Mɔ a be fɛɛ ní ségbanna ní, káfalagi a be láa kári, káfala-sìnjinnɛ a be cariga. Mɔ si na, mɔ a ra fundaanra kpéʔele Yawe ni, mɔ a ra miyɛɛ gbɔ́ʔɔgi Isirayɛli Wojanw ni.
Koro na pe jáabèle kaan kateekpɔɔgi ma, pe ŋɔrigɔ mi wáa ŋɔséew nyɔ́ɔ ma, ki n yɛlɛ pe cébèle í bɔ̀nɔ pìibēle ni, si pye lɔgucaala, káfalagi yáama í be nǎnbèle kpóo. Ki n yɛlɛ ŋɔséew í be nìgɔcaribèle kpúmɔn kpóo kapɛɛnni làla ni!
Kányɛɛgi ban mɔ nyapiigèle caa bi nyaa ì, Yawe? Mɔ n be kpúmɔn, ki ga yafyɛn pye be na í. Mɔ n naà taʔa be na, pe ga fɔ̀lɔ tamani na í. Pe n be yɛ́ɛyi waʔa n sɔ̀lɔ fálaya na, pe ga fɔ̀lɔ n kàri í.
Ki joo mí jo: «Syɛ́ɛnri naa Yawe joo níì jo: ‹Syɛ́ɛnbèle kúcere a too àmɛɛ kariga nyɛ lè séyi ni, ní àmɛɛ yaliipwɔɔlɔ nyɛ lè yaliilaaɔ kadoʔo ma, wàa o li lée í!› »
‹Ki joo Isirayɛli kpáagi wòolo ma mí be pye: Kàfɔw Yawe wi syɛ́ɛnri naa joo níì jo: Wéle, mii a mii tɛɛcǎngi kálagi, ki lè yele nɛ̀ɛgbɔʔɔgi fànʔa, ní yele nyapiigèle yanidaanmaga, ní yele fúnyi tàmaga yáriga. Yele nànbiigèle ní yele calipiigèle yele kári níì yaʔa lè, ŋɔséew a ge kpóo cáan.
Mɔ si na, syɔɔn-pya, tága gi na cángee na mii a gi syɔɔ lè be ma, gee gi nyɛ lè be fǎngi, ní be fundaanri, ní be fèreri, ní be nyapiigèle yanidaanmaga, ní be fúnyi ki laànitaʔa yáriga, ní be nànbiigèle, ní be calipiigèle,
Mii a syɔɔn ye yaʔa paa táanri yele na, pe lè mii syɛ́ɛnbèle Isirayɛli ye, pe a mɔ syɔɔ taa. Mɔ a pye be kɔ́rigi, mɔ a ní kòro bàā be bɔ̀nɔ́ pìibēle ni í.
‹Yele a kɔ́ pye àmɛɛ yele tóolɛɛbèle da pye lè í, poro bele má booma kanyaajoobèle da ni gi nyuu lè níì jo: Yawe wi lè Nyɛ̀ʔɛni Sùlasiibéle Kafɔlɔ wi n jo: Ye láʔa yele kóbeeyi, ní yele nàʔabeemi na. Kàjáa pe ga lóʔo í, pe ga líiyi cáan n lóʔo mii ma í, Yawe wi jo nya.
Wi ségbanni i yaà wi kɔ́gi ni. Wi a wi yaliiri sámaga pɛ́ɛ wi kàsyɔɔgi na si di fɛɛ bi sa kɔn wi gbòdunni ni, si yaliisigiri le bànvigi náagi ni bi di sórigo.»
Mɔ nanbiigèle, ní mɔ calipiigèle a kaan syɛɛnfelegaa nikwɔɔ ma. Mɔ nyapiigèle a gee bee nyaa pe nyaalaaw si pye ge na canʔa o canʔa, mɔ fánʔa si a taa yafyɛn na í.