Zyeremii 15:5 - Cebaara Bible 2010

⁵ «Koro na wìí wi a nyinimɛ taa mɔ na, Zyerusalɛmi? Wìí wi a mɔ kéeli yáa? Wìí wi a yére si mɔ yíbe si jo mɛ̀ɛ́ mɔ nyɛ?

Zyeremii 15:5 Iomraidhean Croise

Zyɔbi 19:21

Ye nyinimɛ taa, ye nyinimɛ taa mii na, yele ye nyɛ lè mii tàannyɛnbèle! Níì cán Kolocɔlɔɔ kɔ́gi gi nan mii na.

Ŋúnuyi 69:20

Mɔ n gi cán kánmee na pe mii teeri lè, ní wɔ́ɔ i fɛ̀ɛ́ri wáa mii na lè, ní i mii cɛ́rɛgi lè. Mɔ nyɛ́nɛ i nyɛ mii kàsiitun-nyɛ́nbèle myɛ na.

Yirile 18:7

A Mowizi yiri n kári n sáà wi céw tóo fàra níì tìgi n kpùmɔnɔ wi taana ní wɔ́ɔ̀ wi syɔɔnri syɔɔnri. A be peyɛɛ zyáanri ní baa pínɛ n jée Mowizi fànikpaagi ni.

Ezayi 51:19

Wɔʔɔyi naa tɛɛyɛ siin n too mɔ na, wìí wi a gi yáa ní mɔ ní? Yoro yi nyɛ kolili ní kálagili, ní ŋɔséew ní kateegi? Mɛ̀ɛ́ si mii a gbǎn mɔ kpɛʔɛlɛ bi sɛ́ɛ?

Zyeremii 13:14

Mii a be kpúmɔn tɔ́nʔɔnɔ peyɛɛ na, tofɔbèle, ní pìíbèle, pínɛmɛ, Yawe wi jo nya. Mii a tée wàa yaʔa í, mii a pye nyinimɛ fun, mii a tée nyinimɛ taa be na í. Yafyɛn a mii yérige be kálagili na í.› »

Zyeremii 16:5

Yawe n syɛ́ɛnri naa joo níì jo: «Mɔ a kɔ́ jée kpaagaa ni, beè be nyaan kpóō na lè í, mɔ a kɔ́ kári kùugo tɛ́ʔɛ ma í, mɔ a kɔ́ ra be kéeli yáa í. Níì cán mii n mii yɛɛ̀nyingi láʔa syɛ́ɛnbèle naa na, n fàra mii funjǎngi, ní mii nyínimi na,» Yawe wi jo nya.

Zyeremii 21:7

Koro kàdoʔo ma Zyuda fànʔafɔw wi lè Sedesyasi, ní wi falipyebèle, ní syɛ́ɛnbèle bele pe ga kòro kěgi naa ni lè káfalagi yáama, ní ŋɔséew, ní kateekpɔɔgi kàdoʔo ma, mii a be le Babilɔni fànʔafɔw Nebukadinezari kɔ́yi ni, ní be nigoobèle kɔ́yɔ ni, ní bele kɔ́yɔ ni pe be sìikwɔɔri caa lè. Wi a be kpúmɔn kpóo ní ŋɔséew nyɔ́ɔ ní, nyinimɛ fun, ní cɔɔnrimɔ fun, ní tɔʔɔlɔmɔ fun,› Yawe wi jo nya.

Kayaagi Nyɛnigɛ 1:17

Siyɔn n kɔ́yi sánʔa, syɔɔn faala si ga wi kpɛʔɛlɛ í. Yawe n syɛɛnrɛ joo n gbàn Zyakɔbi kánmi na, jàngó wi tɛ́ɛnnyɛnbèle í pye wi kàsiitun-nyɛ̀nnɛ. Zyerusalɛmi n baa pye yanɔnʔɔgɔ be níngi ni.

Nahumi 3:7

Kánmi bee na wee wi ga mɔ nyaa lè, wi a fàn bi léeli mɔ na si gi jo si jo: «Niniivi n pye kataʔa, wìí wi a wi kéeli yáa? Sán mii a kpɛʔɛlɛfɔɔlɔ caa taa mɔ na?»

Jàbɔbèle 18:15

A be kolo n fala yaà beè Levii ye nìgɔcariw kpaʔa ma, ki lè Mika kpáagi, n sáà wi syáanri.

1 Samyɛli 10:4

Pe a mɔ syáanri si búrubéle siin kaan mɔ ma, mi be syɔɔ be ma.

1 Samyɛli 17:22

A Davidi wi túgori kàriga n yaʔa túgori kɔ̀rɔsiifɔlɔ ma, níì fàn n kári kapɛɛnni kabiga ma n sáà nan níì wi senyɛnbèle syáanri.

1 Samyɛli 25:5

A wi nìgɔcaribéle kɛɛ tun wi ma níì be pye: «Ye lúgu Karimɛli ma, ye kári Nabali ma, ye sa wi syáanri yaà mii ma,