Mii syɛ́ɛnbèle calipile, gɔ̀nvaʔaga le burogo, máā kòlogí cɔ́ɔngi ni, pye kùu káyaʔa na móō pìinibinge kuugo gii, máā nyaan maa peele gbanʔama! Níì cán kálagifɔw i maa ba pàla bi too wolo na.

Kayaagi Nyɛnigɛ 5:3

Wolo n kàri n pye círibéle, tofɔlɔ fun. Wolo nɔ́ɔbèle i nyɛ àmɛɛ lɔgucaala nyɛ lè.

Ezekyɛli 22:25

Wi kanyaajoobèle i nyɔɔkuunro kpéʔele wi níngi ni. Kánmee na càaraɔ kaana, wee wi wi kaacǒri sulugu lè, kánmi bee na be syɛ́ɛnbèle káa, pe i lɔnɛʔɛri, ní yacanri nɛnɛ ni syoo, pe i lɔgucebèle nɛʔɛgi wi ni.

Oze sɛ́bɛw 4:5

Mɔ a kpírige too cángi làla ni, kanyaajoow ní mɔ a kpírige too yébiligi ni, mii si mɔ nɔ́ɔw kpóo.

Luki 21:35

àmɛɛ karinyanga gáà yarigaa cò lè, níì cán ki a kɔ́ ba pàlá nan syɛ́ɛnbèle myɛ na be nyɛ lè wodɛ́ɛnbéle ní dulunyanw tɛ́ɛyɛ myɛ ni.